TITUS
Anna von Koeln, Liederbuch
Part No. 18
Previous part

Song: 27.  
Manuscript page: 37a-38a 


Strophe: 1  
Verse: 1     Ich hoirt dat kloickelgen luden,
Verse: 2     zer kirchen steit myn syn;
Verse: 3     dat doen ich alle dar omme,
Verse: 4     want Jhesus wont dair yn.

Strophe: 2  
Verse: 1     Jhesus hait bruyn oeugelgyn,
Verse: 2     benympt myr alle myn synne;
Verse: 3     ich wil it Maria clagen,
Verse: 4     dat ich berouvet byn.

Strophe: 3  
Verse: 1     Clages du it mynre moder,
Verse: 2     wat sal ich dar zo doen?
Verse: 3     Dat wil ich selver wrechen,
Verse: 4     dat dir dyn hertz zo breche.

Strophe: 4  
Verse: 1     Ind brichs du myr myn hertze,
Verse: 2     wat vynstu dan dair yn?
Verse: 3     Wale eyne verwende sele,
Verse: 4     ind dair woent Jhesus yn.

Strophe: 5  
Verse: 1     Were ich eyn cleynes voegelgyn,
Verse: 2     die vedergen woulde ich haen
Verse: 3     ind vlegen in dat hemelrichen,
Verse: 4     Jhesum woulde ich vangen.

Strophe: 6  
Verse: 1     Hetz du Jhesum gevangen,
Verse: 2     wat woulstu myt eme doen?
Verse: 3     Ich sloit yn in myn hertze
Verse: 4     ind dede it vaste tzo.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.