TITUS
Anna von Koeln, Liederbuch
Part No. 14
Previous part

Song: 23.  
Manuscript page: 31b-32b 
Carmen


Strophe: 1  
Verse: 1     Wie schoen so ist heir boven
Verse: 2     alle in dat hemelrich,
Verse: 3     dair syngen alle die engelen,
Verse: 4     alleluya,
Verse: 5     sy loven blydelich.

Strophe: 2  
Verse: 1     Die sonne is up gegangen
Verse: 2     ind hait yr schyn gegeven,
Verse: 3     myn lieff is an dat cruytz gaen staen,
Verse: 4     alleluya,
Verse: 5     van mynnen doit geblyven.

Strophe: 3  
Verse: 1     Al hynck he in der sonnen,
Verse: 2     sich, wie is he doirch houwen,
Verse: 3     die mynne hait yn verwonnen,
Verse: 4     alleluya,
Verse: 5     dat moegen wir an em schouwen.

Strophe: 4  
Verse: 1     Al syt ir nu so ser gewont,
Verse: 2     lieff, in dem hertzen bynnen,
Verse: 3     so myne sele al yn den gront,
Verse: 4     alleluya,
Verse: 5     quelen van mynnen.

Strophe: 5  
Verse: 1     O alresueste figure,
Verse: 2     van dusent wssverkoren,
Verse: 3     wie hait dyn edel nature,
Verse: 4     alleluya,
Verse: 5     yr verwe alsus verloren!

Strophe: 6  
Verse: 1     He hait den doit geleden
Verse: 2     myt also sachten synnen,
Verse: 3     he is zo hemel gevaren,
Verse: 4     alleluya,
Verse: 5     den ich myt truwen mynne.

Strophe: 7  
Verse: 1     He is zo hemel gevaren,
Verse: 2     hait vur ons voldaen,
Verse: 3     wir wilen ons gaen bereiden,
Verse: 4     alleluya,
Verse: 5     ind volgen Jhesum na.

Strophe: 8  
Verse: 1     Naturgen, du mois sterven
Verse: 2     ind altzo neit gaen,
Verse: 3     woultu dat guet erwerven,
Verse: 4     alleluya,
Verse: 5     all in der hoger schaer.

Strophe: 9  
Verse: 1     Als wir her boven komen,
Verse: 2     so ist al voldaen
Verse: 3     van lieve ind ouch van leide,
Verse: 4     alleluya,
Verse: 5     dat ons mach komen an.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.