TITUS
Anna von Koeln, Liederbuch
Part No. 63
Previous part

Song: 76.  
Manuscript page: 163a-164b 


Strophe: 1  
Verse: 1     Ich sach den aventzsterre,
Verse: 2     ons heren claren anschyn.
Verse: 3     Die engelen lovent Gode,
Verse: 4     wie guit is dair by syn.

Strophe: 2  
Verse: 1     Wat isset, dat dair cloppet
Verse: 2     ind mich neit slaiffen en leist,
Verse: 3     dat ich dese werelt sal laissen
Verse: 4     ind al oer tzoverlaiss.

Strophe: 3  
Verse: 1     Het is der geyst van bynnen,
Verse: 2     dat deit he uch verstaen.
Verse: 3     Soe wie die doichde wirket,
Verse: 4     die sal den hogen loyn intfaen.

Strophe: 4  
Verse: 1     Ich soilde gerne doichden wirken,
Verse: 2     geve he myr die macht,
Verse: 3     die mynnetliche here,
Verse: 4     die alle dinck vermach.

Strophe: 5  
Verse: 1     Ich sal uch craefften geven,
Verse: 2     mer ir most uch keren aff
Verse: 3     van allen ertzschen dingen,
Verse: 4     dat uch eyn hyndern syn mach.

Strophe: 6  
Verse: 1     Ich wil al ertzsche dyngen
Verse: 2     om uren willen laissen staen;
Verse: 3     och vruntelicher Jhesus,
Verse: 4     wat loens sal ich ontfaen?

Strophe: 7  
Verse: 1     Dat ewichliche leven
Verse: 2     sal urn eygen syn,
Verse: 3     al mytten seraphynen
Verse: 4     sult ir verhaven syn.

Strophe: 8  
Verse: 1     Sal ich myt allen englen
Verse: 2     sus hoge verhaven syn,
Verse: 3     o guederteiren here,
Verse: 4     so doit uren wil myt myr.

Strophe: 9  
Verse: 1     Vliet vur Gode alleyne,
Verse: 2     de alle dynck vermach;
Verse: 3     der mynschen troist is cleyne,
Verse: 4     dat pruoiff ich al den dach.

Strophe: 10  
Verse: 1     Ich wil den heren alleyne
Verse: 2     tzo male getruwe syn;
Verse: 3     ich mynne altzo cleyne,
Verse: 4     des is der schade myn.

Strophe: 11  
Verse: 1     Nu wil ich mych gaen vuegen
Verse: 2     in rechter ynnycheit,
Verse: 3     ind ich en wil neit me proeven
Verse: 4     der mynschen onstedicheit.

Strophe: 12  
Verse: 1     Ind ich wils nemans clagen
Verse: 2     dan Gotz genedicheit;
Verse: 3     he salt myr helpen dragen,
Verse: 4     ist dat myr ovel geit.

Strophe: 13  
Verse: 1     Gebruchen ertzscher dyngen
Verse: 2     yn deser ellendicheit,
Verse: 3     dat is vil myn dan eyn ure
Verse: 4     tegen die ewige selicheit.



Next part


This text is part of the TITUS edition of Anna von Koeln, Liederbuch.

Copyright TITUS Project, Frankfurt a/M, 27.11.2008. No parts of this document may be republished in any form without prior permission by the copyright holder.