TITUS
Konrad von Megenburg, Buch der Natur: Part No. 129

Chapter / Strophe: 8 
   8.
Line: 7
   
Line: 8
   VON DEM KÄMEL.



Line: 9    Der grôz maister Basilius spricht von dem kämel oder
Line: 10    von dem kämlein, daz ez des pœsen gar ain starch ge\dæhtnüss   10
Line: 11    hab und ainen swærn zorn und halt den lang,
Line: 12    und wenne man ez gesleht, sô tuot ez niht dem gleichen
Line: 13    lange, unz daz ez stat und zeit im eben vint, sô richet ez
Line: 14    sich zehant. ez slint die gersten gar snell und behelt si,
Line: 15    dar umb, daz ez si des nahtes mit idrucken anderwaid   15
Line: 16    ezze. etleich sprechent auch, daz ez die güet an im hab,
Line: 17    ist under ainr ganzen hert oder in dem stall ain kämel,
Line: 18    daz siech ist und daz niht izzt, sô sint diu andern alliu
Line: 19    mit im ungezzen, reht sam si im mitleiden. wenne seiner
Line: 20    prünften zeit ist, daz ez unkäuschen wil, sô suocht ez im   20
Line: 21    haimleich stet, daz ez die läut iht sehent, wan ez un\käuschet
Line: 22    hinderwarts, und sein weip hât sô grôzen gelust
Line: 23    zuo im, daz si vor gelust greint. Plinius spricht, daz
Line: 24    des kämels hirn dürr gemacht und getrunken in ainem
Line: 25    ezzich hailt die vallenden sucht. Solînus spricht, daz die   25
Line: 26    kämel kain swær pürd nement über reht. maister Michahel
Line: 27    von Schottenlant spricht, daz daz jung kämel zehant sein
Line: 28    waid nem auf der wisen wenn ez geporn werd. Aristo\tiles
Line: 29    spricht, daz ain man ains kämleins muoter verdacht
Line: 30    mit seinem mantel dar umb, daz ez mit ir unkäuschte und   30
Line: 31    daz ez niht west, daz si sein muoter wær. ê daz ez nu
Line: 32    sein unkäusch volpræht, dô bevant ez die wârhait und
Line: 33    liez dâ von und ertôte den man, wan ez hât von seiner
Line: 34    nâtûr, daz ez niht unkäuschet mit seiner muoter.

Page: 125






Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.