TITUS
Anna von Koeln, Liederbuch
Part No. 24
Previous part

Song: 33.  
Manuscript page: 48b-49b 


Strophe: 1  
Verse: 1     Ich sien den morgenssterren,
Verse: 2     ons heren clair anschyn;
Verse: 3     ich gruysse uch sonder merren
Verse: 4     mit all dem hertzen myn.

Strophe: 2  
Verse: 1     Och, wie mach ich dair hoeren
Verse: 2     machen so suesse gebaer?
Verse: 3     It ludet in mynen oren,
Verse: 4     offt gulden harpen waer.

Strophe: 3  
Verse: 1     O sele, wilt ir mynnen
Verse: 2     ind bekennen bes
Verse: 3     ind mych dar myt gewynnen,
Verse: 4     ich byn dyns hertzen schatz.

Strophe: 4  
Verse: 1     Jhesus, och lieff vercoren,
Verse: 2     myn troist, myn zoverlais,
Verse: 3     verleyn myr altzo voren,
Verse: 4     tzo volgen uren rait.

Strophe: 5  
Verse: 1     Wilt yr by rait leven,
Verse: 2     so lais urs selffs rait
Verse: 3     ind wilt alle dynck begeven,
Verse: 4     dar ur syn zo staet.

Strophe: 6  
Verse: 1     Synt de neyste wegen,
Verse: 2     so byn ich sere ververt:
Verse: 3     nature de en wilt neit plegen,
Verse: 4     it is oren rechten art.

Strophe: 7  
Verse: 1     O sele, slait up ur ougen,
Verse: 2     siet an myn bitter pyn;
Verse: 3     myn edel bloit verdrogen,
Verse: 4     wilt ir myn bitter syn.

Strophe: 8  
Verse: 1     Wilt ir mich neit begeven,
Verse: 2     Jhesus, myn gulden pont,
Verse: 3     so wil ich uch all myn leven
Verse: 4     dragen in mynen hertzen gront.

Strophe: 9  
Verse: 1     O sele, sulde ich uch laten?
Verse: 2     Neen ich, in geynre stont;
Verse: 3     ich byn om oeren baten
Verse: 4     tzer doit so ser gewont.

Strophe: 10  
Verse: 1     O her, oer bedruckden tranen
Verse: 2     geeift myr durch oer oitmoit,
Verse: 3     ind dat ich overmytz uch vermane
Verse: 4     mach verkrigen dat ewiche goet.

Strophe: 11  
Verse: 1     O sele, ontfanck die crone,
Verse: 2     myn truwe die geven ich dir;
Verse: 3     mych sulde ir haven zo lone,
Verse: 4     en scheit numer me van myr.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.