TITUS
Anna von Koeln, Liederbuch
Part No. 20
Previous part

Song: 29.  
Manuscript page: 41b-43a 
Carmen


Strophe: 1  
Verse: 1     Jhesus bat eyn selekyn,
Verse: 2     dat it syn vruntgen were;
Verse: 3     yt sprach: Woulde it gern doen,
Verse: 4     woest ich, wattu myr geves.

Strophe: 2  
Verse: 1     Ich wil dir geven myn hemelrich,
Verse: 2     de engelen sullen dir dienen. -
Verse: 3     Dyn engelen en versmae ich neit,
Verse: 4     du bis myr selver lever.

Strophe: 3  
Verse: 1     Ich wil dir geven myn firmament,
Verse: 2     den hemel myt den sternen
Verse: 3     ind alre creaturen deynst,
Verse: 4     wes moecht dir lever gewerden?

Strophe: 4  
Verse: 1     Wat solde myr dyn verblecken golt
Verse: 2     mit menchen vremden bilden?
Verse: 3     Du mois myr selver syn genoech
Verse: 4     na all myns hertzen begerden.

Strophe: 5  
Verse: 1     Ich wil dir geven de moder myn
Verse: 2     myt allen reynen meychden. -
Verse: 3     Als ich dich, lieffgen, selver haen,
Verse: 4     wie noide sy myr versechten.

Strophe: 6  
Verse: 1     O selekyn, du bis grondelois
Verse: 2     ind en leitz dir neit genoegen;
Verse: 3     ych voir dich durch dat onderscheit
Verse: 4     ind machens dich gewoene.

Strophe: 7  
Verse: 1     Ind voirstu mych durch onderscheit,
Verse: 2     mach myr dat gehelpen?
Verse: 3     Ind wirpe mych in der mynnen vuyr,
Verse: 4     laes mych dair in versmeltzen.

Strophe: 8  
Verse: 1     Ind als du dann versmoltzen bis,
Verse: 2     war machstu dann gelenden?
Verse: 3     All in dem mynnenden hertzen dyn,
Verse: 4     dair all creaturen lenden.

Strophe: 9  
Verse: 1     O selekyn, wes ich dir beide,
Verse: 2     des is dir al zo cleyne.
Verse: 3     Nu myn wsvercoren lieff,
Verse: 4     nu mynne du mych alleyne.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.