TITUS
Anna von Koeln, Liederbuch
Part No. 23
Previous part

Song: 32.  
Manuscript page: 46b-48a 
Carmen


Strophe: 1  
Verse: 1     Och hogelovede mynne,
Verse: 2     in dynre hoichster art,
Verse: 3     dyn doget is so swynde,
Verse: 4     want sy al dynck vermach.

Strophe: 2  
Verse: 1     Wir willen van mynnen ylen
Verse: 2     op zo Gode wart.
Verse: 3     Hie en is geyn langer beiden,
Verse: 4     die tzyt die geit ewech.

Strophe: 3  
Verse: 1     Nu geynt wir op zo Bethleem
Verse: 2     ind nemen des synnes war,
Verse: 3     wie onse leve vrauwe
Verse: 4     onsen heren gebar.

Strophe: 4  
Verse: 1     De kuysche reyne de gebar
Verse: 2     aen alle wee;
Verse: 3     yr crefften waren opgetzogen,
Verse: 4     in ewicheit sy stont.

Strophe: 5  
Verse: 1     Sy sach de III personen
Verse: 2     in oeren wesen staen,
Verse: 3     myt lichten onderscheide,
Verse: 4     dat was ir offenbair.

Strophe: 6  
Verse: 1     Sy sach de luytter geisten
Verse: 2     mit oer all omcleit,
Verse: 3     de genade had sy ontfangen
Verse: 4     durch de soenlicheit.

Strophe: 7  
Verse: 1     Nu gaent wir zo der cribben,
Verse: 2     dar vynden wir den ort;
Verse: 3     dair licht he in den stricken,
Verse: 4     dat vederliche wort.

Strophe: 8  
Verse: 1     Nu stait up, jonffrauwe reyne,
Verse: 2     ind troist dat kyndelyn;
Verse: 3     it schreit ind weynet sere,
Verse: 4     dar en is geyn hulpe by.

Strophe: 9  
Verse: 1     De jonffrau kuysch ind reyne,
Verse: 2     sy viel op ir knee:
Verse: 3     Du bis myn Got, myn here,
Verse: 4     des mois ich ommer geen.

Strophe: 10  
Verse: 1     De engelen in den thronen,
Verse: 2     de dadent der werelt kont:
Verse: 3     Ons is geboren schoene
Verse: 4     eyn kyndelyn, is ionck.

Strophe: 11  
Verse: 1     Vro vro vro,
Verse: 2     mynchliche nature is hoge,
Verse: 3     dat hait gemacht de mynne;
Verse: 4     nu seit, dat is also.

Strophe: 12  
Verse: 1     Myt synen vrien willen
Verse: 2     gaff he den son in noit;
Verse: 3     he wolde den viant stillen
Verse: 4     mit scharpen wonden roit.

Strophe: 13  
Verse: 1     Och och och,
Verse: 2     dat eyn sunde geschach,
Verse: 3     des moist dat lieve kynt sterven,
Verse: 4     des lyden ich ongemach.

Strophe: 14  
Verse: 1     Och hogelovede mynne,
Verse: 2     in dynre hoichster art,
Verse: 3     dyn doget is so swynde,
Verse: 4     want sy all dinck vermach.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.