TITUS
Konrad von Megenburg, Buch der Natur: Part No. 108

Chapter / Strophe: 21 
   21
Line: 20

Line: 21
   VON DEM MILTAWE.



Line: 22    Ez haizet ainz miltaw, daz verderbt den hopfen oft
Line: 23    und daz korn und ander getraid. daz kümpt dâ von, daz
Line: 24    der erdisch dunst, dar auz daz miltaw wirt, gar behend
Line: 25    ist an im selber und daz er sêr geprant ist von der   25
Line: 26    sunne, diu in auf hât gehebt von der erden. dar umb
Line: 27    wenn sich der dunst entsleuzt in haimleichez nidertropfen
Line: 28    mit regen oder ân regen und er gevellt auf die plüet
Line: 29    der frühten, sô verprent er daz fruhtpær march der
Line: 30    frühten, reht sam ain nazzer wolgepranter asch tæt, ob   30
Line: 31    man in dar auf legt. und daz dem alsô sei, daz er kome
Line: 32    von erdischem dunst, daz vind ich alsô. wenne daz

Page: 87
Line: 1    miltaw gevallen ist, sô prüeft man ez aller êrst an dem
Line: 2    dritten tag oder an dem vierden und ist danne daz gel
Line: 3    oder swarz worden, dar auf ez sitzet, und diu varb bedäut
Line: 4    prunst der materi. ez geschiht oft, daz daz selb getraid,
Line: 5    dar auf ez vellt, steubt, wenn ez gedorret, sam ez mit   5
Line: 6    aschen sei besträut. daz wær allez niht, kæme daz miltaw
Line: 7    niht von erdischem verprantem dunst, der daz getraid
Line: 8    alsô negt. dû scholt auch wizzen, daz ez den frühten
Line: 9    aller maist schadet, sô si plüent, wan ir plüet ist lind
Line: 10    und zart. wenne aber ir früht von den pluomen koment   10
Line: 11    und ain tail erstarkt sint, sô schat ez in niht als vil.
Line: 12    ez haizt auch miltaw niht von miltikait, wan ez ist ark
Line: 13    und übel: ez ist gehaizen von milwen miltaw, wan als
Line: 14    die milwen daz gewant frezzent und verderbent, alsô
Line: 15    verderbt ez die fruht. dar umb hieze ez wol milwentaw,   15
Line: 16    wan man vint an vil dingen klaineu würmlein swarzeu
Line: 17    nâch etleichen tagen, dar auf daz miltaw gevallen ist.
Line: 18    iedoch wizz, daz ich den sin von dem miltaw von andern
Line: 19    maistern niht hân genomen.





Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.