TITUS
Anna von Koeln, Liederbuch
Part No. 61
Previous part

Song: 74  
Manuscript page: 159a-161b 


Strophe: 1  
Verse: 1     Och, edel mynsch van hoger art,
Verse: 2     wilt uch van sonden keren,
Verse: 3     ind gait aff der werelt ydelheit
Verse: 4     ind volget Christus leren,
Verse: 5     dat he om dyn will hait gedaen,
Verse: 6     dat lais dir ouch zo hertzen gaen,
Verse: 7     will dich van sonden keren!

Strophe: 2  
Verse: 1     Solde ich mich van den sunden keren,
Verse: 2     wie sulde ich des begynnen?
Verse: 3     Der werelt strick hait mich omvangen
Verse: 4     van buyssen ind ouch van bynnen.
Verse: 5     Och, oer loisheit is so grois,
Verse: 6     sy loent it lest all mit der doit,
Verse: 7     der blyfft in oere mynnen.

Strophe: 3  
Verse: 1     Ich haen geleifft versummetlich
Verse: 2     in mynen iongen iaren;
Verse: 3     der hilge geist myr sprach,
Verse: 4     den leis ich leichtlich varen.
Verse: 5     Dar mos ich reden geven aff,
Verse: 6     wanneir dat compt der jonste dach,
Verse: 7     och, ruwe hait mych omvangen.

Strophe: 4  
Verse: 1     Ich have alzyt bereit geweist,
Verse: 2     zo leven na den synnen.
Verse: 3     Dar zo haen ich myn hertz gekeit
Verse: 4     zo deser werelt mynnen.
Verse: 5     Nu mos it eyn affscheiden syn,
Verse: 6     sal ich intgayn der hellen pyn
Verse: 7     ind ter ewicher vreuden comen.

Strophe: 5  
Verse: 1     Der ertzscher creaturen mynn,
Verse: 2     dair van wil ich mych keren
Verse: 3     ind keren mith zo mynen Gode,
Verse: 4     myt eme zo julilieren.
Verse: 5     He heifft mich goylich verbeit,
Verse: 6     do ich mich selver had verloit
Verse: 7     al myt des viantz raiden.

Strophe: 6  
Verse: 1     Ich wil mych van der werelt keren
Verse: 2     in mynen iongen leven,
Verse: 3     wanneir dat compt der bitter doit,
Verse: 4     so mois it ummer wesen,
Verse: 5     die beiden an den lesten dach,
Verse: 6     die haven duckwile rouw dair aff,
Verse: 7     so is de rouwe tzo spade.

Strophe: 7  
Verse: 1     Nu wail hyn, it is al verleis,
Verse: 2     dat hain ich wail vernomen;
Verse: 3     ich wil mich van der werelt keren,
Verse: 4     al wirt it myr wat suyr komen.
Verse: 5     Natuyrken de sal onder gayn,
Verse: 6     ind de geist sal boven stain,
Verse: 7     dat sal ons beiden vromen.

Strophe: 8  
Verse: 1     Loff, eir ind werdicheit
Verse: 2     sy Gode, de uch heifft vercoren,
Verse: 3     dat ir in oere bloyender yoicht
Verse: 4     o edel myn geboeren.
Verse: 5     Och, keirt van deser werelt idelheit,
Verse: 6     it is doch al eyn tzyt,
Verse: 7     verluys wail hem, de it kan besynnen.

Strophe: 9  
Verse: 1     O leere hoge van wysen synnen,
Verse: 2     Got stae uch in staeden.
Verse: 3     Ontruwe heift myr soe we gedaen,
Verse: 4     dair om byn ich beraiden.
Verse: 5     Hed ich dair trouwe gevonden aen,
Verse: 6     ich en hed oer nummer af gegain,
Verse: 7     ich were dair by bedroegen.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.