TITUS
Anna von Koeln, Liederbuch
Part No. 35
Previous part

Song: 44.  
Manuscript page: 70b-72a 
Carmen


Strophe: 1  
Verse: 1     Wer kennen wilt syn ewich goet,
Verse: 2     der sterff syns eygen willen
Verse: 3     ind schuwe myt alre vlyssicheit,
Verse: 4     zo leven na der synnen.

Strophe: 2  
Verse: 1     Tzo laissen will ind synlicheit,
Verse: 2     dar zo wil ich mych keren,
Verse: 3     ind sal ich werden geistelich,
Verse: 4     so moes ich sterven leren.

Strophe: 3  
Verse: 1     Och sterven, du deys gar onsanfft,
Verse: 2     wie sal ich des begynnen?
Verse: 3     Bede moes myt ure krafft,
Verse: 4     nature dar zo betwyngen.

Strophe: 4  
Verse: 1     Want die nature en is neit wyss,
Verse: 2     sy en kan is neit besynnen;
Verse: 3     want sy tzemeren up eyn eys,
Verse: 4     de dese werelt mynnen.

Strophe: 5  
Verse: 1     In den begynnen tzont sy dat suess
Verse: 2     ind eyn genoechlich schouwen.
Verse: 3     Eyr ment weynt, so leist sy dich,
Verse: 4     du en darffs dar neit up bouwen.

Strophe: 6  
Verse: 1     Sy tzoent sich blyde eyn kortze stoent,
Verse: 2     ind sy macht grois verlangen.
Verse: 3     Sy hait dat honych al in den mont,
Verse: 4     dar na tzont sy den angel.

Strophe: 7  
Verse: 1     Sy tzont dir gar eyn goet gelais,
Verse: 2     du meynes yt meynen scheynen;
Verse: 3     als sy dir dyn hertz gesteilt,
Verse: 4     so leist sy dyr die pyne.

Strophe: 8  
Verse: 1     Als du yr dan voulgen wolt,
Verse: 2     so geloist sy dir so schoene.
Verse: 3     Als du yren willen deis,
Verse: 4     all schande sal syn dyn crone.

Strophe: 9  
Verse: 1     Och edel hertz, nu halt dich vry
Verse: 2     ind hoede dich vur verliesen.
Verse: 3     Dese werelt is so droegeloese,
Verse: 4     ir worden en synt neit dan loegen.

Strophe: 10  
Verse: 1     Och edel hertz, nu halt dich vry
Verse: 2     ind deyn du Gode mit vlysse.
Verse: 3     Du moes wal mennychveldich syn
Verse: 4     myt Gode van hemelrichen.

Strophe: 11  
Verse: 1     Nu it en mach neit anders syn,
Verse: 2     nature moes ws, sal rede dar yn;
Verse: 3     wie bange it weirt dem hertzen myn,
Verse: 4     yt moes nochtans begunnen syn.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.