TITUS
Anna von Koeln, Liederbuch
Part No. 37
Previous part

Song: 46.  
Manuscript page: 77b-79a 


Strophe: 1  
Verse: 1     It is vur eynen vastavent,
Verse: 2     kinder, nu gait an!
Verse: 3     Laist ons Gode dyenen,
Verse: 4     om ons sunden weynen,
Verse: 5     Got is den sonden gram.
Verse: 6     Wail an, wail an,
Verse: 7     wail an zo Gode wairt!
Verse: 8     So ionger, so besser,
Verse: 9     so alder, so lasser,
Verse: 10     wail an zo Gode wart!

Strophe: 2  
Verse: 1     Gedencket an den richen,
Verse: 2     der in die helle mois.
Verse: 3     Got wolde eme neit entwichen,
Verse: 4     he moist dar yn verblivent,
Verse: 5     des vruwet sich Lazarus.

Strophe: 3  
Verse: 1     Die rychen ind de karichen
Verse: 2     die moessen alle dar;
Verse: 3     de he hovart dryven
Verse: 4     ind de armen myden,
Verse: 5     de en wissen anders wair.

Strophe: 4  
Verse: 1     Maria, Godes moder,
Verse: 2     gyff myr goeden rait:
Verse: 3     dry de willen mych haven,
Verse: 4     dat synt de dry valsche knapen,
Verse: 5     de Got geschaffen hait.

Strophe: 5  
Verse: 1     Der eyn dat is die werelt,
Verse: 2     der ander myn eygen vleisch;
Verse: 3     volgen ich yren leren,
Verse: 4     sy willent mych verkeren;
Verse: 5     der derde der boese geyst.

Strophe: 6  
Verse: 1     Wir willen ons bereyden
Verse: 2     zo des hilgen geystes huys;
Verse: 3     he wilt ons genade geven,
Verse: 4     dar zo dat ewiche leven,
Verse: 5     he en dryvet ons nummer wss.

Strophe: 7  
Verse: 1     Sullen wir overich blyven,
Verse: 2     dat is eyn iamer grois;
Verse: 3     die sunden sullen myden,
Verse: 4     so moegen wir blytschaff dryven
Verse: 5     yn Abrahams schois.
Verse: 6     Wail etc.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.