TITUS
Anna von Koeln, Liederbuch
Part No. 29
Previous part

Song: 38.  
Manuscript page: 56a-59a 
Carmen


Strophe: 1  
Verse: 1     Ich dancke dir, her Jhesus Christ, der noit
Verse: 2     in dynre groissen truwen,
Verse: 3     dat du sweissdes wasser ind bloit,
Verse: 4     verleyn ons gewaren ruwe.

Strophe: 2  
Verse: 1     Dat wir werdich werden moessen,
Verse: 2     dyne genade zo erwerven;
Verse: 3     ich bidden dich, hemelsche vurste zart,
Verse: 4     genade, wan wir sterven.

Strophe: 3  
Verse: 1     Du wurtz gevangen aen genade,
Verse: 2     gequelt mit smertzen ind pynen;
Verse: 3     dat leytz du allent vur onse misdait,
Verse: 4     du bewisdes groisse truwe den dynen.

Strophe: 4  
Verse: 1     Verspoit ind verspuwen wurtz du gar ser
Verse: 2     ind besacht mit mencher sunden;
Verse: 3     geduldentlich leitz du laster swair,
Verse: 4     up dat dat verloren schaeff wurde vonden.

Strophe: 5  
Verse: 1     Vur Pylatum wurtz du brecht
Verse: 2     all zo den selven tzyden;
Verse: 3     myt loegen wurtz du oversecht,
Verse: 4     dat woldes du geduldentlichen lyden.

Strophe: 6  
Verse: 1     An eyn suyl, was dick ind grois,
Verse: 2     dar an wortz du gebonden;
Verse: 3     dae stontz du nackt ind blois
Verse: 4     mit mencher deiffer wonden.

Strophe: 7  
Verse: 1     In dyn hoefft gedrucket wart
Verse: 2     eyn croen, die was van doernen;
Verse: 3     ich bidden dich, hemelsche vurste tzart,
Verse: 4     neit en lais mych dich vertzornen.

Strophe: 8  
Verse: 1     Dyme edelen licham geschach so wee,
Verse: 2     so du dyn cruytz moistes dragen
Verse: 3     all up den berch Calvarien,
Verse: 4     dar an wurtz du geslagen.

Strophe: 9  
Verse: 1     Myt bitteren dranck wurdes du gedrenckt
Verse: 2     al zo den selven stonden;
Verse: 3     essich ind galle wart dir geschenckt,
Verse: 4     dat hadden de joden vonden.

Strophe: 10  
Verse: 1     Seven wort ser lovelich
Verse: 2     sprachs du an den ende;
Verse: 3     ich bid dich, hemelsche vurste tzart,
Verse: 4     dyn genade nummer van ons wende.

Strophe: 11  
Verse: 1     Eyn lanck breit sper dyn hertz droich stach,
Verse: 2     dyn truwe woulde ons behalden;
Verse: 3     die mynne dede vleissen die genaden bache,
Verse: 4     dyme goeden gerden onser zo welden.

Strophe: 12  
Verse: 1     O edel vurste so mynnenclich,
Verse: 2     verleyne ons dir zo dancken
Verse: 3     dyns bitteren doitz ons vruchtberlich,
Verse: 4     lais ons van dir neit wancken.

Strophe: 13  
Verse: 1     Dynre lieven moder geschach so wee,
Verse: 2     do sy dyn pyn halp dragen;
Verse: 3     wer kunde gegrunden yrs hertzen wee,
Verse: 4     sy weynden mit iamer ind klagen.

Strophe: 14  
Verse: 1     Vam cruytz woirtz du gedaen,
Verse: 2     in der moder schois gegeven;
Verse: 3     sy gerden dich dusentwerff om tzo vayn,
Verse: 4     du weirs ir troist ind leven.

Strophe: 15  
Verse: 1     Dyn edel licham wart begraven
Verse: 2     na alden seden der joden;
Verse: 3     dyn viande ontforden groissen schaden,
Verse: 4     sy satten dar vur ver hoeder.

Strophe: 16  
Verse: 1     Van dynre werder moder tzart
Verse: 2     ind wsserkoren vrunden
Verse: 3     wart dyn licham gesalfft ind bewart
Verse: 4     all zo den selven stonden.

Strophe: 17  
Verse: 1     Vol vrouden was der dirde dach,
Verse: 2     do he up erstont myt vrouden;
Verse: 3     syne gewalt ind wunne oever all ws brach
Verse: 4     der cristenheit zo vromen.

Strophe: 18  
Verse: 1     Des sullen wir ommer wesen vro
Verse: 2     ind singen myt hoegen schalle;
Verse: 3     alleluya is onse doen,
Verse: 4     laist ons in loven alle.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.