TITUS
Anna von Koeln, Liederbuch
Part No. 13
Previous part

Song: 22  
Manuscript page: 30a-31a 


Strophe: 1  
Verse: 1     Heir boven in myns vaders rijch,
Verse: 2     dar na mich sere verlanget,
Verse: 3     dair synt die edel geisten fyn,
Verse: 4     myt vrouden sy volbrengen.

Strophe: 2  
Verse: 1     All oer arbeit, den sy dont,
Verse: 2     dat en is neit dan schauwen,
Verse: 3     des vaders in der ewicheit
Verse: 4     gebruchen sy myt vrouden.

Strophe: 3  
Verse: 1     Die ewicheit hait ons ws gesant
Verse: 2     al ws syns vaders hertzen,
Verse: 3     dat he sprich eyn ewich wort
Verse: 4     al durch Marien hertzen.

Strophe: 4  
Verse: 1     Ind do dat lieff kynt geboren wart
Verse: 2     al ws der edeler fonteyne,
Verse: 3     do was sy alre genaden vol
Verse: 4     al om des sonders willen.

Strophe: 5  
Verse: 1     Nu synget, kynder, ind weset vro,
Verse: 2     vro ter gueder maisen;
Verse: 3     de burn der genaden is up gedaen,
Verse: 4     wir sullen van sunden laissen.

Strophe: 6  
Verse: 1     Laissen wir van sunden dan,
Verse: 2     Got der wilt ons geven
Verse: 3     synen eynygen geboren son,
Verse: 4     dar zo dat ewiche leven.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.