TITUS
Anna von Koeln, Liederbuch
Part No. 15
Previous part

Song: 24.  
Manuscript page: 32b-35a 
Carmen


Strophe: 1  
Verse: 1     Hed ich die vlogelen van seraphin,
Verse: 2     ich woulde so hoge vlegen
Verse: 3     her boven in dat paradys
Verse: 4     zo Jhesum, mynen suessen lieven.

Strophe: 2  
Verse: 1     Do woulde ich sagen: Got vader myn,
Verse: 2     nu gyff mir gulde crone,
Verse: 3     dat ich so lange gedenet han,
Verse: 4     wanne woultu myr lonen?

Strophe: 3  
Verse: 1     Wat woultu myt der cronen myn,
Verse: 2     wat woultu myt der cronen?
Verse: 3     Du machs wail eyn clair spegel syn,
Verse: 4     dair ich in cleir myn ougen.

Strophe: 4  
Verse: 1     Dat ich dir eyn clair spegel byn,
Verse: 2     des mach ich mych verblyden;
Verse: 3     nu gyff myr noch eyn dubbel crone
Verse: 4     ind setz mych by dyne syde.

Strophe: 5  
Verse: 1     Nu bys blyde, myn lieve bruyt,
Verse: 2     ich sal dir geven die crone;
Verse: 3     ich haen so vyl ionfferen schoen
Verse: 4     heir boven in myme trone.

Strophe: 6  
Verse: 1     Sy synt getzeirt ind wael gedaen,
Verse: 2     sy komen ws verren landen,
Verse: 3     sy hant overgulden cleider an
Verse: 4     ind palmen in eren henden.

Strophe: 7  
Verse: 1     Als sy vur die portzen quamen,
Verse: 2     do vraechden sy onsen heren,
Verse: 3     off ir loen weir dusent valt,
Verse: 4     sy hedden dair om gestreden.

Strophe: 8  
Verse: 1     Gaet vort, ir heren van seraphyn,
Verse: 2     gaet vort, ir engelen alle,
Verse: 3     vertzeirt mir ouch dese tzarte bruyt,
Verse: 4     dat sy myr wael bevalle.

Strophe: 9  
Verse: 1     Sy leyden sy in der ionfferen choir,
Verse: 2     sy wolden sy dair vertzeiren,
Verse: 3     do quam de hilge dryveldicheit
Verse: 4     ind woulde sy confirmeren.

Strophe: 10  
Verse: 1     Maria brecht eyn hemdekyn,
Verse: 2     dat was van syden cleyne:
Verse: 3     Nu doen dit an, myn suesse bruyt,
Verse: 4     van sunden bistu reyne.

Strophe: 11  
Verse: 1     Her Jhesus brecht eyn mentelgyn dar,
Verse: 2     eyn mentelgyn van golde:
Verse: 3     Nu doen dit an, myn lieve bruyt,
Verse: 4     want dit is myne truwe.

Strophe: 12  
Verse: 1     Der hilge geist brecht eir eyn crone,
Verse: 2     so wonderlich geslagen,
Verse: 3     dat alle de heren van seraphyn
Verse: 4     alsuchs nye en gesagen.

Strophe: 13  
Verse: 1     Johannes brecht ir eyn rockelyn,
Verse: 2     eyn rockelyn van mynnen;
Verse: 3     sy gynck vur eren heren brudegum staen
Verse: 4     recht als eyn konynckynne.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.