TITUS
Anna von Koeln, Liederbuch
Part No. 9
Previous part

Song: 18.  
Manuscript page: 24b-26b 
Carmen


Strophe: 1  
Verse: 1     Tzo den ewigen leven were ich gern, al wirt it lanck,
Verse: 2     wir willen van Jhesus syngen eynen suessen sanck,
Verse: 3     so wie zer eirsten nacht geschach,
Verse: 4     do he in der kribben lach
Verse: 5     gar onverborchen;
Verse: 6     so wer eyn reyn hertze hait,
Verse: 7     de en darff neit sorgen.

Strophe: 2  
Verse: 1     Van den oversten rait wart eyn boide gesant,
Verse: 2     eyn hillich engel, de was Gabriel genant,
Verse: 3     he quam, al da de maget was,
Verse: 4     in irre kameren, da sy las;
Verse: 5     he sprach mit zochten:
Verse: 6     Gegruyt systu, Maria,
Verse: 7     du darffs neit fruchten.

Strophe: 3  
Verse: 1     Du bis alrer genaden vol, Got is mit dir,
Verse: 2     dyns lyffs frucht gebenedyt sy,
Verse: 3     Got wilt van dir geboren wesen,
Verse: 4     des salstu, jonffer, wail genesen
Verse: 5     van alle sweren;
Verse: 6     wat Got wilt, dat moes gescheyn,
Verse: 7     der leve here.

Strophe: 4  
Verse: 1     Gebenedyt systu, suesse her Jhesu Crist,
Verse: 2     wantu myn troist, myn zoverlais, myn hoffen bis,
Verse: 3     noch claere dan der sonnen schyn,
Verse: 4     so sluys up dat hertze myn
Verse: 5     ind ouch myn synne,
Verse: 6     ind guys den hilgen geyst dar in
Verse: 7     mit synre mynne.

Strophe: 5  
Verse: 1     Do sich de mait Maria wail versan,
Verse: 2     dat die zyt vil balde solde eyn ende hayn,
Verse: 3     sy sprach: Joseph, mich steit der syn,
Verse: 4     zo Bethleem dar moissen wir hyn;
Verse: 5     ich han vernomen,
Verse: 6     dat Christus wilt geboren syn
Verse: 7     der werelt zo vromen.

Strophe: 6  
Verse: 1     Joseph trat mit haist dar hyn bis an die stat,
Verse: 2     dat eirste huys, da he de herberichynne bat,
Verse: 3     da stunt eyn esel ind eyn rynt,
Verse: 4     da wart geboren dat suesse kynt,
Verse: 5     der werelt zo troiste;
Verse: 6     wir moisten al verloeren syn,
Verse: 7     hed he ons neit an dem cruce erloist.

Strophe: 7  
Verse: 1     Do die echt dage om quamen, myn noch me,
Verse: 2     do wart dat kynt besneden na der alder ee,
Verse: 3     des XIII. dachs wart eme gebracht
Verse: 4     van dryn konyngen wail bedacht
Verse: 5     eyn offer schone;
Verse: 6     de richer Got
Verse: 7     geve sich ons zo lone.

Strophe: 8  
Verse: 1     Dat kintgen dat was suverlich,
Verse: 2     Maria die was vrouden rich
Verse: 3     gar onverborchen;
Verse: 4     so wer Jhesus in synem hertzen dreit,
Verse: 5     de en darff neit sorgen.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.