TITUS
Konrad von Megenburg, Buch der Natur: Part No. 315

Chapter / Strophe: 4 
   4.
Line: 3
   
Line: 4
   VON DER BOA.



Line: 5    Boa ist ain slang, diu wont in dem land Calabria,   5
Line: 6    alsô spricht Solînus. diu slang wirt unmæzicleichen grôz
Line: 7    in dér weis. si müet und laidigt des êrsten diu wilden
Line: 8    rint und auch diu haimischen, alsô daz si sich legt an
Line: 9    der rinder äuter, diu gar vil milch gebent, und seugt ân
Line: 10    underlâz die vaizten milch und treibt daz sô lang, unz   10
Line: 11    daz si sô grôz gewehset, daz irr grœz kain sterk noch
Line: 12    kain kraft wider mag gesein, und ze letzt vertreibt si ain
Line: 13    ganzez lant und macht daz wüest von läuten und von
Line: 14    frühten. dâ von schreibt Jeronimus und spricht alsô.
Line: 15    der hailig herr sant Hylarion wart gepeten von dem volk,   15
Line: 16    daz er daz tier ertœtt in ainem land. daz tet er und ge\pot
Line: 17    dem tier, daz ez oben auf ainen holzhaufen stig. daz
Line: 18    tet ez betwungen in der kraft gotes. dô stiez er ain feur
Line: 19    dar under und verprant daz grausam tier. Plinius spricht
Line: 20    von dem tier, daz ez sô grôz sei, daz ez hirz und rinder   20
Line: 21    verslind, und daz selb sagt auch der hailigen väter ge\schrift.
Line: 22    ez sprechent auch etleich, daz diu slang derlai
Line: 23    slangen sei gewesen, die Regulus der Rœmer herzog hie
Line: 24    vor ertœtt, sam der Rœmer wâr schrift sagt und ir cronik,
Line: 25    daz ist diu schrift von den geschehen dingen in den   25
Line: 26    zeiten oder in den landen, wan die slangen ertœt Regulus
Line: 27    in dem land Africa und diu was an der leng hundert und
Line: 28    zwainzig schuoh grôz und lanch, und dô man ir die haut ab
Line: 29    gezôch, dô prâht man si ze Rôm an die gemain kaffât,
Line: 30    dâ si all läut an sâhen, und des tiers kinpacken hiengen   30
Line: 31    die Rœmer auf zuo aim wunder. Plinius schreibt von
Line: 32    der slangen und spricht, wenn man si vâhen well, sô
Line: 33    müez man si mit armbrüsten twingen und mit anderm
Line: 34    gezeug, reht als der ain vest gewinnen well.

Page: 266




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.