TITUS
Konrad von Megenburg, Buch der Natur: Part No. 488

Chapter / Strophe: 25 
   25.
Line: 8
   
Line: 9
   VON DEM SAFFRAN.



Line: 10    Crocus haizt saffrân. daz ist ain gar wolsmeckendez   10
Line: 11    kraut und haizt sein pluom auch ze latein crocus und ist
Line: 12    haiz und trucken ebenmæzicleich. der saffrân hât die
Line: 13    kraft ze kreftigen und ze sterken und dar umb ist er
Line: 14    guot wider des magen krankhait und wider des menschen
Line: 15    âmaht, diu ze latein syncopis haizt, und wider die augen\rœte,   15
Line: 16    diu von pluot kümt oder von colera. man schol
Line: 17    den saffrân hitzen in ainem scherben und schol in dann
Line: 18    pulvern und daz pulver mischen mit vaiztem wazzer, daz
Line: 19    entsleuzt und erwaicht den leip und ist auch guot zuo
Line: 20    den sachen, diu vorgenant sint. aber man schol in den   20
Line: 21    läuten niht geben, die haiz und trucken sint und die ze
Line: 22    latein colerici haizent, wan die macht er unlustig und
Line: 23    pringt in wüllen. wer aber diu augen dâ mit erznein well,
Line: 24    der temper den pulver mit ainem weizen ains ais und
Line: 25    tunk ain paumwoll dar ein und leg die in diu augen.   25
Line: 26    diu paumwoll haizet bombax ze latein, dâ von kümt bom\basium,
Line: 27    daz haizet ain bammais, daz dar auz ist gemacht.
Line: 28    aber limbasium haizt ain leinein bammais. wenn man
Line: 29    saffrân in wein trinkt, sô macht er trunken und macht
Line: 30    die läut vil lachent, alsô daz si niht wizzent, dar umb,   30
Line: 31    daz er daz herz sterkt und frœleich macht. ez sprechent
Line: 32    auch etleich, wenn man in trink, daz er etswenn sô frœ\leich
Line: 33    mach, daz der mensch in fräuden sterb. etleich
Line: 34    sprechent auch, daz der saffrân dem milz guot sei und daz

Page: 393
Line: 1    er die unkäusch erweck. er pringt auch daz harmwazzer.
Line: 2    ez sprechent auch etleich, wenn man in in trank geb, sô
Line: 3    fürder er die gepurt auz der muoter und daz er die
Line: 4    muoter in der frawen entsliez, wenn si hert sei worden
Line: 5    und sich zesamen hab gezogen.   5





Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.