TITUS
Anna von Koeln, Liederbuch
Part No. 40
Previous part

Song: 49.  
Manuscript page: 82b-85a 


Strophe: 1  
Verse: 1     Wie sitzen wir hie so stille und swygen?
Verse: 2     Wissen wir geyn ander vreudt zo bedryben?
Verse: 3     Begunt ons dat wyngen ins houft zo stiegen?
Verse: 4     Wir woilden wail besser kurart krygen.
Verse: 5     Frysch und frolich in goeder maneren,
Verse: 6     wer sold ons dat mogen verkeren,
Verse: 7     wann es geschiecht auss guten grondt,
Verse: 8     wie wir es bekennen myt onseren mundt?

Strophe: 2  
Verse: 1     Es stath eynem wail an,
Verse: 2     es sy frauw ader man,
Verse: 3     der de tzyt wail denen kan;
Verse: 4     vermach man sich dan auff deser ban.
Verse: 5     Desgelych en doit ouch, is myn verman.
Verse: 6     Myt den frolichen wesset frolich,
Verse: 7     myt den schimlichen ist es unmalich,
Verse: 8     myt den gecken habt gedult,
Verse: 9     sy wissen neit besser, sy en haben geyn schult.

Strophe: 3  
Verse: 1     Wir kunnen wail rauwen by frunden off magen,
Verse: 2     der lichtlich geleufft, is baldt bedrogen.
Verse: 3     Da wilt uch nu bass ynnen befragen.
Verse: 4     Ist es neit wair, so sy is gelogen.
Verse: 5     Freisch ind froelich, from und eirlich,
Verse: 6     ist es ouch anders, so ist es besweirlich.
Verse: 7     Acht neit, wat der kleffer benyet,
Verse: 8     wannt is myt Got und myt eren geschuyt.

Strophe: 4  
Verse: 1     Und haven wir nicht eynen willichgen wirdt?
Verse: 2     Er thut al, was ons hertz begert.
Verse: 3     Dar zo thut he de freuden vermeren
Verse: 4     und acht dar neit up, was myr vertzeren.
Verse: 5     Freisch und frolich sonder trauwren,
Verse: 6     wem es geruwet, der mach es besawren.
Verse: 7     Laist ons nu syn van hertzen fro
Verse: 8     und dryncken eyn ander fruntlich zo.

Strophe: 5  
Verse: 1     Wie guyt und gnuchlich ist es zo wonnen,
Verse: 2     das gebroder by eyn ander komen.
Verse: 3     Wir haven ouch anders neit vernomen
Verse: 4     by desen liefflichen und wail fromen.
Verse: 5     Freisch und froelich, from und eirlich,
Verse: 6     ist es anders, so yst es besweirlich.
Verse: 7     Acht neit, was eyn yeder doit,
Verse: 8     wann es myt Got und der eren zo geith.

Strophe: 6  
Verse: 1     Geyn besser freudt in deser werelt,
Verse: 2     dan der syn hertz zo freden stelt,
Verse: 3     verworet neit ser up goit und up gelt
Verse: 4     und leist es neit lauffen zo weit ins felt.
Verse: 5     Freisch und froelich sonder trawren,
Verse: 6     wem yss gerawet, der mach es besawren.
Verse: 7     Laist ons nu syn van hertzen fro
Verse: 8     und sprechen den andern fruntlich zo.

Strophe: 7  
Verse: 1     Da myt wir nu dyses leitgen thun sleissen.
Verse: 2     Ich hoff, der freud noch besser zu geniessen.
Verse: 3     Es yst baldt komen in eyner stonden,
Verse: 4     das froelich zo syn, nycht wirt langen.
Verse: 5     Altzyt frolich jst onmuchlich,
Verse: 6     altzyt trawren en kan neit dawren;
Verse: 7     laist ons van hertzen froelich syn
Verse: 8     und dryncken myt freuden den koelen wyn.
Verse: 9     Freisch froelich in eren
Verse: 10     byn jch altzyt begeren.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.