TITUS
Anna von Koeln, Liederbuch
Part No. 19
Previous part

Song: 28.  
Manuscript page: 38a-41b 
Carmen.


Strophe: 1  
Verse: 1     Nu wil ich vroelich heven an
Verse: 2     ind syngen na den besten, dat ich kan,
Verse: 3     van eyme stoltzen ritter.

Strophe: 2  
Verse: 1     All in eyme cloister, dat dair stonde,
Verse: 2     dair na was eme syn hertz gewont,
Verse: 3     na eynre schoenre vrauwen.

Strophe: 3  
Verse: 1     Eyn abdyss so was sy dair,
Verse: 2     sent Gertrud, reyne ionffrau clair,
Verse: 3     dat vynden wir noch beschreven.

Strophe: 4  
Verse: 1     Der ritter was van mode gar stoltz,
Verse: 2     he verbrecht syn sylver ind golt
Verse: 3     all om sent Gertrud mynnen.

Strophe: 5  
Verse: 1     Sent Gertrud mynden den rytter sere
Verse: 2     all om die mynne ons leven heren,
Verse: 3     op dat he in woude behalden.

Strophe: 6  
Verse: 1     Der rytter was van moide ongestalt
Verse: 2     ynd reit in eynen bisteren wailt,
Verse: 3     all om syn leit zo beschreien.

Strophe: 7  
Verse: 1     Der duvel quam zo eme gegaen,
Verse: 2     he sprach: Du ritter wail gedaen,
Verse: 3     wat is dyns hertzen lyden?

Strophe: 8  
Verse: 1     Der ritter sprach ws vollen moide:
Verse: 2     Ich haen verloren gelt ind goit,
Verse: 3     dat deit mych hertzlich truren.

Strophe: 9  
Verse: 1     Der duvel sprach: Haff goiden moit,
Verse: 2     ych wil dir geven goitz genoich,
Verse: 3     all om dyn genoichde zo driven.

Strophe: 10  
Verse: 1     Der ritter stoltz wart gar gemoit
Verse: 2     ynd hoffden, zo haven goitz genoich,
Verse: 3     all om syn genoichden zo driven.

Strophe: 11  
Verse: 1     Der duvel sprach: Du ritter goit,
Verse: 2     du salt myr schriven myt dyme bloit,
Verse: 3     dat du Godes verlones.

Strophe: 12  
Verse: 1     Der ritter was van hertzen vro
Verse: 2     jnd schreiff myt syme eygen bloit,
Verse: 3     dat he Goitz verloenden.

Strophe: 13  
Verse: 1     Sy satten den dach seven iair,
Verse: 2     dat he zom gronen walde solde gaen
Verse: 3     ind solde dair reden geven.

Strophe: 14  
Verse: 1     Do die tzyt ten enden quam,
Verse: 2     dat he den duvel heym solde varen,
Verse: 3     do was syn hertz bedroevet.

Strophe: 15  
Verse: 1     Sent Gertrud sach syn droeffheit an
Verse: 2     ynd sprach: Du ritter gar verzaget,
Verse: 3     wat is dyns hertzen lyden?

Strophe: 16  
Verse: 1     Der ritter sprach ws vollen moide:
Verse: 2     Got gesene uch, edel ionffrau goit,
Verse: 3     ych en geseyn uch numermeren.

Strophe: 17  
Verse: 1     Sent Gertrud sprach: Nu drynck van myr,
Verse: 2     in des crucis krafft beveil ich dich
Verse: 3     ynd in sent Johannis geleide.

Strophe: 18  
Verse: 1     He satte die schail vur synen mont
Verse: 2     ind dranck sy ws all up den gront
Verse: 3     all in sent Gertrud mynnen.

Strophe: 19  
Verse: 1     Der ritter reit all durch den sant,
Verse: 2     dair he den leidigen duvel vant
Verse: 3     so grymmelichen geberen.

Strophe: 20  
Verse: 1     Nu halt, du ritter, dair is der breiff,
Verse: 2     den du myt dyns selves bloide geschreiffen,
Verse: 3     nu schaff dich balde van hynnen.

Strophe: 21  
Verse: 1     In hed dir der leste dronck gedaen,
Verse: 2     myt mir zom dansse gaen
Verse: 3     so verre in die helle.

Strophe: 22  
Verse: 1     De dir dat leste werff dryncken gaff,
Verse: 2     de hevet benomen myr myn crafft,
Verse: 3     mir ind mynen gesellen.

Strophe: 23  
Verse: 1     Der ritter up synen sadel schrit,
Verse: 2     sent Gertrud erchter eme gereit,
Verse: 3     em was so wale gemoit.

Strophe: 24  
Verse: 1     Der ritter bedecht sich zer stunt
Verse: 2     ind eme rouden syne sunden ws syns hertzen gront,
Verse: 3     ind he ginck in eyn cloister.

Strophe: 25  
Verse: 1     Dat kloister dat was wael bekant,
Verse: 2     der preytger orden was it genant,
Verse: 3     dair endet der ritter syn leven.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.