TITUS
Anna von Koeln, Liederbuch
Part No. 38
Previous part

Song: 47.  
Manuscript page: 79a-80b 
Carmen


Strophe: 1  
Verse: 1     Ich hans eyn vastavens leven erkoren,
Verse: 2     dat kan die sele ervrouwen;
Verse: 3     he is van eynre maget geboren,
Verse: 4     he en acht up nemans drouwen,
Verse: 5     by eme do wil ich blyven;
Verse: 6     he gyfft der selen hogen moit,
Verse: 7     he kan ir leit verdryven.
Verse: 8     Jhesum sal men yn nennen;
Verse: 9     weir ich vry ind sunden ryn,
Verse: 10     so mocht ich yn erkennen.

Strophe: 2  
Verse: 1     He is vry van hoger art,
Verse: 2     neman en mach eme gelichen;
Verse: 3     geyn keyser ney so edel en wart,
Verse: 4     der sich mocht gesellen;
Verse: 5     he dreicht der eren kronen,
Verse: 6     der eme deynt in luterheit,
Verse: 7     dem gyfft he sich zo lone.

Strophe: 3  
Verse: 1     Stede is he van rechter art,
Verse: 2     he en kan neit ontrouwe walden;
Verse: 3     wanneir der vastavent hynne vairt,
Verse: 4     so wilt mich behalden,
Verse: 5     off ich an eme neit en wencken,
Verse: 6     sele, dat saltu ane seyn
Verse: 7     ind duck an yn gedenken.

Strophe: 4  
Verse: 1     Wie vil leven he hait,
Verse: 2     dat en schait wir neit,
Verse: 3     dar om so truren ich kleyne;
Verse: 4     myn deil en is de mynre neit,
Verse: 5     syn mynnen die gemeyne;
Verse: 6     doch deilt he sy gar ongelich,
Verse: 7     wer vil begert, dem gyfft he vil,
Verse: 8     des synt sy vrouden ryche.

Strophe: 5  
Verse: 1     Man lieff is rych, so bidden ich,
Verse: 2     des synt tzwey ser ongelich,
Verse: 3     des mach he wail ergetzen mich
Verse: 4     in synes vaders richen;
Verse: 5     des haen ich in den synnen:
Verse: 6     coempt der somer in dat lant,
Verse: 7     myt eme wil ich van hynnen.

Strophe: 6  
Verse: 1     Fioilgen heist eyn blomegyn,
Verse: 2     wil ich eme helpen soechen;
Verse: 3     woelde he myn somer doirgen syn,
Verse: 4     neman en woelde ich geroecken,
Verse: 5     so hed myn sorge eyn ende.
Verse: 6     Jhesus lieff, nu en lais mich neit,
Verse: 7     durch dich byn ich in ellenden.
Verse: 8     Jhesum sal etc.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.