TITUS
Anna von Koeln, Liederbuch
Part No. 27
Previous part

Song: 36.  
Manuscript page: 52b-54a 
Carmen


Strophe: 1  
Verse: 1     Hed ich die vlogelen eyns aren grys,
Verse: 2     ich suld so hoge vleigen
Verse: 3     dar boven in dat paradys
Verse: 4     tzo myme suessen lieven.

Strophe: 2  
Verse: 1     Dan sulde ich sagen: Vader myn,
Verse: 2     wanneir sulde ir mych halen
Verse: 3     wss desem ellenden ertrych up
Verse: 4     yn uren hoesten salen?

Strophe: 3  
Verse: 1     Wair is die dochter van Syon?
Verse: 2     Ich wil sy vroelich machen,
Verse: 3     Ich wil ir eyn boetschaff doen
Verse: 4     van also hoegen sachen.

Strophe: 4  
Verse: 1     Der hoechste in der mynnen
Verse: 2     dat is Jhesus, Marien son,
Verse: 3     Got laess den ons gewynnen
Verse: 4     hie boven in den throen.

Strophe: 5  
Verse: 1     Dat hemelrich ind ertrich
Verse: 2     neman en coenst gebruchen,
Verse: 3     dat sal eyn suver maget reyne
Verse: 4     in eren licham sluyssen.

Strophe: 6  
Verse: 1     Die donckernisse is ons verclairt,
Verse: 2     dat licht is ons gebleven,
Verse: 3     eyn maget hait eyn kynt gebeirt,
Verse: 4     dat mach wail wonder wesen.

Strophe: 7  
Verse: 1     Dat kynt was teder ind kranck,
Verse: 2     eyn maget moist it voeden;
Verse: 3     it is recht, dat wir eme wyssen danck
Verse: 4     van synre groisse oitmoeden.

Strophe: 8  
Verse: 1     Her Jhesus kerst, wat hait ir gemynt,
Verse: 2     wir sulden uch gern vragen,
Verse: 3     dat ir hie sus licht ind weynt?
Verse: 4     Jr syt so ionck van dagen.

Strophe: 9  
Verse: 1     Dat ons wilen was ongereit,
Verse: 2     dat moegen wir nu gebruchen;
Verse: 3     dat Adam in den apel beis,
Verse: 4     dat dede den hemel sluyssen.

Strophe: 10  
Verse: 1     O moder van hemelrich,
Verse: 2     Conynck in den throene,
Verse: 3     bid vur ons allen ynnenclich
Verse: 4     Marien eren soene.

Strophe: 11  
Verse: 1     Dat wir dar boven moessen,
Verse: 2     daer de engelen vroelich syngen,
Verse: 3     uch ind ur kynt gruessen,
Verse: 4     Dat wil ons Got gehengen.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.