TITUS
Anna von Koeln, Liederbuch
Part No. 34
Previous part

Song: 43.  
Manuscript page: 69a-70b 
Carmen


Strophe: 1  
Verse: 1     Solais wil ich hanteren
Verse: 2     ind altzois vroelich syn,
Verse: 3     ind blydentlich hoveren
Verse: 4     mit Jhesus, myn mynneken;
Verse: 5     wairom so willen wir truren?
Verse: 6     It en mach neit anders syn,
Verse: 7     it en sal neit lange dueren,
Verse: 8     dat ich bedruckt sal syn.

Strophe: 2  
Verse: 1     In alle die werelt wyde
Verse: 2     en vinde ich neit so goet,
Verse: 3     dat mych mach machen blyde
Verse: 4     dan Jhesus, myn mynneken suess;
Verse: 5     her om wil ich mych geven
Verse: 6     eme zo denen in alre zyt,
Verse: 7     so werden ich van eme verhaven
Verse: 8     ind ewentlich verblyt.

Strophe: 3  
Verse: 1     He is eyn here der heren,
Verse: 2     den schoensten, den men vyndt.
Verse: 3     Ich wil mych zo eme keren,
Verse: 4     want he ons sere mynt.
Verse: 5     Geyn hertz en kan versynnen
Verse: 6     blytschaff, de he hait bereit
Verse: 7     den genen, de em mynnen,
Verse: 8     als die schryffture ons seit.

Strophe: 4  
Verse: 1     He is eyn bloem geheissen
Verse: 2     ser suverlich ind clair,
Verse: 3     he is so hoge gesessen
Verse: 4     al boven der engelen schair,
Verse: 5     geboren zo onsen baten
Verse: 6     van eynre maget bequeme;
Verse: 7     al boven honych raten
Verse: 8     is Jhesus suesser name.

Strophe: 5  
Verse: 1     Wanneir sal ich anschauwen
Verse: 2     syn overclair anscheyn?
Verse: 3     Och, mocht ich eme behalden
Verse: 4     al in dat hertze myn,
Verse: 5     want mych ducht overcomen
Verse: 6     ind soulde mych achten neit,
Verse: 7     weirt so, it sulde mych vromen,
Verse: 8     so en hed ich geyn verdreys.

Strophe: 6  
Verse: 1     Och Got, wilt myns ontfermen
Verse: 2     durch oeren namen fyn,
Verse: 3     ind wilt ons doch beschirmen
Verse: 4     al vur die ewiche pyn,
Verse: 5     ind wilt ons doch geleiden
Verse: 6     ind brengen int ewige rich,
Verse: 7     als wir van heir alle scheiden,
Verse: 8     dat bidden wir all gelich.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.