TITUS
Anna von Koeln, Liederbuch
Part No. 60
Previous part

Song: 73  
Manuscript page: 157a-159a 


Strophe: 1  
Verse: 1     Nu hoirt, nu hoirt all wonder,
Verse: 2     wie dom die doren sint,
Verse: 3     die nu die tzijt verkeisen,
Verse: 4     die ewicheit gar verleisen,
Verse: 5     des synt sy meir dan blynt,
Verse: 6     des synt sy meir dan blynt.

Strophe: 2  
Verse: 1     Si willent nu wonder plegen
Verse: 2     ind synt doch sonder wair.
Verse: 3     Dat wirt sy namails ruwen,
Verse: 4     als sy vyl gern intfluwen,
Verse: 5     och wusten wair!

Strophe: 3  
Verse: 1     Als sy der doit erslichet,
Verse: 2     so is die vreude gedaen;
Verse: 3     de rosen dan verblichent,
Verse: 4     want in den mey intwichet,
Verse: 5     des waren sy sonder wair.

Strophe: 4  
Verse: 1     Sy meynten wonder driven
Verse: 2     int leven menchen dach.
Verse: 3     Dat hait ir vyl bedrogen,
Verse: 4     de des ouch hant geplogen,
Verse: 5     de tzyt de so swach.

Strophe: 5  
Verse: 1     Nu lais die werelt varen,
Verse: 2     ir ontruwe is soe grois.
Verse: 3     Dat hais du wail bevonden
Verse: 4     me dan tzo hondert stonden,
Verse: 5     sy macht dich doechden blois.

Strophe: 6  
Verse: 1     Der sich van ir wilt keren,
Verse: 2     den laicht sy necht ind dach,
Verse: 3     wie sy yn moege geiren
Verse: 4     ind em syn leit vermeiren
Verse: 5     ind mennich grois ongemach.

Strophe: 7  
Verse: 1     Nu wirp al dyn getruwen
Verse: 2     in Got, den heren dyn.
Verse: 3     Syn guede is almechtich,
Verse: 4     des salstu syn gedechtich
Verse: 5     ind schuewen geyne pyn.

Strophe: 8  
Verse: 1     De in hait he neit begeven,
Verse: 2     de eme getruwe wail,
Verse: 3     dat lys in den schrifturen,
Verse: 4     du vynst in den figuren
Verse: 5     gevestet over all.

Strophe: 9  
Verse: 1     Der sich nu wilt besynnen,
Verse: 2     der lais bitzyden aff.
Verse: 3     Dat rade ich eme myt synnen,
Verse: 4     wylt he de crone gewynen
Verse: 5     ind seyn der eren dach.

Strophe: 10  
Verse: 1     De crone, de ich meynen,
Verse: 2     sy is so woinentlich:
Verse: 3     Myt steynen schone
Verse: 4     vyl hoge im hemels trone,
Verse: 5     sy is der vreuden rich.

Strophe: 11  
Verse: 1     Laist ons de sunden myden
Verse: 2     ind mynnen de doechden reyn.
Verse: 3     Myt vechten ind ouch myt striden
Verse: 4     ind ons dair in verbliden,
Verse: 5     der arbeit is doch cleyn.

Strophe: 12  
Verse: 1     Der stryt is balde vergangen,
Verse: 2     der prys sal ewilich staen.
Verse: 3     Der sich des wilt erwegen
Verse: 4     ind striden als eyn degen,
Verse: 5     der sal den danck ontfaen.

Strophe: 13  
Verse: 1     Der danck en is neit anders
Verse: 2     dan vreude aen all verdreis.
Verse: 3     Och der dat he besunne,
Verse: 4     we grois da is de wunne,
Verse: 5     we licht, dat he de sunden leis.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.