TITUS
Anna von Koeln, Liederbuch
Part No. 28
Previous part

Song: 37.  
Manuscript page: 54b-56a 
Carmen


Strophe: 1  
Verse: 1     Tzo Jherusalem dair woent myn lieff,
Verse: 2     dar na steit myn begeren,
Verse: 3     her Jhesus is ons zoverlais,
Verse: 4     dar wil wir ons henen keren.

Strophe: 2  
Verse: 1     Ich sach her Jhesus van Nazaret
Verse: 2     op eynen esel ryden,
Verse: 3     die cleyder wairen dar neder gespreit
Verse: 4     ind ouch die groene ryser.

Strophe: 3  
Verse: 1     He reit up eynen esel ionck,
Verse: 2     up eynen esel cleyne,
Verse: 3     he was der alre oitmoediste her,
Verse: 4     he was van hertzen reyne.

Strophe: 4  
Verse: 1     Sy brachten in bynnen Jherusalem
Verse: 2     myt also groisser eren,
Verse: 3     he was der alre oitmoedichste her,
Verse: 4     he bedroeffde sich so sere.

Strophe: 5  
Verse: 1     De appostolen hoven an ind songen
Verse: 2     myt also luyder stymmen,
Verse: 3     de kynder de nye gereedt en hadden
Verse: 4     de loiffden al den heren.

Strophe: 6  
Verse: 1     Osanna filio, Davids son,
Verse: 2     Jhesus van Nazarenen,
Verse: 3     gebendyt so mois he syn,
Verse: 4     der dair koempt in den namen des heren!

Strophe: 7  
Verse: 1     De he zo Jherusalem bynnen quam,
Verse: 2     Jhesus van Nazarenen,
Verse: 3     do geynck he in den tempel staen,
Verse: 4     al om dat volck zo leren.

Strophe: 8  
Verse: 1     Ind doe it by den avent quam,
Verse: 2     dat volck wart so verkeret,
Verse: 3     dat dar nemans do en was,
Verse: 4     de eme eit dorste eren.

Strophe: 9  
Verse: 1     Do it lait tzen avent quam,
Verse: 2     he gynck oitmoedentlichen
Verse: 3     myt synen droevyngen apostolen
Verse: 4     tzo Marien Magdalenen.

Strophe: 10  
Verse: 1     Her Jhesus is vur gegangen,
Verse: 2     myt allen synen mechden
Verse: 3     willen wir mit eme den loen ontfaen,
Verse: 4     den wech moessen wir ouch treden.

Strophe: 11  
Verse: 1     Sy dragen dar up den krans,
Verse: 2     getzeiret myt wissen cleyderen;
Verse: 3     sy gaent myt Jhesus an den dantz
Verse: 4     myt also groisser eren.

Strophe: 12  
Verse: 1     Sy syngen eynen nuwen sanck,
Verse: 2     sy dragent die crone alleyne,
Verse: 3     die anders nemant dragen en mach,
Verse: 4     he sy van hertzen reyne.

Strophe: 13  
Verse: 1     Sy seynt verlieff van ougen zo ougen,
Verse: 2     den sy van hertzen mynnen,
Verse: 3     sy gebruychen syns in allen uren
Verse: 4     na yren lieffsten willen.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.