TITUS
Konrad von Megenburg, Buch der Natur
Part No. 13
Previous part

Book: VIII     VIII.
Line: 1    
Line: 2    VON DEN WUNDERLEICHEN PRUNNEN.



Line: 3    Daz ist daz aht stückel und daz letzst des puochs
Line: 4    nâch unserm gehaiz, in dem wir sagen wellen von etlei\chen
Line: 5    wunderleichen prunnen, und daz stückel gehœrt wol   5
Line: 6    zuo dem stück von den elementen, dô wir von dem waz\zer
Line: 7    haben gesait.
Line: 8    Die päch entspringent von den prunnen und ist daz
Line: 9    ainig wazzer prunn und pach. iedoch mag man niht
Line: 10    gesprechen: der prunn ist pach oder der pach ist prunn.   10
Line: 11    daz mag ain geleichnüss sein von der götleichen drival\dichait,
Line: 12    dâ der vater und der sun und der hailig gaist
Line: 13    ain lauter ainvaltig wesen sint der gothait, und mag man
Line: 14    niht gesprechen mit abgezogner red: diu väterlichait ist
Line: 15    diu sünlichait oder diu sünlichait ist die hailigaistlichait.   15
Line: 16    aber man spricht wol mit angenaigter red: der vater ist
Line: 17    der sun und der sun ist der hailig gaist. vernemest dû
Line: 18    des niht, sô verwirr dich niht dâ mit und gelaub ainval\ticleich.
Line: 19    Wâ von daz mer gesalzen sei und andreu dinch
Line: 20    niht, von den wazzern hab wir gesait, dô wir von den   20
Line: 21    elementen schriben.
Line: 22    Ez ist ain sê in dem land India, der haizt Aspal\tides,
Line: 23    dâ mag kain lebendig dinch inn under sinken. sô
Line: 24    mag in dem sê Altes ze Porrentan nihts ob beleiben.
Line: 25    Ez ist ain wunderleich prunn in Egyptenland, sam   25
Line: 26    Jacobus und Solînus sprechent, dar inn erlescht man
Line: 27    prinnent fackeln und enzünt man in im erloschen fackeln.
Line: 28    dâ pei verstê wir die zäher etleicher läut, die wainent
Line: 29    vor übrigem zorn. die zäher enzündent übrig unwirdi\schait
Line: 30    in dem muot und die zäher mitleidens erleschent   30

Page: 483  
Line: 1    die selben flammen der unwerdischait. die zäher leschent
Line: 2    und enzündent an aim fremden menschen sam an aim
Line: 3    haimleichen. ez sint etleich warm prunnen, die hailent
Line: 4    die kranken augen, aber si strâfent die dieb, wan welcher
Line: 5    diep für ain diebstal swert, ist er mainaid, sô erplindet   5
Line: 6    er von den wazzern, ist aber des niht, sô gesiht er paz
Line: 7    dann vor. aber daz wunder schol man got mêr geben
Line: 8    dann der nâtûr werk, sam Jacobus spricht.
Line: 9    Ez ist ain prunn in dem land Africa gegen des ab\gots
Line: 10    tempel, der Hamo haizt, der macht die erden hert   10
Line: 11    und macht lind üseln stark sam ainen wasen.
Line: 12    Zwên prunnen sint in dem land Boecia, der benimt
Line: 13    ainer den läuten gedæhtnüss und der ander benimt ver\gezzenhait.
Line: 14    und ain tobent sê ist auch in dem land
Line: 15    Boecia, wer des trinkt, der wirt enzünt mit der prunst   15
Line: 16    der unkäuschen gir.
Line: 17    Ain sê ist in dem land Italia, der haizt Clitorius,
Line: 18    wer des trinkt, dem wirt der wein widerzæm.
Line: 19    Ez sint wazzer in dem land Campania, diu benement
Line: 20    den frawen ir unfruhtperkait und benement den mannen   20
Line: 21    ir toben.
Line: 22    Ain prunn ist pei den Garamanten, der ist des tages
Line: 23    sô kalt, daz in niemant getrinken mag, und des nachts sô
Line: 24    warm und haiz, daz in aber niemant getrinken mag, und
Line: 25    bedäut die nümmer kain guot werk würkent, und wenn   25
Line: 26    man si dar umb strâfet, sô vindent si allzeit ain werwörtel.
Line: 27    Ain prunn ist in dem land Archadia, der haizt Le\chinis.
Line: 28    welheu fraw des trinkt, der mag ir purt niht ab
Line: 29    gên, wie gern si daz macht.
Line: 30    Ain prunn ist gegen der sunnen aufganch, sam Ja\cobus   30
Line: 31    spricht, von des wazzer wirt kriechisch feur, wenn
Line: 32    man etleich dinch dar zuo mischt. daz wazzer kaufent
Line: 33    die haiden umb grôz gelt. der prunn bedäutt die men\schen,
Line: 34    die wider die nâtûr würkent.
Line: 35    Ain prunn ist in Africa, sam Augustînus spricht,   35
Line: 36    der macht die stimm hel und guot, und bedäut die

Page: 484  
Line: 1    zäher der unschuldigen, wan der stimm und klag ist gar
Line: 2    süez vor got.
Line: 3    Ain prunn haizt Züfer, der benimt die unkäusch,
Line: 4    sam Plinius spricht. der prunn bedäutt unser frawen,
Line: 5    diu ain prunn ist der käusch und aller rainikait.   5
Line: 6    Ez sint zwên prunnen in dem land Sicilia, der ainer
Line: 7    macht unperhaft frawen perhaft und der ander macht
Line: 8    perhaft unperhaft. der prunn bedäut daz gotes wort, wan
Line: 9    daz ist etleichen fruhtper in daz êwig leben und etleichen
Line: 10    ain abtanz in die êwigen marter.   10
Line: 11    Zwai wazzer sint in dem land Tessalia. welheu schâf
Line: 12    auz dem ainen trinkent, die werdent swarz. daz wazzer
Line: 13    ist der werlt wollust. ach wie swarz in sünden daz
Line: 14    macht! und welheu schâf auz dem andern trinkent, die
Line: 15    werdent weiz. daz bedäut daz leiden in diser werlt, daz   15
Line: 16    die menschen pringt in daz êwig leben. aber die auz
Line: 17    den paiden trinkent, die werdent schekkot, weiz und
Line: 18    swarz, und bedäut die gleichsnær und die ketzer, die
Line: 19    weder diz noch daz ganz haltent.
Line: 20    Ain prunn ist in dem land Idumea, der ändert sein   20
Line: 21    varb vierstunt in dem jâr und helt ie drei mônet ain
Line: 22    varb, sam Origines spricht und historia Jeronimi. er ist
Line: 23    pulvervar oder trüeb, pluotvar, grüen und lauter. der
Line: 24    prunn bedäut die unstæten.
Line: 25    Etleich sê sint, der wazzer dreistunt an dem tag   25
Line: 26    pitter sint und dreistunt süez, sam Augustînus spricht.
Line: 27    Ain gar grôz mer ist, daz wirt wallend und siedend
Line: 28    sam ain hafen von der sunnen hitz und ist dar inn ain
Line: 29    stiller prunn, der sich niht wegt, wenn man pei im swei\get.
Line: 30    ist aber daz man pei im schalmeit und pusaunt, sô   30
Line: 31    erhebt er sich und wirt diezend und auzfliezend über daz
Line: 32    gestat, sam ob er sich der stimm und des gedœns fräw.
Line: 33    alsô spricht Solinus.
Line: 34    Ez sint prunnen in dem grôzen land Britannia, wenn
Line: 35    man der wazzer geuzt auf ainen stain nâhen dâ pei, sô   35
Line: 36    kümt regen und donr und ungewiter.

Page: 485  
Line: 1    Ain gar schœner prunn ist pei dem perg, der Libanus
Line: 2    haizt, zwischen den zwain steten Archas und Papheneas,
Line: 3    den haizent si den Sabath, daz ist den sibenden tag, dar
Line: 4    umb, daz er sehs tag kain wazzer gibt und an dem
Line: 5    sibenden gibt er gar gnunk wazzers.   5
Line: 6    Ain wazzer ist in dem land Perside, daz überfreust
Line: 7    all naht, daz paideu läut und vih dar über gênt; aber
Line: 8    des tags zefleuzt ez wider, sam ain puoch sagt, daz haizt
Line: 9    historia orientalis.
Line: 10    Ez sint fliezendeu wazzer in den landen gegen der   10
Line: 11    sunnen aufganch, sam Jacobus spricht, diu ziehent gul\deinen
Line: 12    griez und etleiche edel gestain.
Line: 13    Ain prunn ist in dem mer des obern tails der stat
Line: 14    Tyren, der springt mit gar süezem wazzer in sölicher
Line: 15    ungestüemikait von des mers grund, daz er sich erhœcht   15
Line: 16    über daz mer zwaier oder dreier daumellen lanch, wenn
Line: 17    daz mer still ist, alsô daz man in mit vazzen geschepfen
Line: 18    mag. der prunn bedäutt der guoten läut wandelung un\der
Line: 19    den pœsen.
Line: 20    Ez sint vil stet, dâ warmez oder haizez wazzer auz   20
Line: 21    der erden fleuzt, dar umb, daz ez durch swefel und durch
Line: 22    kalk fleuzt, dâ von daz wazzer erhitzt wirt.
Line: 23    Ain prunn ist in dem kalten land Norbeia, der ver\kêrt
Line: 24    allez daz in stain, daz man dar ein tuot, iedoch be\leibt
Line: 25    diu alt varb der selben ding, und daz ist sô gar   25
Line: 26    gemain, daz er gewant ze stain macht. daz hiez kaiser
Line: 27    Fridreich versuochen und sant potschaft dar.
Line: 28    Man vint auch gemaincleich in etleichem geperg
Line: 29    prunnen, die holz in stain verkêrent, und auz den selben
Line: 30    stainen werdent gar guot wetzstain.   30
Line: 31    Nu habent die prunnen ain end nâch des puochs sag
Line: 32    ze latein, und hât daz puoch niht mêr, daz mir geant\wurt
Line: 33    wart und des mich mein gar guot freund pâten ze
Line: 34    däutsch pringen; daz hân ich mêr dan daz drittail ge\mêrt
Line: 35    und den sin erläucht, sô ich pest moht. nu vant   35
Line: 36    ich ain puoch ze latein der selben lai, daz hât noch ains

Page: 486  
Line: 1    stucks mêr, daz sagt von den wunderleichen menschen.
Line: 2    daz wil ich in freuntschaft auch her zuo setzen, wan
Line: 3    zwâr, ich gæb gern, hêt ich iht.
Line: 4    VON DEN WUNDERMENSCHEN.
Line: 5    Ain vrâg ist, von wannen die wundermenschen kö\men,   5
Line: 6    die ze latein monstruosi haizent, ob si von Adam
Line: 7    sein komen? zuo der vrâg wil ich anders antwürten wan
Line: 8    daz puoch ze latein antwürt, wan daz puoch spricht, daz
Line: 9    die wundermenschen niht von Adam kömen, ez sei dan,
Line: 10    sam Adelînus spricht, daz diu wunder komen von den   10
Line: 11    widernâtürleichen werken der menschen, die sich ver\mischent
Line: 12    zuo dem vich, sam diu wunder, diu onocentauri
Line: 13    haizent, die sint oben menschen unz an die gürteln und
Line: 14    sint niden ohsen. wizz, daz daz niht gesein mag, wan
Line: 15    die sâmen, die sô gar verr von ainander sint, die zepre\chent   15
Line: 16    sich von ainander, und wirt kain lebentich dinch
Line: 17    dar auz; würd aber ain lebentich dinch dar auz, daz
Line: 18    stürb zehant. nu sprich ich Megenbergær, daz die wun\dermenschen
Line: 19    zwaierlai sint: etleich sint gesêlet und etleich
Line: 20    niht. die gesêlten wundermenschen haiz ich die ain mensch\leich   20
Line: 21    sêl habent und die doch geprechen habent. die
Line: 22    ungesêlten haiz ich die etswaz ain menschleich gestalt
Line: 23    habent an dem leib und doch kain menschleich sêl ha\bent.
Line: 24    die gesêlten wundermenschen sint auch zwaierlai.
Line: 25    etleich habent geprechen an dem leib und etleich an der   25
Line: 26    sêl werk, und die koment paideu von Adam und von
Line: 27    seinen sünden, wan ich glaub daz: hiet der êrst mensch
Line: 28    niht gesünt, all menschen wæren ân geprechen geporn.
Line: 29    Die wundermenschen mit geprechen an dem leib
Line: 30    sint die ir glider niht ganz habent oder ir mêr habent   30
Line: 31    dann si schüllen haben. daz kümt von manigerlai sachen.
Line: 32    ain sach ist, daz die frawen in den werken der unkäusch
Line: 33    sich niht reht habent und sich hin und her wegent, daz
Line: 34    sich der sâm des mannes tailt in der frawen clausen; und

Page: 487  
Line: 1    tailt sich der gleich unden und oben, sô werden zwinlein
Line: 2    dar auz und die mêrent sich, dar nâch und sich die zwin\lein
Line: 3    mêrent. tailt aber der sâm sich oben und niden
Line: 4    niht, sô wirt ain mensch mit zwain haubten und mit aim
Line: 5    nidertail, daz mêrt sich auch dar nâch und sich daz tailn   5
Line: 6    mêrt. tailt aber sich der sâm unden und niht oben, sô
Line: 7    wirt ain mensch niden gespalten und niht oben.
Line: 8    Auch geschiht, daz des sâmen vil ist und daz sein
Line: 9    kraft grôz ist, der macht ainen grôzen menschen über
Line: 10    gemain läut; oder daz diu kraft oben ist und des sâmen   10
Line: 11    ze wênich, sô gepricht der purt etleicher lider, sam die
Line: 12    arm oder etleich vinger oder füez und pain. daz geschiht
Line: 13    auch, wenn des sâmen genuog ist und diu kraft dar inn
Line: 14    ze krank ist. wenn aber des sâmen wênich ist und diu
Line: 15    kraft krank, sô wirt ain klainez menschel. ez geschiht   15
Line: 16    auch, daz des sâmen eben genuog ist und diu würkend
Line: 17    kraft ze stark ist, und an welhem gelit si stark ist, daz
Line: 18    macht si grôz oder macht sein vil. dar umb hât ain
Line: 19    purt dick ainen grôzen fuoz und den andern klain oder
Line: 20    ain grôz haupt und ainen klainen leip oder sehs vinger   20
Line: 21    an ieder hant oder sehs zêhen an iedem fuoz oder an
Line: 22    aim und an dem andern niht. dar umb hât man ain
Line: 23    kindel gesehen, daz het ainlüf münd und zwuo und
Line: 24    zwainzich lebsen, die wâren unvolkomen, und wart tôtez
Line: 25    geporn.   25
Line: 26    Ez geschiht auch, daz zwuo würkent kreft gleich
Line: 27    kreftich sint. der aineu würkt manneszaichen und diu
Line: 28    ander frawenzaichen: die machent ain purt, diu paidez
Line: 29    hât volkomen und würkt auch paideu werk. die läut
Line: 30    mit paiden dingen haizent ze latein ermofrodite. ist aber   30
Line: 31    ain kraft grœzer wan die ander, diu macht ir werk vol\komen
Line: 32    und diu ander niht.
Line: 33    Auch geschiht, daz diu muoter gar hitzig ist, diu
Line: 34    zeitigt ir purt ê der zeit, alsô daz si des kindes ê der
Line: 35    zeit genist, oder macht, daz daz kindel geporn wirt mit   35
Line: 36    etleichen zändeln. alsô wart ain diernkindel geporn, daz

Page: 488  
Line: 1    het hangendeu prüstel und hâr under der üehsen und
Line: 2    het auch hâr ob dem goltpüschel und hêt zwên zend oben
Line: 3    in dem mund und zwên unden.
Line: 4    Wir vinden auch, daz diu purt in der muoter leib
Line: 5    sich schickt nâch der swangern frawen trahten, dar umb   5
Line: 6    schüllen si niht ungestalteu dinch ansehen: si schüllent
Line: 7    schœn läut und schœneu pild ansehen und allermaist
Line: 8    des êrsten, wenn diu nâtûr daz kindel formiert, ê ez vol\prâht
Line: 9    werd.
Line: 10    Ez koment auch die wundermenschen von der stern   10
Line: 11    kreft in der muoter leib, und dar umb pringt manig fraw
Line: 12    ain purt mit ains viehes haupt oder mit ainer andern wun\derleichen
Line: 13    gestalt, oder ain viechmuoter pringt klaineu
Line: 14    viehel mit menschenhaupten. alsô truog ain verher\muoter
Line: 15    värkel, diu heten menschenhaupt, sam Albertus   15
Line: 16    spricht in dem andern puoch physicorum. sô in maniger
Line: 17    lai weis koment uns die gesêlten wundermenschen, die
Line: 18    geprechen habent an dem leib.
Line: 19    Aber die gesêlten wundermenschen, die geprechen
Line: 20    habent an der sêl werken, die sint zwaierlai. etleich   20
Line: 21    habent daz von gepurt und etleich von gewonhait. die
Line: 22    den geprechen habent von gepurt, daz sint die nâtür\leichen
Line: 23    tôren, die ze latein muriones haizent, die habent
Line: 24    ir zell der sêl kreft niht reht geschickt in dem haupt.
Line: 25    daz prüeft man dar an, daz si ungeschickteu haupt ha\bent,   25
Line: 26    aintweder ze grôz oder ze klain. die würkent niht
Line: 27    nâch den werken menschleicher sêl und habent doch
Line: 28    menschensêl, sam diu kint.
Line: 29    Die aber den geprechen habent von gewonhait, daz
Line: 30    sint die in den wälden erzogen werdent verr von den   30
Line: 31    vernünftigen läuten und lebent sam daz vieh. die wunder\menschen
Line: 32    sint alle von Adam her komen.
Line: 33    Aber die wundermenschen, die niht gesêlet sint mit
Line: 34    menschleicher sêl, die sint auch zwaierlai. etleich wer\dent
Line: 35    von den menschen geporn, sam ich vor gesprochen   35
Line: 36    hân. von der stern kreften, die koment auch von Adams

Page: 489  
Line: 1    sünden und von unsern sünden, wan ich gelaub, hiet der
Line: 2    êrst mensch niht gesünt, sô hêt der stern kreft und an\der
Line: 3    crêatûr kain gewalt gehabt über den menschen. aber
Line: 4    ez sint ander wundermenschen, die von rehten menschen
Line: 5    niht geporn werdent und habent auch niht menschleicher   5
Line: 6    sêl, die kindelnt ireu aigeneu kindel mit ainander und
Line: 7    würkent etleich werk gleich dem menschen, sam die affen
Line: 8    und die merkatzen, und die wurzelnt niht von Adam
Line: 9    her, wan ez sint besundereu tier, diu got beschaffen hât
Line: 10    ân des menschen werk. alsô prüef ich, daz man ant\würten   10
Line: 11    schüll zuo der frâg von den wundermenschen.
Line: 12    nu sagt daz puoch ze latein von den und von disen un\der
Line: 13    ainander ân alle ordenung. dem wil ich nu volgen
Line: 14    unz an daz end.
Line: 15    Ez wonent gar wunderleich läut enhalb des fliezen\den   15
Line: 16    wazzers, daz Gangen haizt, die gênt willicleich in
Line: 17    ain feur durch die lieb, die si habent zuo dem künftigen
Line: 18    leben.
Line: 19    Ez sint auch läut, die vater und muoter tœtent in
Line: 20    dem alter und beraitent ir flaisch zuo ainer wirtschaft   20
Line: 21    und ezzent daz mit irn freunden und ahtent daz für ain
Line: 22    hailigz guotz werk, und wer daz mit in niht tuot, den
Line: 23    prüefent si ainen ungötleichen menschen.
Line: 24    Ez sint auch grôz läut sam die risen, die gar leiht
Line: 25    über ainen elephant springent, daz doch gar ain grôz   25
Line: 26    tier ist.
Line: 27    Ez sint auch klaineu menschel, diu niht vil lenger
Line: 28    sint wan ainer daumellen lanch.
Line: 29    Ez sint auch weip, diu geperent ains mâls grâ früht,
Line: 30    und wenn die früht lang lebent, sô wirt ir hâr swarz in   30
Line: 31    dem alter.
Line: 32    Auch sint frawen, die neur fünfstunt geperent und
Line: 33    dar nâch mügent si niht lenger geleben denn aht jâr.
Line: 34    Ander läut sint, die ezzent rôch visch und trinkent
Line: 35    daz gesalzen merwazzer.   35

Page: 490  
Line: 1    Auch sint läut, die hinder sich gekêrt hend habent
Line: 2    und an iedem fuoz aht zêhen.
Line: 3    Ez sint auch läut, die habent die versen an den
Line: 4    füezen her für gekêrt.
Line: 5    Jeronimus der hailig lêrer sagt von läuten, die haizt   5
Line: 6    er cynocephalos, die habent hundeshaupt und scharpf
Line: 7    krumm negel an den lidern und sint rauch an dem leib
Line: 8    und redent niht, si pellent sam die hund.
Line: 9    Ez sint auch läut, die sô klain münd habent, daz
Line: 10    si neur mit aim klainen halm saufendz dinch in sich   10
Line: 11    ziehent und anders niht ezzent.
Line: 12    Auch sint ander läut, die ezzent menschleich flaisch
Line: 13    und volgent der menschen fuoztriten sô lang, unz daz
Line: 14    si in etswâ über ain wazzer enpfliehent.
Line: 15    Ez sint auch dâ selben ainäug läut, die haizent aris\maspi   15
Line: 16    und cyclopedes, und habent ain aug ze mittelst an
Line: 17    der stirn.
Line: 18    Läut sint, die habent neur ainen fuoz und laufent
Line: 19    gar snell, und der fuoz ist sô prait, daz er ainen grôzen
Line: 20    schaten gibt gegen der sunnen, und ruoent si under irm   20
Line: 21    fuoz reht sam under aim obdach.
Line: 22    Auch sint läut ân haupt, die habent ir augen an
Line: 23    den ahseln und habent für munt und für nasen zwai
Line: 24    löcher an der prust und sint über al rauch mit hertem
Line: 25    hâr, sam diu wilden tier.   25
Line: 26    Ez sint auch läut, die anders nihts habent des si
Line: 27    leben dan daz si an aim apfel smeckent, und wenn si
Line: 28    verr wellent gên, sô tragent si den apfel mit in, anders
Line: 29    si stürben, wenn si ainen pœsen smack smeckten.
Line: 30    Ez sint auch wild läut, der hât iegleichz sehs hend.   30
Line: 31    Auch sint auz der mâzen schœn frawen, die wonent
Line: 32    in aim wazzer in dem land India, aber si habent grausam
Line: 33    zend sam die hund und sint über al an dem leib weiz
Line: 34    sam der snê.
Line: 35    Ez sint auch klaineu läutel, die wonent auf ainem   35
Line: 36    perg in India, die haizent pigmêi, diu sint zwaier daum\ellen

Page: 491  
Line: 1    lanch und streitent mit den kränichen. diu läutel
Line: 2    kindelnt in dem dritten jâr und altent in dem ahten.
Line: 3    Ez kümt dick, daz von stummen und von ungehœrn\den
Line: 4    kindel koment, diu auch stummen sint und ungehœ\rend,
Line: 5    alsô daz si die siehtüem erbent, und der auzsetzel   5
Line: 6    erbt auch gern. iedoch von plinden läuten koment ge\sehend
Line: 7    und von gestümelten ungestümelt und von ain\äuken
Line: 8    die paid augen habent.
Line: 9    Ez sint läut pei dem fliezenden wazzer, daz Bti\xantis
Line: 10    haizt, die habent gar weiz leib und sint zwelf   10
Line: 11    schuoch lanch und habent ain gezwitailtez antlütz und
Line: 12    ain lang nasen und sint mager an dem leib.
Line: 13    Auch sint läut, die haizent oxidrates oder gymno\sophiste,
Line: 14    daz sint plôz weis läut, die gênt plôz in armuot
Line: 15    und in diemüetichait und versmæhent die üppigen werlt;   15
Line: 16    die schadent niemant und werent sich niht mit wâpen,
Line: 17    si wonent in hölern und in hürsten und geruochent kai\nes
Line: 18    hauses noch kainer stat und ir kint und ireu weip
Line: 19    wonent beseits von in mit den tiern und die ziehent si
Line: 20    gar käusch und rain. dô die Alexander Macedo, der   20
Line: 21    grôz kaiser, vant, dô wundert in und sprach zuo den
Line: 22    selben läuten 'pitet mich, wes ir welt, daz gib ich eu.'
Line: 23    dô sprâchen si 'gib uns untœtleichait, der beger wir vor
Line: 24    allen dingen und begern kaines andern reihtums niht.'
Line: 25    dô sprach Alexander 'seint ich tœtleich pin, wie mag ich   25
Line: 26    eu untœtleichait geben?' dô sprâchen si 'seint dû dich
Line: 27    tœtleichen erkennest, war umb tuost dû dann sô vil übels
Line: 28    und verst irres in der werlt?'
Line: 29    Ez sint auch läut enseit des wazzers Gangen, die
Line: 30    haizent bragmanni, die sint wunderleichen schôn geziert   30
Line: 31    mit gaistleichait, mit unschulden, mit siten und mit allem
Line: 32    irem leben, die habent geschriben offenbâr von unserm
Line: 33    herren Jêsu Christo, ê daz er mensch würd, und habent
Line: 34    geschriben von des suns mitêwichait mit dem vater. wan
Line: 35    ainer hiez Didimus, der was ir maister, den pat Alexander   35
Line: 36    Macedo, daz er im etswaz schrib von irm leben und von irm

Page: 492  
Line: 1    glauben. dô schraib er im ainen sentprief von dem leben
Line: 2    und von den hailigen siten der selben läut und wie si
Line: 3    ainen got êrten und wie des gotes sun mitêwig wær mit
Line: 4    dem vater, und spricht under andern sprüchen alsô: ainer
Line: 5    pitt den andern niht, dâ gleich pei gleich lebt; ez hât   5
Line: 6    auch haz dâ kain stat, wâ kain obrer ist, diu gleichait
Line: 7    der armuot macht all läut reich, und alsô besitz wir alleu
Line: 8    dinch, der wir niht begeren. er spricht auch mêr: ez ist
Line: 9    ain grimmichait, daz wir unser prüeder twingen in unser
Line: 10    dienst, die diu selb nâtûr hât geporn mit uns und den   10
Line: 11    von aim got vater ain erb ist gelobt mit uns aller ge\mainen
Line: 12    guoten ding. und spricht mêr: vasten ist uns
Line: 13    ain hilf zuo erznei, wan vasten vertreibt niht allain die
Line: 14    eingevallen siehtüem, ez fürsiht uns auch und beschermt
Line: 15    uns vor den künftigen siehtüemen. er spricht auch: got   15
Line: 16    ist daz wort und daz wort hât die werlt beschaffen und
Line: 17    von dem lebent alleu dinch und daz wort êr wir und an\peten
Line: 18    ez. got ist gaist und muot und dar umb nimt er
Line: 19    niht anders denn ainen rainen muot.
Line: 20    Ez sint ainerlai läut in dem land Sicilia, dâ der   20
Line: 21    perch Ethna prinnet, die habent neur ain aug under ainer
Line: 22    gar scharpfen stirn ains schilts prait oder aines puklers
Line: 23    prait, die haizent cyclopedes, die sint sô lanch, daz si
Line: 24    über hôch päum aufgênt, die ezzent pluot. man hât ge\sehen,
Line: 25    daz ir ainer in seim hol gestrackt lag und het in   25
Line: 26    ainer hant zwên man, die vraz er alsô rôch.
Line: 27    Ez sint läut, die haizent Comani, die ezzent rôhz
Line: 28    flaisch und trinkent pfärdspluot.
Line: 29    Jacobus spricht, daz frawen sein in den landen gegen
Line: 30    der sunnen aufganch pei den pergen, die Caspii haizent,   30
Line: 31    die frawen haizent amazones und die reitent in den wâpen
Line: 32    und streitent und wonent in ainer inseln, diu ist umb\geben
Line: 33    mit aim wazzer, und der frawen sint mêr dann
Line: 34    zwaihundert tausent und wonent ân man und ir man
Line: 35    wonent beseits pei der inseln auch ain; und wenn ir   35
Line: 36    frawen gesigt habent in streiten und wider haim zogent

Page: 493  
Line: 1    mit irr küniginn, sô anpetent si ir aigen man sam ir
Line: 2    götinn. die frawen varnt ains mâls in dem jâr auz der
Line: 3    inseln zuo iren mannen, dar umb, daz si von in swanger
Line: 4    werden. wenn si dann wider haim koment und der kindel
Line: 5    genesent, welhez ain knäbel ist, daz ziehent si siben jâr   5
Line: 6    und sendent ez dann den vätern, aber diu diernkindel
Line: 7    behaltent si pei in. alsô ist an etleichem gefügel, dâ
Line: 8    sint die sien auch sterker wan die ern. die vorgenanten
Line: 9    männinne habent die art, wenn si ie minner unkäuschent,
Line: 10    sô si ie sterker sint und ie pezzer ze streiten.   10
Line: 11    Ez sint man und frawen die gênt nackent und sint
Line: 12    rauch an dem leib sam diu tier und wonent paideu auf
Line: 13    erden und in wazzer, und wenn si fremd läut sehent, sô
Line: 14    tauchent si sich under daz wazzer.
Line: 15    Ez sint auch weip in etleichen wälden in dem land   15
Line: 16    India, die habent pärt unz an diu prüstel und sint auch
Line: 17    rauch an dem leib und lebent neur der tier, diu si ge\vâhent,
Line: 18    wan si habent die leoparden pei in, die in daz
Line: 19    wilt vähent, sam wir haben die hunt.
Line: 20    Ez sint auch gar schœn frawen, die wonent gegen   20
Line: 21    der sunnen aufganch pei dem mer und ezzent rôhz
Line: 22    flaisch und gar guot hönich.
Line: 23    Ez sint auch etleich läut gegen der sunnen aufganch,
Line: 24    die sint ebenmæzig an dem leib, niht ze grôz noch ze
Line: 25    klain, der augen läuhtent sam ain lieht in ainer lucern.   25
Line: 26    Ez sint menschen dâ selben die sint wild und sint gar
Line: 27    grôz, die sint rauch sam diu swein und schreient sam diu tier.
Line: 28    Ez wâren hie vor läut, die heten zägel, sam man list,
Line: 29    und ander läut, die heten hörner, und etleich hât der mai\ster
Line: 30    des puochs ze latein gesehen, die peilten sam die hund.   30
Line: 31    Ez ist ain lant, sam Jacobus spricht, dâ werdent diu
Line: 32    kint geporn mit kroten, und welhez ân kroten wirt ge\porn,
Line: 33    des muoter hât ir man für ain êprechærinn und
Line: 34    schaitt sich der man von ir.
Line: 35    Ez sint in etleichen landen und allermaist an dem   35
Line: 36    end in Burgundenland pei dem geperg etleich frawen,

Page: 494  
Line: 1    die sô grôz kröpf habent, daz si sich streckent unz auf
Line: 2    den nabeln, und der kropf ist sam ain kruog oder sam
Line: 3    ain kürbiz.
Line: 4    An dem puoch ze latein hât ain maister gearbaitt
Line: 5    fünfzehen jâr, als vil und er sein gemacht hât, und hât   5
Line: 6    ez gesament auz der geschrift der hôhen maister, die
Line: 7    haizent Aristotiles, Plinius, Solînus, Ambrosius, der grôz
Line: 8    Basilius, Isidorus, Augustînus, maister Jacobus von Via\tico,
Line: 9    der ain puoch hât gemacht von etleichen wunder\leichen
Line: 10    dingen in den landen über mer, daz hât er ge\haizen   10
Line: 11    orientalem historiam. er hât auch gevolgt den
Line: 12    maistern, die haizent Galiênus, Physiologus, und hât ge\volgt
Line: 13    ainem puoch von den dingen, daz ze latein haizt
Line: 14    liber rerum, und hât gevolgt den maistern, die haizent
Line: 15    Adelînus, Philosophus, und dem puoch, daz haizt der   15
Line: 16    alten väter sag und haizt ze latein veterum narracio,
Line: 17    und hât gevolgt dem puoch ains maisters von der jüdi\schait
Line: 18    von den edeln stainen, der hiez Tethel.


Line: 19    Daz ist daz däutsch von Megenberch.
Line: 20    wær daz ain ris und niht ain twerch   20
Line: 21    und wær ez aller sælden vol,
Line: 22    des gund ich meinen freunden wol.
Line: 23    wærleich ân allen valsch daz ist,
Line: 24    des ist mein zeug der hailig Christ
Line: 25    und auch Marîâ muoter mait.   25
Line: 26    ach diu benem uns unser lait
Line: 27    und füer uns in daz êwig leben,
Line: 28    dâ haz niht ist noch widerstreben
Line: 29    und auch kain leiden noch kain pein:
Line: 30    ach sprich, Marîâ, daz schol sein.   30

This text is part of the TITUS edition of Konrad von Megenburg, Buch der Natur.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.