TITUS
Anna von Koeln, Liederbuch
Part No. 51
Previous part

Song: 59.  
Manuscript page: 110a-11b 
Carmen


Strophe: 1  
Verse: 1     Gracias agimus tibi
Verse: 2     propter magnam tuam gloriam.
Verse: 3     Sullen wir dan neit vroelich syn?
Verse: 4     Der hemel der is onser,
Verse: 5     en weir der hemel onsser neit,
Verse: 6     so en weren wir alsus vroelich neit.
Verse: 7     Der hemel der is onsser.
Verse: 8     Hec sunt convivia que tibi placent
Verse: 9     ex patris sapientia.
Verse: 10     Och meyerayn, du bis eyn vil guet kruet
Verse: 11     boven allen kruden schoene,
Verse: 12     also is Maria die edel konynckynne
Verse: 13     alle in des hemels trone.

Strophe: 2  
Verse: 1     Gracias agimus tibi etc.
Verse: 2     Sullen wir dan etc.
Verse: 3     Hec sunt convivia etc.
Verse: 4     t springen geylle bloemgen up der heiden.
Verse: 5     Och richer Got, laes ons van dir neit scheiden!
Verse: 6     O Maria goit, du bis der sunder troist,
Verse: 7     wil ons genade erwerven,
Verse: 8     verloese ons van aller boeser macht,
Verse: 9     dat wir in sunden nummer en sterven.

Strophe: 3  
Verse: 1     Gracias agimus tibi etc.
Verse: 2     Sullen wir dan etc.
Verse: 3     Hec sunt convivia etc.
Verse: 4     t spryngen blae fiolen in dem daelle,
Verse: 5     dat is die edel oitmoedicheit,
Verse: 6     sy roecht vur Gode so wale.
Verse: 7     O Maria reyn,
Verse: 8     dair doirch hais du alleyn
Verse: 9     genade an Gode gevonden.
Verse: 10     O Maria, moder der bermhertzicheit,
Verse: 11     troist ons in onser lester stonden!

Strophe: 4  
Verse: 1     Gracias agimus tibi etc.
Verse: 2     Sullen wir dan etc.
Verse: 3     Hec sunt convivia etc.
Verse: 4     t spryngen rode rosen up den bergen,
Verse: 5     dat synt Christus wonden diep,
Verse: 6     die ons genade erwerwen.
Verse: 7     O Jhesus Christ,
Verse: 8     der eyn velt blome bys,
Verse: 9     an dem cruytz bis du gestorven,
Verse: 10     du hais ons verloist myt dyme edelen bloit,
Verse: 11     lais ons na dir verlangen!



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.