TITUS
Anna von Koeln, Liederbuch
Part No. 39
Previous part

Song: 48  
Manuscript page: 81a-82a 


Strophe: 1  
Verse: 1     Laist ons syngen ind vroelich syn,
Verse: 2     in gen rosen,
Verse: 3     myt [Jh]esus ind den vrunden syn;
Verse: 4     wer weis, wie lange wir hie sullen syn,
Verse: 5     in gen rosen.

Strophe: 2  
Verse: 1     Jhesus wyn is up gedaen,
Verse: 2     in gen rosen,
Verse: 3     dar sullen wir allgar henen gaen,
Verse: 4     so moegen wir hertzen vroude ontfaen,
Verse: 5     in gen rosen.

Strophe: 3  
Verse: 1     He sal ons schencken den cypren wyn,
Verse: 2     in gen rosen,
Verse: 3     wir moissen alle droncken syn
Verse: 4     al van der suessen mynnen syn,
Verse: 5     in gen rosen.

Strophe: 4  
Verse: 1     Jhesus is eyn voenckelgen,
Verse: 2     in gen rosen.
Verse: 3     Syn glessgen helt eyn droenchelgen,
Verse: 4     syn leffelgen eyn moentfoelgen,
Verse: 5     in gen rosen.

Strophe: 5  
Verse: 1     Setzt dat glessgen vur den mont,
Verse: 2     in gen rosen,
Verse: 3     ind drynckt ws all up den gront,
Verse: 4     dair vyndt ir den hilgen geist ter stont,
Verse: 5     in gen rosen.

Strophe: 6  
Verse: 1     Laist dat gelessgen umme gaen,
Verse: 2     in gen rosen,
Verse: 3     so moegen wir vroelich heym wartz gaen
Verse: 4     ind alle zyt in vreuden staen,
Verse: 5     in gen rosen.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.