TITUS
Anna von Koeln, Liederbuch
Part No. 50
Previous part

Song: 58  
Manuscript page: 109a-110a 


Strophe: 1  
Verse: 1     Gegroit so syt, myns hertzen gern,
Verse: 2     myn troist, myn vroude und al myn eir,
Verse: 3     myn meister, myn konynck ind myn her,
Verse: 4     gyfft ons dyn ansicht zo schouwen.

Strophe: 2  
Verse: 1     Gegroit so syt eyn konynckyn,
Verse: 2     eyn keyseryn, eyn hertzogyn
Verse: 3     ind al der werelt eyn troisteryn,
Verse: 4     eyn vrauwe vur allen vrauwen.

Strophe: 3  
Verse: 1     Maria is der name dyn,
Verse: 2     behoede ons vur der hellen pyn,
Verse: 3     doit ons, vrau, ur genade schyn,
Verse: 4     verwerfft ons ewich leven.

Strophe: 4  
Verse: 1     Du roese roit, du adelair,
Verse: 2     du morgen stern, du sonnen clair,
Verse: 3     verleynt ons mennynch gueder yair,
Verse: 4     myn gruten dir zo geven.

Strophe: 5  
Verse: 1     Byt, jonffer fyn, uren leven son,
Verse: 2     dat he myr geiff van sonden swoen,
Verse: 3     up dat ich ewich mit em woen,
Verse: 4     wanneir myn sele moit scheiden.

Strophe: 6  
Verse: 1     Heir Mychael, der groisse her,
Verse: 2     moes ons bewaren ummer meir,
Verse: 3     dat ons nummer viant en deir
Verse: 4     ind moes myn sele geleiden.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.