TITUS
Anna von Koeln, Liederbuch
Part No. 22
Previous part

Song: 31.  
Manuscript page: 44a-46b 
Carmen


Strophe: 1  
Verse: 1     It bat eyn mynnende sele ir lieff
Verse: 2     so lange durch syn genade,
Verse: 3     mer dat he komen woulde zo ir,
Verse: 4     nochtant so beide he spade.

Strophe: 2  
Verse: 1     Mer do he komen was zo ir,
Verse: 2     sy vraichden eme so ser:
Verse: 3     Wair haistu, lieff, so lange geweist,
Verse: 4     war om en quemstu neit get eyr?

Strophe: 3  
Verse: 1     Ich weir wale eyr gecomen, goit leiff,
Verse: 2     mych tzwivelden an der maissen;
Verse: 3     ych haen dyn hertz so duck beroirt,
Verse: 4     mych doicht, dat dair noch in saissen.

Strophe: 4  
Verse: 1     Alle deser werelt lusten
Verse: 2     myt mencherhande ydelheiden,
Verse: 3     wanneir ich dar in resten wolde,
Verse: 4     so moist ich langer beyden.

Strophe: 5  
Verse: 1     Nu haen ich myn hertze zo dir gevoicht,
Verse: 2     des dancke ich Gode der stonden.
Verse: 3     Synt dat mych dyns so wail genoicht,
Verse: 4     so haen ich vroude gevonden.

Strophe: 6  
Verse: 1     Jhesus druckde de mynnende sele
Verse: 2     so vast an syn bursten:
Verse: 3     Nu tast in desen rychen schatz
Verse: 4     ind lesche alle dynen dorste.

Strophe: 7  
Verse: 1     O we ind o wach, wat is myr geschiet,
Verse: 2     wat haen ich all verloren?
Verse: 3     Ich en kant der edelre rosen neit,
Verse: 4     ich han gepluckt die dorne.

Strophe: 8  
Verse: 1     Myn hertz steit up,
Verse: 2     eyn eynich eyn van bynnen.
Verse: 3     Ich haen so lange alleyn geweist,
Verse: 4     goit lieff, sonder dyne mynnen.

Strophe: 9  
Verse: 1     Dat ir alleyn gesessen hait,
Verse: 2     dat wil ich uch vergelden.
Verse: 3     Ich will uch mere vroude geven,
Verse: 4     all kome ich nu sus selden.

Strophe: 10  
Verse: 1     All deser werelt lusten
Verse: 2     en is neit dan eyn ydelheit.
Verse: 3     Ich bid dich, leiff, durch dyn genade
Verse: 4     ind laisse ons nummer gescheiden.

Strophe: 11  
Verse: 1     It mois noch an eyn scheiden syn,
Verse: 2     ind ich wil weder komen.
Verse: 3     So gyff dich myr mit willen dyn,
Verse: 4     it sal dich noch wail vromen.

Strophe: 12  
Verse: 1     Op dat ich nummer en fruchten,
Verse: 2     en fruchte vur dat scheiden,
Verse: 3     dat koir ich vur myn hemelrich,
Verse: 4     ich en wouldes neit langer beiden.

Strophe: 13  
Verse: 1     Jhesus machden de mynnende sele
Verse: 2     van hertzen also blyde.
Verse: 3     He woilde oir mere vroude geven
Verse: 4     noch in koirtzen tzyden.

Strophe: 14  
Verse: 1     Ich en ger geynre vrouden meir,
Verse: 2     dan dat ich vair myt dir in die helle
Verse: 3     offt int deipste van der see,
Verse: 4     ind du weirs myn geselle.

Strophe: 15  
Verse: 1     Jhesus druckde de mynnende sele
Verse: 2     so vast in syne wonden:
Verse: 3     Nu taste in desen richen schatz
Verse: 4     ind lessche alle dynen kummer.

Strophe: 16  
Verse: 1     Jhesus vorte de mynnende sele,
Verse: 2     dar sy verhalen were.
Verse: 3     He tzoende oir der vrouden mere,
Verse: 4     de he oir had verborgen.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.