TITUS
Anna von Koeln, Liederbuch
Part No. 16
Previous part

Song: 25.  
Manuscript page: 35a-36a 
Carmen


Strophe: 1  
Verse: 1     All onder myns lieffgens kyngen
Verse: 2     dar steit eyn lochelgyn,
Verse: 3     ws syme verwenden montgen
Verse: 4     vluyst neit dan honych ind mylch.

Strophe: 2  
Verse: 1     Myn lieffgen is so schone,
Verse: 2     als it geslaiffen hait,
Verse: 3     als eyn verwende rose,
Verse: 4     dar sich der dauwe op laet.

Strophe: 3  
Verse: 1     Die druwen synt aff gesneden,
Verse: 2     der wyn is ws gewrongen,
Verse: 3     al van her Jhesus hertzen
Verse: 4     die bende synt aff gesprongen.

Strophe: 4  
Verse: 1     Wer sal ons nu schencken,
Verse: 2     wir moissen droncken syn?
Verse: 3     Dat sal her Jhesus selver,
Verse: 4     he is suesser dan der wyn.

Strophe: 5  
Verse: 1     Wer sal ons nu schencken
Verse: 2     den alren besten most?
Verse: 3     Dat sal her Jhesus selver
Verse: 4     all in syns vaders hoff.

Strophe: 6  
Verse: 1     Nu kompt, ir verwende sele,
Verse: 2     nu koempt her vur dat vas,
Verse: 3     ind nemet all oir genoechden,
Verse: 4     want sy uch werden mach.

Strophe: 7  
Verse: 1     Der wech zo dem hemelrichen,
Verse: 2     der is so wail gedaen
Verse: 3     myt rosen ind ouch myt lilien,
Verse: 4     dair men henen sal gaen.

Strophe: 8  
Verse: 1     Als ich her boven kome,
Verse: 2     is myr dat neit groisse ere,
Verse: 3     dat ich mach sprechen boele,
Verse: 4     de engelen sagent here.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.