TITUS
Anna von Koeln, Liederbuch
Part No. 62
Previous part

Song: 75.  
Manuscript page: 161b-163a 


Strophe: 1  
Verse: 1     Der hilge geist hait ons verlicht van bynnen,
Verse: 2     mer so wie in swaeren sunden leicht,
Verse: 3     der mach sich wail versynnen,
Verse: 4     dat he myt zyden dair van gelate,
Verse: 5     eer eme der doit den wech vurgae;
Verse: 6     sy synt vroe, die des begynnen.

Strophe: 2  
Verse: 1     Och edel mynsch, nu denck, wir moeten ummer sterven;
Verse: 2     en synt wir neit van sunden reyn,
Verse: 3     Gotz hulden der mossen wir derven,
Verse: 4     want wir hant also lange vermerret die zyt,
Verse: 5     en suchten wir gnade al myt vlyt,
Verse: 6     Got leit ons syn hulde verwerven!

Strophe: 3  
Verse: 1     O here Jhesu Christe, verleint ons biget myt sorgen,
Verse: 2     des bidden wir uch durch yren doit,
Verse: 3     ende also zo sorgen,
Verse: 4     dat wir gebeteren al ons noit,
Verse: 5     so wie dat in der werelt stait,
Verse: 6     wir en haven geynen morgen.

Strophe: 4  
Verse: 1     O her Jhesu Christe, versunt uns myt verdulden,
Verse: 2     want ir storft eynen also iemerlichen doit
Verse: 3     om onser alre sunden.
Verse: 4     Behuet ons vur der hellen pyn
Verse: 5     end vort ons in dat hemelryche dyn
Verse: 6     ter ewychlichen vrouden!

Strophe: 5  
Verse: 1     Soe gewynnen wir troist an oer,
Verse: 2     die nemant en ontwiket,
Verse: 3     so wie genad an ir vercriget,
Verse: 4     die wirt mit vrouden ryche;
Verse: 5     ind sal he syn verhaven,
Verse: 6     die mois ons also lange gesparen,
Verse: 7     den rechten wech geleiden.
Verse: 8     Amen.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.