TITUS
Anna von Koeln, Liederbuch
Part No. 36
Previous part

Song: 45.  
Manuscript page: 72a-74a 
Carmen


Strophe: 1  
Verse: 1     Wail up, ich moes van hynnen,
Verse: 2     myns blyvens en is neit hie,
Verse: 3     zo der doget wil ich mych wennen,
Verse: 4     doit der koempt ons scheir.

Strophe: 2  
Verse: 1     Yn hemelrich hoirt men syngen
Verse: 2     der suesser engelen sanck,
Verse: 3     die snaren ind herpen klyngen
Verse: 4     yn blytschaff sonder verganck.

Strophe: 3  
Verse: 1     Nu en mach ich neit me syngen
Verse: 2     myt froelichen hertzen myn,
Verse: 3     mych moes noch anders gelyngen,
Verse: 4     sal ich verblydet syn.

Strophe: 4  
Verse: 1     Truren hait mych bevangen
Verse: 2     ind doit mynem hertzen pyn,
Verse: 3     na Gode is myn verlangen,
Verse: 4     gern sulde ich by eme syn.

Strophe: 5  
Verse: 1     Dat rait van eventuren
Verse: 2     loefft in der werelt ser,
Verse: 3     de vroude en mach neit duren,
Verse: 4     dat geluck geyt up ind neer.

Strophe: 6  
Verse: 1     Ich seyn den genen onder,
Verse: 2     den ich zo hans boven sach,
Verse: 3     verhaven is he myt vrouden,
Verse: 4     der kortlich onder lach.

Strophe: 7  
Verse: 1     Noch snelre dan dat weder
Verse: 2     so is die vroude gewant,
Verse: 3     noch lichter dan eyn veder
Verse: 4     so wirt die truwe bekant.

Strophe: 8  
Verse: 1     Och, wat hant sy verloeren
Verse: 2     in vrouden ewenclich,
Verse: 3     de nu hant usverkoren
Verse: 4     up erden oer hemelrich.

Strophe: 9  
Verse: 1     Van lyden so gaent sy zo lyden,
Verse: 2     van truren zo ruwen grois;
Verse: 3     woelden sy die sunden myden,
Verse: 4     ys en dede oen geyn noit.

Strophe: 10  
Verse: 1     Gar hoege waren sy gevlogen,
Verse: 2     die nu synt ser gedailt;
Verse: 3     de werelt hait sy bedrogen,
Verse: 4     myt der doit synt sy betzalt.

Strophe: 11  
Verse: 1     War om synt ons gedachten
Verse: 2     yn ydelheit gekeirt!
Verse: 3     Willen wir de werelt achten,
Verse: 4     wir werden myt oer deirt.

Strophe: 12  
Verse: 1     Laist ons den wech overdencken,
Verse: 2     den wir mossen wandelen all;
Verse: 3     sou en sal ons ouch neit krencken
Verse: 4     geyn leyt noch ongeval.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.