TITUS
Konrad von Megenburg, Buch der Natur: Part No. 363

Chapter / Strophe: 16 
   16.
Line: 12
   
Line: 13
   VON DEM HÆSCHRECKEN.



Line: 14    Locusta haizt ain hæschreck oder ain haberschreck,
Line: 15    aber ez ist niht daz tier, dâ diu geschrift von saget, daz   15
Line: 16    sanctus Johannes az in der wüesten, wan daz selb ist ain
Line: 17    vierfüezig tier, daz auch ze latein locusta haizet, als hie
Line: 18    vor geschriben stêt von den vierfüezigen tiern. iedoch
Line: 19    wie daz sei, daz etleich maister daz sprechent, sô wæn ich
Line: 20    des, daz sanctus Johannes im selber niht sô güetleich lebt   20
Line: 21    nâch dem leib, daz er allzeit flaisch æze daz mêrer tail in
Line: 22    der wüesten; ez ist sänfter ze gelauben, daz er der würm
Line: 23    gelebt, wan ain volk, haizent Parthi, die ezzent si gern,
Line: 24    ich weiz aber niht, wie si si ezzent. der häuschreck hât
Line: 25    ain haupt gestalt sam ains pfärdes haupt. ain vorscher   25
Line: 26    spricht, daz die würm anander gezzent, und die grœzern
Line: 27    ezzent die klainern. si habent viereckot münd und ainen
Line: 28    stichling zuo ainem zagel und habent zuo sich gepogneu
Line: 29    pain. die würm wahsent von dem sudenwint, der ze la\tein
Line: 30    auster haizt, und sterbent von dem nordenwint, der   30
Line: 31    ze latein aquilo haizt. si werdent snell vaizt von mandel\plüeten.
Line: 32    si habent ain därmel, daz ist vol unsauberkait,
Line: 33    und vliegent über verreu mer hungrig und ungezzen vil
Line: 34    tag. des nimt uns wunder, daz die würmel sô verr vliegent

Page: 304
Line: 1    nâch irs leibes narung. wærleich, ez schölt der mensch
Line: 2    durch der êwigen speis willen, sam daz gotswort ist, gar
Line: 3    verr varn. eyâ, waz ist diu christenhait worden an manger
Line: 4    stat, dâ man ainen Uodelger und ainen Penzen verr lie\ber
Line: 5    hœrt wan ain êwangelium sagen! die häuschrecken   5
Line: 6    snurrent mit irn flügeln in dem flug, daz man wænt, ez
Line: 7    sein reht vogel, und habent auf der schultern zuofüegung
Line: 8    ain scherpfen sam zend und die scherpfen wetzent si an
Line: 9    enander, sam ob si zandklaffen. ir pruot ist sam daz
Line: 10    rockenkorn, und sô die jungen des êrsten dar auz sliefent,   10
Line: 11    sô sint si klain und swarz sam die âmaizen. der was gar
Line: 12    vil pei kaiser Ludweiges zeiten und tâten grôzen schaden,
Line: 13    als ich in dem andern stuck des puochs geschriben hân von
Line: 14    dem geschöpften stern.





Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.