TITUS
Anna von Koeln, Liederbuch
Part No. 7
Previous part

Song: 16.  
Manuscript page: 21a-22a 
Sub nota Dies est laeticiae


Strophe: 1  
Verse: 1     Eyn kyndelyn so lovelich
Verse: 2     is ons geboren hude
Verse: 3     van eynre jonffrouwe suverlich,
Verse: 4     troist sy allen luden.
Verse: 5     Weir ons dat kyndelyn neit geboeren
Verse: 6     so weren wir al zo mail verloeren,
Verse: 7     dat heil is onser alre.
Verse: 8     Eya, suesse Jhesus Christ,
Verse: 9     want tu mynsch geboeren bis,
Verse: 10     behuede ons vor der hellen.

Strophe: 2  
Verse: 1     Dry edel konynck, hoge geboren,
Verse: 2     bekanten yn by den sternen,
Verse: 3     wie ons eyn kyndelyn weir geboren;
Verse: 4     sy woelden yn schauwen gerne;
Verse: 5     sy namen myt sich richen zoult:
Verse: 6     myrre, wyroch inde goult.
Verse: 7     Sy tzogen yrre straissen.
Verse: 8     Sy vielen neder up yr knee,
Verse: 9     dat kynt ontfynck den offer syn
Verse: 10     ind ouch die moder schone.

Strophe: 3  
Verse: 1     Do der offer was gescheit
Verse: 2     van den konyncken allen,
Verse: 3     sy namen oirloff weder van dan,
Verse: 4     sy tzogen heyn zo landen;
Verse: 5     der engel voirt sy sulcher sycht,
Verse: 6     dat sy zo Heroden en quemen nicht.
Verse: 7     He begont ser zo vragen
Verse: 8     in dem lande al over al
Verse: 9     om des konyncks lovesam,
Verse: 10     sy hadden yn bedroegen.

Strophe: 4  
Verse: 1     Jhoseph nam dat kyndelyn
Verse: 2     leifflich in syn armen:
Verse: 3     Maria, lieve moder myn,
Verse: 4     nu trecken wir van den landen
Verse: 5     ind trecken in Egypten lant,
Verse: 6     da wirt ons vroud ind wonne bekant,
Verse: 7     wir en dorren neit langer blyven.
Verse: 8     Eya, wilche valsche lyst
Verse: 9     lechten sy an den werden Crist,
Verse: 10     sy liessen de kyndergen doeden.

Strophe: 5  
Verse: 1     Weir Got mynsche neit geboeren,
Verse: 2     als ons de propheten songen,
Verse: 3     so weren wir alzo mail verloeren.
Verse: 4     Nu is ons heil erlongen
Verse: 5     ind gaff ons dar den duren doit.
Verse: 6     Maria brecht ons dat levendige broit,
Verse: 7     des sollen wir loven alle
Verse: 8     ind soellen wesen allewege vro
Verse: 9     ind syngen myt den engelen hoge:
Verse: 10     Gloria in excelsis deo. Amen.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.