TITUS
Konrad von Megenburg, Buch der Natur: Part No. 107
Chapter / Strophe: 20
20.
Line: 3
Line: 4
VON DEM SCHAWR.
Line: 5
Der schaur haizt in anderr däutsch der hagel, und 5
Line: 6
kümt dâ von, daz der wäzzrig dunst des êrsten sich ent\sleuzt
Line: 7
in regentropfen an ainer niht übrig kalter stat in
Line: 8
dem luft, dâ der regen wirt, und die tropfen dar nâch
Line: 9
vallent durch ain gar kalte stat, dâ diu hitz in dem
Line: 10
sumer die kelten zesamen hât getriben, wan diu selb 10
Line: 11
übrig kelten verkêrt die tropfen in eis, reht als si daz
Line: 12
wazzer tuot hie niden winterzeiten. dar umb sint des
Line: 13
schaurn körner gestalt sam die cristallen und sint sinbel,
Line: 14
dar umb, daz si sich sleifent durch den luft her ab zuo
Line: 15
allen enden. ez kümt auch oft, daz regentropfen vallent 15
Line: 16
mit dem schaurn; daz ist dâ von, daz der schaur her
Line: 17
nider paz in seinem vallen linden luft begreift: dar umb
Line: 18
zefleuzt er an den enden und die tropfen vallent mit im
Line: 19
her ab in regens weis.
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
