TITUS
Anna von Koeln, Liederbuch
Part No. 25
Previous part

Song: 34.  
Manuscript page: 50a-51b 
Carmen


Strophe: 1  
Verse: 1     Myt vrouden willen wir syngen
Verse: 2     ind loven de triniteit,
Verse: 3     dat sy ons wil brengen
Verse: 4     tzo ewicher selicheit,
Verse: 5     die ewelich sal dueren,
Verse: 6     ewelich ind sonder verganck;
Verse: 7     och, mocht ons dat gebueren!
Verse: 8     Och, ewich is so lanck.

Strophe: 2  
Verse: 1     Leffden wir na den geboden,
Verse: 2     also wir leven sulden,
Verse: 3     ind deynden ons Gode her boven
Verse: 4     ind onser lever vrauwen
Verse: 5     ind lesen over leyden
Verse: 6     die werelt in eren ganck,
Verse: 7     so sulden wir her na verblyden.
Verse: 8     Och, ewich is so lanck.

Strophe: 3  
Verse: 1     De blytschaff is sonder ende
Verse: 2     hie boven im hemelrich,
Verse: 3     die wir da sullen vynden,
Verse: 4     en hait geyn gelich;
Verse: 5     dat is dat gotliche wesen,
Verse: 6     it schenckt ons goeden dranck,
Verse: 7     als wir hoeren lesen.
Verse: 8     Och, ewich is so lanck.

Strophe: 4  
Verse: 1     De engelen daer boven
Verse: 2     sy machen groisse cheir,
Verse: 3     laes ons eme alle loven,
Verse: 4     it ghelt ons even deir;
Verse: 5     so mogen wir verblyden
Verse: 6     ind syngen der engelen sanck
Verse: 7     zo ewelichen tzyden.
Verse: 8     Och, ewich is so lanck.

Strophe: 5  
Verse: 1     De hilgen alle gader
Verse: 2     sy machen groisse fest.
Verse: 3     Sy loven Got den vader,
Verse: 4     den son, den hilgen geist.
Verse: 5     Als wir de sunden laissen,
Verse: 6     sy wissen ons groissen danck.
Verse: 7     Sy verblyden boven maissen.
Verse: 8     Och, ewich is so lanck.

Strophe: 6  
Verse: 1     Maria, moder ons heren,
Verse: 2     sy is van ons verblydt,
Verse: 3     wanneir wir ons bekeren
Verse: 4     in deser ellendiger tzyt.
Verse: 5     Maria, maget reyne,
Verse: 6     o edel wyngart ranck,
Verse: 7     bidt vur ons gemeyne.
Verse: 8     Och, ewich is so lanck.

Strophe: 7  
Verse: 1     Nu lais ons deynen Gode,
Verse: 2     dat rade ich ionck ind alt,
Verse: 3     ind halden syn geboden
Verse: 4     ind deynen eme mennychfalt,
Verse: 5     dat he ons wil beschyrmen
Verse: 6     al van der hellen stanck
Verse: 7     ind van der ewiger kermen.
Verse: 8     Och, ewich is so lanck.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.