TITUS
Anna von Koeln, Liederbuch
Part No. 52
Previous part

Song: 60  
Manuscript page: 112a-114a 


Strophe: 1  
Verse: 1     T stondt eyne mynnende sele
Verse: 2     al vur des hemels thron,
Verse: 3     und sy hove up zo syngen
Verse: 4     alsus eynen suessen thoen:

Strophe: 2  
Verse: 1     Och, weir myn sele eyn garden,
Verse: 2     gezeirt myt doechden fyn,
Verse: 3     myn hertz eyn gulden becher,
Verse: 4     myn bloit der mynnen wyn.

Strophe: 3  
Verse: 1     Und moecht ich dar zo laden
Verse: 2     den leyffsten heren myn
Verse: 3     und eyne kortze stonde
Verse: 4     gantz frolich myt ym syn.

Strophe: 4  
Verse: 1     Der konynck in synem sale,
Verse: 2     der wart deser selen gewar,
Verse: 3     und he sant ws syn boden
Verse: 4     gar snelle zo ir da.

Strophe: 5  
Verse: 1     Nu sach myr, ynnyge sele,
Verse: 2     myn her der deit dich vragen,
Verse: 3     off du syn furige lieffden
Verse: 4     so stedich dencks zo dragen.

Strophe: 6  
Verse: 1     Jae, Jhesus is alle myn lieffde,
Verse: 2     he is al myns hertzen beger,
Verse: 3     de sache van synre lieffden
Verse: 4     hait mich doen komen her.

Strophe: 7  
Verse: 1     Wat wylstu nu ontbeden
Verse: 2     dem alren lieffsten dyn?
Verse: 3     Wir willen om synnent willen
Verse: 4     dyn boden gern syn, ia syn.

Strophe: 8  
Verse: 1     Weir hemel ind erde myn eygen,
Verse: 2     dat woelde ich gern verlayn,
Verse: 3     dat mir gegont moecht werden,
Verse: 4     by mynem leifften zo gayn, ja gayn.

Strophe: 9  
Verse: 1     Und als der konynck erhort
Verse: 2     der selen groisse mynne,
Verse: 3     he sprach: Ir engelen alle,
Verse: 4     laist yn myn hertze fruntyn, fruntyn.

Strophe: 10  
Verse: 1     Si geynck vur yren heren,
Verse: 2     vur yren heren stayn,
Verse: 3     de sache van synrer mynnen
Verse: 4     die geynck ir also nae, so nae.

Strophe: 11  
Verse: 1     De sache van synrer mynnen,
Verse: 2     de was in ir so grois,
Verse: 3     sy sanck van synrer mynnen
Verse: 4     dem heren in synen schois, jae schois.

Strophe: 12  
Verse: 1     Nu sach mir, lieffste here myn,
Verse: 2     den ich nu hayn umfayn,
Verse: 3     und wae sal ich dich vynden,
Verse: 4     als ich dich verloeren hayn, jae hayn?

Strophe: 13  
Verse: 1     In eynen engen wege
Verse: 2     da al myn leven ynne was,
Verse: 3     in eyner willigen armoit,
Verse: 4     nyrgen en vyntstu mych bas, jae bas.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.