TITUS
Der Nibelunge Not
Part No. 39
Previous part

Adventure: XXXIX  
{ A_XXXVIII } <Av wie Gvnther vñ Chrimh' vñ Hagen wurden erslagen>
{ C_XXXIX } Aventv wie der herre Dietrich Guntehern vñ Hagenen betwanch.

Strophe: 2428   { |X2324 / Strophe of Ms. A: 2261   / Strophe of Ms. B: 2321   / Strophe of Ms. C: 2382   }


Verse: 1     do svocht der herre dieterich   selbe sin gewant
Verse: 1A     D3o nam der herre Dietrich   selbe sein gewant.
Verse: 1B     <D4o> svͦcht der herre Dieterich   selbe sin gewant.
Verse: 1C     D5o svchte der herre Dietrich   selbe sin gewant.

Verse: 2     im half daz er sich waffente   meister hildebrant
Verse: 2A     im half, daz er sich wafent,   der alte Hildebrant.
Verse: 2B     im half, daz er sich waffente,   meister Hildebrant.
Verse: 2C     do half, daz er sich wafent,   maister Hildebrant.

Verse: 3     do chlagete also sere   der chrepftige man
Verse: 3A     do chlagt also sere   der kreftige mnan,
Verse: 3B     do chlagete also sere   der chrepftige man,
Verse: 3C     do chlaget also sere   der chreftige man,

Verse: 4     daz daz hus erdiezen   von sinen chrepften began
Verse: 4A     daz daz hvs erdiezen   von siner stimme began.
Verse: 4B     daz daz hus erdiezen   von sinen chrepften began.
Verse: 4C     daz im daz hvs erdiezen   gein siner stimme began.



Strophe: 2429   { |X2325 / Strophe of Ms. A: 2262   / Strophe of Ms. B: 2322   / Strophe of Ms. C: 2383   }


Verse: 1     do gewan er wider   rehten heldes mvt
Verse: 1A     Do gewan er aber wider   vehten heldes mvͦt.
Verse: 1B     Do gewan er wider   rehten heldes mvt.
Verse: 1C     Der helt gewan do widere   rehten mannes mvͦt.

Verse: 2     in grimme wart gewafent   do der helt gvt
Verse: 2A     in grimme wart gewafent   do der degen gvͦt.
Verse: 2B     in grimme wart gewafent   do der helt gvt.
Verse: 2C     in grimme wart gewafent   do der degen gvͦt.

Verse: 3     einen schilt vil vesten   nam er an di hant
Verse: 3A     æinen schilt vil vesten   den nam er an die hant.
Verse: 3B     einen schilt vil vesten   nam er an di hant.
Verse: 3C     einen schilt vil vesten   den nam er an die hant.

Verse: 4     si giengn dannen balde   er vnde meister hildebrant
Verse: 4A     si giengen balde danne,   er vñ maister Hildebrant.
Verse: 4B     si giengen dannen balde,   er vnde meister Hildebrant.
Verse: 4C     nach schaden in do troste   der vil chune Hildebrant.



Strophe: 2430   { |X2326 / Strophe of Ms. A: 2263   / Strophe of Ms. B: 2323   / Strophe of Ms. C: 2384   }


Verse: 1     do sprach von tronege hagene   ich sihe dort her gan
Verse: 1A     Do sprach von Tronge Hagene:   "ich sihe dort her gan
Verse: 1B     Do sprach von Tronege Hagene:   "ich sihe dort her gan
Verse: 1C     Do sprach von Tronege Hagene:   "ich sihe dort her gan

Verse: 2     hern dieterichen   der wil vns bestan
Verse: 2A     den herren Dietrich;   der wil vns bestan
Verse: 2B     hern Dieterichen;   der wil vns bestan
Verse: 2C     den herren Dietrichen;   der wil vns bestan

Verse: 3     nach sinem starchem leide   daz im ist hi geschehen
Verse: 3A     nach sinem starchen læide,   daz im hie ist geschehen.
Verse: 3B     nach sinem starchemleide,   daz im ist hi geschehen.
Verse: 3C     nach sinne starchen leide,   daz im ist hie geschehn.

Verse: 4     man sol daz hivte chiesen   wem man des besten mvge iehen
Verse: 4A     man sol daz hivte kiesen,   wem man des besten mvge iehen.
Verse: 4B     man sol daz hivte chiesen,   wem man des besten mvge iehen.
Verse: 4C     man sol daz hivte chiesen,   wem man des besten mvge iehn.



Strophe: 2431   { |X2327 / Strophe of Ms. A: 2264   / Strophe of Ms. B: 2324   / Strophe of Ms. C: 2385   }


Verse: 1     ian en dunchet sich von berne   der herre dieterich
Verse: 1A     Iane dvnchet sich von Berne   der herre Dietrich
Verse: 1B     I2an endunchet sich von Berne   der herre Dieterich
Verse: 1C     lane dvnchet sich von Berne   der herre Dietrich

Verse: 2     nie so starch des libes   vnd ovch so griwelich
Verse: 2A     nie so starck des libes   von so gremlich,
Verse: 2B     nie so starch des libes   vnd ovch so griwelich,
Verse: 2C     nie so starch des libes   vñ o^ch so gremelich,

Verse: 3     vnd wilz erz an vns rechen   daz im ist getan
Verse: 3A     vnd wil erz an vns rechen,   daz im ist getan" -
Verse: 3B     vnd wil erz an vns rêchen,   daz im ist getan" -
Verse: 3C     vñ wil erz an vns rechen,   daz im ist getan" -

Verse: 4     also redete hagene   ich tar in rehte wol bestan
Verse: 4A     also redet Hagen -   "ich getar in harte wol bestan."
Verse: 4B     also redete Hagene -   "ich tar in rehte wol bestan."
Verse: 4C     also reite Hagene -   "ich tarr in rehte wol bestan."



Strophe: 2432   { |X2328 / Strophe of Ms. A: 2265   / Strophe of Ms. B: 2325   / Strophe of Ms. C: 2386   }


Verse: 1     dise rede horte dieterich   vnd ovh hildebrant
Verse: 1A     Dise rede horte   Dietrich vnd Hildebrant.
Verse: 1B     Dise rede horte Dieterich   vnd ovh Hildebrant.
Verse: 1C     D2ie rede erhorte Dietrich   vñ Hildebrant.

Verse: 2     er chom da er di recken   beide stende vant
Verse: 2A     er chom da er die reken   bæde stende vant
Verse: 2B     er chom da er di recken   beide stende vant
Verse: 2C     er gie da er die rechen   beide stende vant

Verse: 3     vzen vor dem huse   geleinet an den sal
Verse: 3A     vzen an dem hvse,   gelæinet an den sal.
Verse: 3B     vzen vor dem huse,   geleinet an den sal.\   { \ Page of Ms. B: 412a   A:_412a }
Verse: 3C     vzen vor dem hvse,   geleinet an den sal.

Verse: 4     sinen schilt den guten   den satzet dieterich ce tal
Verse: 4A     sinen schilt den gvͦten   satzte her Dietriche zetal.
Verse: 4B     sinen schilt den guten   den satzet Dieterich ce tal.
Verse: 4C     sinen schilt den gvten   den sazte Dietrich zetal.



Strophe: 2433   { |X2329 / Strophe of Ms. A: 2266   / Strophe of Ms. B: 2326   / Strophe of Ms. C: 2387   }


Verse: 1     in leidechlichen sorgen   sprach do dieterich
Verse: 1A     In læitlichen sorgen   sprach her Dietrich:
Verse: 1B     In leidechlichen sorgen   sprach do Dieterich:
Verse: 1C     In leitlichen sorgen sprach do Dietrich:

Verse: 2     wi habt ir so geworben   guenther chuenech rich
Verse: 2A     "wie habt ir so geworben,   Gvnther kvnich rich,
Verse: 2B     "wi habt ir so geworben,,   Goͮnther, choͮnech rich,
Verse: 2C     "wie habt ir so geworben,   Gunther, ein chunic rich?

Verse: 3     wider mich ellenden   waz het ich iv getan
Verse: 3A     wider mich ellenden?   waz het ich iv getan?
Verse: 3B     wider mich ellenden?   waz het ich iv getan?
Verse: 3C     ich ellender reche,   waz ist an mir getan!

Verse: 4     alles mines trostes   des pin ich hie eine bestan
Verse: 4A     allez mines trostes   des bin ich æine bestan.
Verse: 4B     alles mines trostes   des pin ich hie eine bestan.
Verse: 4C     alles mines trostes   des bin ich eine bestan.



Strophe: 2434   { |X2330 / Strophe of Ms. A: 2267   / Strophe of Ms. B: 2327   / Strophe of Ms. C: 2388   }


Verse: 1     ivch en duhte niht der volle   an der grozen not
Verse: 1A     luch endvhte niht der volle   an der grozen not,
Verse: 1B     Ivch enduhte niht der volle   an der grozen not,
Verse: 1C     Ivch endvhte niht der volle   an \ der vil grozen not,   { \ Page of ms. B: 87r   B:_87r }

Verse: 2     do ir vns ruedegeren   den helt sluget tot
Verse: 2A     do ir vns Rvͤdegere   den helt erslvͦget tot;
Verse: 2B     do ir vns Ruͤdegeren   den helt sluget tot;
Verse: 2C     do ir vns Rvdegeren   den rechen slvget tot;

Verse: 3     nv habet ir mir erbunnen   aller miner man
Verse: 3A     nv hapt ir mir erbvnnen   aller miner man.
Verse: 3B     nv habet ir mir erbunnen   aller miner man.
Verse: 3C     nv habt ir mir erbunnen   aller miner man.

Verse: 4     ia ne het ich iv helden   soelher leide niht getan
Verse: 4A     iane het ich iv helden   solher læide niht getan.
Verse: 4B     iane het ich iv helden   soͤlher leide niht getan.
Verse: 4C     ia het ich iv degenen   solher leide niht getan.



Strophe: 2435   { |X2331 / Strophe of Ms. A: 2268   / Strophe of Ms. B: 2328   / Strophe of Ms. C: 2389   }


Verse: 1     gedenchet an ivch selben   vnde an iwer leit
Verse: 1A     G2edenchet an ich selben   vñ an iwer læit,
Verse: 1B     Gedenchet an ivch selben   vnde an iwer leit,
Verse: 1C     Gedenchet an ivch selben   vñ an iwer leit,

Verse: 2     tot der iwern vrivnde   vnd ovch div arbeit
Verse: 2A     tot der iwer frivnde   vñ och div arbeit,
Verse: 2B     tot der iwern vrivnde   vnd ovch div arbeit,
Verse: 2C     tot der iwer frivnde   vñ o^ch div arebeit,

Verse: 3     ob ez iv guten recken   beswaeret iht den mut
Verse: 3A     ob ez iv zieren reken   beswart iht den mvͦt.
Verse: 3B     ob ez iv guten recken   beswæret iht den mut.
Verse: 3C     ob ez iv gvten degenen   beswæret iht den mvͦt.

Verse: 4     owe wi rehte vnsanpfte   mit tot der rvedgeres tvt
Verse: 4A     owe wie rehe vnsanfte   mir der tot Rvͤdegeres tvͦt.
Verse: 4B     owe wi rehte vnsanpfte   mir tot der Rvͤdgeres tvt!
Verse: 4C     owe wie rehte vnsanfte   mir tot der Rvdegers tvt!



Strophe: 2436   { |X2332 / Strophe of Ms. A: 2269   / Strophe of Ms. B: 2329   / Strophe of Ms. C: 2390   }


Verse: 1     ez geschach ce dirre werlde   nie leider manne mer
Verse: 1A     Ez geschach ze dirre werlde   nie manne laider mer.
Verse: 1B     Ez geschach ce dirre werlde   nie leider manne mer.
Verse: 1C     Ez gescach in der werlde   nie manne leider mer.

Verse: 2     ir gedahtet vebele   an min vnd an iwer ser
Verse: 2A     ir gedare vbel   an min vñ iwer sere.
Verse: 2B     ir gedahtet vͤbele   an min vnd an iwer ser.
Verse: 2C     ir gedahtet vbele   an min vñ an iwer ser.

Verse: 3     swaz ich frivnde hete   di sint von iv erslagen
Verse: 3A     swaz ich frvͤden hete,   div ligit von iv erslagen.
Verse: 3B     swaz ich frivnde hete,   di sint von iv erslagen.
Verse: 3C     swaz ich frevden hete,   div lit von iv erslagen.

Verse: 4     ia ne chan ich nimmer mere   di minen mage verchlagen
Verse: 4A     ia enkan ich nimmer mer   die mine mage verchlagen."
Verse: 4B     iane chan ich nimmer mere   di minen mage verchlagen."
Verse: 4C     iane chan ich nimmer mere   die mine mage verchlagen."



Strophe: 2437   { |X2333 / Strophe of Ms. A: 2270   / Strophe of Ms. B: 2330   / Strophe of Ms. C: 2391   }


Verse: 1     ia ne sin wir niht so schvldich   sprach do hagene
Verse: 1A     "lane si wir niht so schvldich",   sprach do Hagen.
Verse: 1B     "I2ane sin wir niht so schvldich",   sprach do Hagene.
Verse: 1C     "I2ane sin wir niht so schuldich",   sprach do Hagene.

Verse: 2     ez giengen zv disem hvse   iwer degene
Verse: 2A     "ez giengen ze disem hvse   die iwer degene
Verse: 2B     "ez giengen zv disem hvse   iwer degene
Verse: 2C     "ez chomen her zem hvse   die iwern degene

Verse: 3     gewafent wol ce elize   mit einer schar so breit
Verse: 3A     gewafent wol ze flize,   mit æiner schar so bræit.
Verse: 3B     gewafent wol ce vlize,   mit einer schar so breit.
Verse: 3C     ze vlize wol gewafent,   mit ir schar so breit.

Verse: 4     mich dunchet daz div maere   iv niht rehte sin geseit
Verse: 4A     mich dvnchet daz div mere   iv niht rehte sint geseit."
Verse: 4B     mich dunchet daz div mære   iv niht rehte sin geseit."
Verse: 4C     mich dvnchet wie iv div mære   niht ze rehte sin geseit."



Strophe: 2438   { |X2334 / Strophe of Ms. A: 2271   / Strophe of Ms. B: 2331   / Strophe of Ms. C: 2392   }


Verse: 1     waz sol ich gelovben maere   mir seitz hildebrant
Verse: 1A     "Waz sol ich mer geloͮben?   mir sagt Hildebrant,
Verse: 1B     "Waz sol ich gelovben mære?   mir seitz Hildebrant,
Verse: 1C     "Waz sol ich anders gelovben?   mir sagtez Hildebrant,

Verse: 2     do mine recken gerten   von amelvnge lant
Verse: 2A     do mine reken gerten   von Amelvnge lant,
Verse: 2B     do mine recken gerten   von Amelvnge lant
Verse: 2C     do mine rechen gerten   von Amelunge lant,

Verse: 3     daz ir in rvedgeren   gaebet vz dem sal
Verse: 3A     daz ir in Rvͤdegere   gebt vz dem sal,
Verse: 3B     daz ir in Rvͤdgeren   gæbet vz dem sal,
Verse: 3C     daz ir in Rvdegere   gæbet vz dem sal,

Verse: 4     do but ir niwan spotten   den chvenen helden her ce tal
Verse: 4A     do bvtet ir niwen spoten   den minen reken her zetal." \   { \ Page of Ms. C: 92b  C:_92b }
Verse: 4B     do but ir niwan spotten   den chvͤnen helden her ce tal."
Verse: 4C     do tat ir niwan spottens   die chvnen helde her zetal."



Strophe: 2439   { |X2335 / Strophe of Ms. A: 2272   / Strophe of Ms. B: 2332   / Strophe of Ms. C: 2393   }


Verse: 1     do sprach der kvenech von rine   si iahen wolden tragen
Verse: 1A     Do sprach der vogt von Rine:   "si iahen wolten tragen
Verse: 1B     Do sprach der kvͤnech von Rine:   "si iahen wolden tragen
Verse: 1C     Do sprach der kunec von Rine:   "si iahen wolden tragen

Verse: 2     rvedgeren hinnen   den hiez ich in versagen
Verse: 2A     Rvͤdeger von hinne.   den hiez ich <in> versagen
Verse: 2B     Rvͤdgeren hinnen.   den hiez ich in versagen
Verse: 2C     Rvͤdegeren hinnen.   den hiez ich in versagen

Verse: 3     eceln ce leide   vnd niht den dinen man
Verse: 3A     Ezeln ze læide   vñ niht den dinen man,
Verse: 3B     Eceln ce leide   vnd niht den dinen man,
Verse: 3C     Ezeln ze leide   vñ niht den dinen man,

Verse: 4     vnz daz do wolfhart   darvmbe shelten began
Verse: 4A     vntz daz do Wolfhart   darvmbe schelten began."
Verse: 4B     vnz daz do Wolfhart   dar vmbe shelten began."
Verse: 4C     vnze daz do Wolfhart   dar vmbe schelten began."



Strophe: 2440   { |X2336 / Strophe of Ms. A: 2273   / Strophe of Ms. B: 2333   / Strophe of Ms. C: 2394   }


Verse: 1     do sprach der helt von berne   ez mvst et also sin
Verse: 1A     Do sprach der helt von Berne:   "ez mvͦse et also sin.
Verse: 1B     D2o sprach der helt von Berne:   "ez mvst et also sin.
Verse: 1C     Do sprach der helt von Berne:   "ez mvͤse et also sin.

Verse: 2     gventher chvenech edele   dvrch di zvht din
Verse: 2A     Gvnther, chvnich edele,   dvrch die zvhte din
Verse: 2B     Gvͤnther, chvͤnech edele,   dvrch di zvht din
Verse: 2C     Gunther, kunec edele,   dvrch die zvhte din

Verse: 3     ergetzze mich der leide   di mir von dir sint geschehen
Verse: 3A     ergetze mich der laide,   di mir von dir sint geschehen,
Verse: 3B     ergetzze mich der leide,   di mir von dir sint geschehen,
Verse: 3C     so ergezzet mich der leide,   die mir sint getan,

Verse: 4     vnd svene iz ritter chvene   daz ich des chvenne dir geiehen
Verse: 4A     vñ svͤne ez, riter chvͤne,   daz ich dir des mege geiehen.
Verse: 4B     vnd svͤne iz, ritter chvͤne,   daz ich des chvͤnne dir geiehen.
Verse: 4C     vñ svnez, ritter chuͦne;   so wil ich gar die schulde lan.



Strophe: 2441   { |X2337 / Strophe of Ms. A: 2274   / Strophe of Ms. B: 2334   / Strophe of Ms. C: 2395   }


Verse: 1     ergip dich mir ce gisel   dv vnd ovch din man
Verse: 1A     Ergibe dich mir ze gisel,   dv vnd din man.
Verse: 1B     Ergip dich mir ce gisel,   dv vnd ovch din man.
Verse: 1C     Ergip dich mir ze gisel,   dv vñ o^ch din man.

Verse: 2     so wil ich behveten   so ih allerbeste chan
Verse: 2A     so wil ich behvͤten,   so ich aller beste chan,
Verse: 2B     so wil ich behvͤten,   so ih aller beste chan,
Verse: 2C     so wil ich ivch behvten,   so ich beste chan,

Verse: 3     daz dir cen hivnen   niemen niht en tvt
Verse: 3A     daz dir hie zen Hevnen   ieman iht en tvͦt.
Verse: 3B     daz dir cen Hivnen \   niemen niht en tvt.   { \ Page of Ms. B: 412b   A:_412b }
Verse: 3C     daz iv hie zen Hvnen   niemen niht entvͦt.

Verse: 4     dv ne solt an mir niht vinden   niwan triwen vnde gvt
Verse: 4A     dv solt an mir niht vinden   niwan triwe vñ allez gvͦt."
Verse: 4C     ir svlt an mir niht vinden   niwan triwe vñ gvͦt."



Strophe: 2442   { |X2338 / Strophe of Ms. A: 2275   / Strophe of Ms. B: 2335   / Strophe of Ms. C: 2396   }


Verse: 1     daz en welle got von himele   sprah do hagene
Verse: 1A     "Daz enwelle got von himel",   sprach do Hagne,
Verse: 1B     "Daz enwelle got von himele",   sprah do Hagene,
Verse: 1C     "N2vne welle got von himele",   sprach do Hagene,

Verse: 2     daz sich dir ergaeben   zwene degene
Verse: 2A     "daz sich dir ergeben   zwene degene,
Verse: 2B     "daz sich dir ergæben   zwene degene,
Verse: 2C     "daz sich dir ergeben   zwen degene,

Verse: 3     di noch werliche   gewaffent gegen dir stant
Verse: 3A     die noch so werlichen   gewafent gein dir stent,
Verse: 3B     di noch werliche   gewaffent gegen dir stant,
Verse: 3C     die dv so wærliche   sihest gewafent stan.

Verse: 4     vnd noch so ledechliche   vor ir vianden gant
Verse: 4A     vnd noch so ledichliche   vor ir vienden gent."
Verse: 4B     vnd noch so ledechliche   vor ir vianden gant."
Verse: 4C     daz hiez ein michel schande,   vñ wær o^ch vbele getan."



Strophe: 2443   { |X2339 / Strophe of Ms. A: 2276   / Strophe of Ms. B: 2336   / Strophe of Ms. C: 2397   }


Verse: 1     ir en svlt iz niht versprechen   so redete dieterich
Verse: 1A     "Ir svltez niht versprechen",   so redet her Dietrich.
Verse: 1B     "I2ren svlt iz niht versprechen",   so redete Dieterich.
Verse: 1C     "Irn svlt ez niht versprechen",   sprach aber Dietrich.

Verse: 2     gventher vnde hagene   ir habt beide mich
Verse: 2A     "Gvnther vnde Hagne,   ir beide hapt mich
Verse: 2B     "Gvͤnther vnde Hagene,   ir habt beide mich
Verse: 2C     Gunther vñ Hagene,   ia habt ir beide mich

Verse: 3     so ser beswaeret   daz herce vnd ovch den mvt
Verse: 3A     so sere beswart   daz herze vñ och den mvͦt,
Verse: 3B     so ser beswæret   daz herce vnd ovch den mvt,
Verse: 3C     so sere beswæret   min herce vñ o^ch den mvͦt,

Verse: 4     welt ir mich ergezzen   daz irz vil pilliche tvt
Verse: 4A     vñ welt ir michs ergetzen,   daz irz vil billichen tvͦt.
Verse: 4B     welt ir mich ergezzen,   daz irz vil pilliche tvt.
Verse: 4C     welt ir mich ergezzen,   daz irz vil pillichen tvͦt.



Strophe: 2444   { |X2340 / Strophe of Ms. A: 2277   / Strophe of Ms. B: 2337   / Strophe of Ms. C: 2398   }


Verse: 1     ich gibe iv mine triwe   vnd sicherliche hant
Verse: 1A     Ich gibe iv mine triwe   vñ sicherliche hant,
Verse: 1B     Ich gibe iv mine triwe   vnd sicherliche hant,
Verse: 1C     Ich gibs iv mine triwe   vñ gihtes iv min hant,

Verse: 2     daz ich mit iv rite   heim in iwer lant
Verse: 2A     daz ich mit iv wider   heim rite in iwer lant.
Verse: 2B     daz ich mir iv rite   heim in iwer lant.
Verse: 2C     daz ich mit iv rite   heim in iwer lant.

Verse: 3     ich leit ivch nach den eren   oder ich gelige tot
Verse: 3A     ich geleite ich nach den eren   oder ich gelige tot,
Verse: 3B     ich leit ivch nach den eren   oder ich gelige tot,
Verse: 3C     ich beleite iv nach den eren   oder ich gelige tot;

Verse: 4     vnd wil durch ivch vergezzen   der minen groezlichen not
Verse: 4A     vñ wil dvrch iv vergezzen   der minen grozlichen not."
Verse: 4B     vnd wil durch ivch vergezzen   der minen groͤzlichen not."
Verse: 4C     ich wil dvrch ivch verchiesen   der minen grozlichen not."



Strophe: 2445   { |X2341 / Strophe of Ms. A: 2278   / Strophe of Ms. B: 2338   / Strophe of Ms. C: 2399   }


Verse: 1     nv ne muotet sin niht mere   sprach aber hagene
Verse: 1A     "Nv enmvͦtet sin niht mere",   sprach aber Hagne.
Verse: 1B     "Nvne muͦtet sin niht mere",   sprach aber Hagene.
Verse: 1C     "Nvne gewæhent sin niht mere",   sprach aber Hagene.

Verse: 2     von vns zimet daz maere   niht wol ce sagene
Verse: 2A     "von vns enzimt daz mere   niht <wol> ze sagene,
Verse: 2B     "von vns zimt daz mære   niht wol ce sagene,
Verse: 2C     "von vns enzimt daz mære   niht ze sagene,

Verse: 3     daz sich iv ergaeben   zwene also chvene man
Verse: 3A     daz sich iv ergeben   zwen also chvͤne man.
Verse: 3B     daz sich iv ergæben   zwene also chvͤne man.
Verse: 3C     daz sich iwer ergæben   zwene also chvne man.

Verse: 4     nv siht man bi iv niemen   wan eine hildebranden stan
Verse: 4A     nv siht man bi iv nieman   wan eine Hildebranden stan."
Verse: 4B     nv siht man bi iv niemen   wan eine Hildebranden stan."
Verse: 4C     nv siht man niemen mære   bi iv wan Hildebrande stan."



Strophe: 2446   { |X2342 / Strophe of Ms. A: 2279   / Strophe of Ms. B: 2339   / Strophe of Ms. C: 2400   }


Verse: 1     do sprach meister hildebrant   got weiz her hagene
Verse: 1A     Do sprach maister Hildebra/nt:   "got weiz, her Hagne,
Verse: 1B     D2o sprach meister Hildebrant:   "got weiz, her Hagene,
Verse: 1C     Des antwrt Hildebrant:   "ivch mohte wol gezemen

Verse: 2     der iv den vride bivtet   mit iv ce tragene
Verse: 2A     der iv den vride bevtet   mit iv ze tragne,
Verse: 2B     der iv den vride bivtet   mit iv ce tragene,
Verse: 2C     den fride mines herren,   ob ir den rvchet nemen.

Verse: 3     ez chumt noch an di stunde   daz ir moehtet nemen
Verse: 3A     ez chvmt noch an die stvnde,   daz ir in moͤhtet nemen.
Verse: 3B     ez chumt noch an di stunde,   daz ir moͤhtet nemen
Verse: 3C     ez chvmt noch an die stunde   vil liht in churcer cit,

Verse: 4     di svne mines herren   moht ir iv lazen gezemen
Verse: 4A     die svͦne mines herren   meht ir iv lazen zemen."
Verse: 4B     di svne mines herren   moht ir iv lazen gezemen."
Verse: 4C     daz ir in gerne næmet   vñ in iv danne niemen git."



Strophe: 2447   { |X2343 / Strophe of Ms. A: 2280   / Strophe of Ms. B: 2340   / Strophe of Ms. C: 2401   }


Verse: 1     ia naeme ich di svne   sprach aber hagene
Verse: 1A     "Ia neme ich e die svͦne",   sprach aber Hagne,
Verse: 1B     "Ia næme ich di svne",   sprach aber Hagene,
Verse: 1C     "Ja neme ich ê die svͦne",   sprach do Hagene,

Verse: 2     e ich so lasterliche   vze einem gademe
Verse: 2A     "e ich so lesterliche   vz æinem <gadme>
Verse: 2B     "ê ich so lasterliche   vze einem gademe
Verse: 2C     "ê ih \ so lasterliche   von eime degene   { \ Page of ms. B: 87v   B:_87v }

Verse: 3     fluehe meister hildebrant   als ir hie habt getan
Verse: 3A     flvhe, maister Hildebrant,   als ir hie hapt getan.
Verse: 3B     floͮhte, meister Hildebrant,   als ir hie habt getan.
Verse: 3C     flvhe, meister Hildebrant,   als ir habt hie getan.

Verse: 4     ich waene daz ir chundet   baz gein vianden stan
Verse: 4A     ich want vf min triwe,   ir chvndet baz gein veinden stan."
Verse: 4B     ich wæne daz ir chundet   baz gein vianden stan."
Verse: 4C     ich wande dar ir kundet   baz gein viande stan."



Strophe: 2448   { |X2344 / Strophe of Ms. A: 2281   / Strophe of Ms. B: 2341   / Strophe of Ms. C: 2402   }


Verse: 1     des antwurte hildebrant   zwiv verwizet ir mir daz
Verse: 1A     Des antwurte Hildebrant:   "zweu verwizet ir mir daz?
Verse: 1B     Des antwrte Hildebrant:   "zwiv verwizet ir mir daz?
Verse: 1C     D2o sprach meister Hildebrant:   "zwiv verwizzet ir mir daz?

Verse: 2     nv wer was der vf einem schilde   vor dem waskensteine saz
Verse: 2A     nv wer was der vf einem shilte   vor dem Wasgensteine saz,
Verse: 2B     nv wer was der vf einem schilde   vor dem Waskensteine saz,
Verse: 2C     nv wer was der vf eime schilde   vor dem Waschenstein saz,

Verse: 3     do im von spanye walther   so uil der frivnde slvch
Verse: 3A     do im von Yspanie Walther   so vil der mage slvͦch?
Verse: 3B     do im von Spanye Walther   so uil der frivnde slvch?
Verse: 3C     do im von Span Walther   so vil der frivnde slvͦc?

Verse: 4     ovch habt ir noch ce zeigen   an iv selben genuch
Verse: 4A     och hapt ir noch ze zeigen   an iv selben genvͦch."
Verse: 4B     ovch habt ir noch ce zeigen   an iv selben genuch."
Verse: 4C     o^ch habt ir noch ze zeigen   an iv selben genvͦc."



Strophe: 2449   { |X2345 / Strophe of Ms. A: 2282   / Strophe of Ms. B: 2342   / Strophe of Ms. C: 2403   }


Verse: 1     do sprach der herre dieterich   ez en zimt niht helde lip
Verse: 1A     Do sprach der herre Dietrich:   "daz enzimt niht helde lip,
Verse: 1B     D2o sprach der herre Dieterich:   "ez enzimt niht helde lip,
Verse: 1C     Do sprach der fvrste Dietrich:   "wie zimt daz helede lip,

Verse: 2     daz si svln shelten   sam div alten wip
Verse: 2A     daz si svln schelten   sam div alten wip.
Verse: 2B     daz si svln shelten   sam div alten wip.
Verse: 2C     daz si svln schelten   sam div alten wip?

Verse: 3     ich verbivt iv hildebrant   daz ir niht sprechet mer
Verse: 3A     ich verbivte iv, maister Hildebrant,   daz ir iht sprechet mer.
Verse: 3B     ich verbivt iv, Hildebrant,   daz ir niht sprechet mer.
Verse: 3C     ich verbivt iv, Hildebrant,   daz ir iht sprechet mer.

Verse: 4     mich ellenden recken   twingent grozlichiv ser
Verse: 4A     mich ellenden rechen   twinget grozlichiv ser.
Verse: 4B     mich ellenden recken   twingent grozlichiv ser.
Verse: 4C     mich ellenden rechen   twingent grozlichiv ser.



Strophe: 2450   { |X2346 / Strophe of Ms. A: 2283   / Strophe of Ms. B: 2343   / Strophe of Ms. C: 2404   }


Verse: 1     lat horen sprach dieterich   recke hagene
Verse: 1A     Lat horen", sprach her Dietrich,   "reke Hagne,
Verse: 1B     Lat horen", sprach Dieterich,   "recke Hagene,
Verse: 1C     Lat hoͤren, frivnt Hagene",   sprach do Dietrich,

Verse: 2     waz ir beide spraechet   snellen degene
Verse: 2A     waz ir bæide sprachet,   vil snelle degene,
Verse: 2B     waz ir beide <spræchet> \   anellen degene,   { \ Page of Ms. C: 413a  C:_413a }
Verse: 2C     "waz ir ê redetet,   ir rechen lobelich,

Verse: 3     do ir mich gewafent   zv ziv sahet gan
Verse: 3A     do ir mich gewafent   zvͦ iv sahet gan.
Verse: 3B     do ir mich gewafent   zv ziv sahet gan.
Verse: 3C     do ir mih gewafent   zvͦ ziv sahet gan.

Verse: 4     ir iahet daz ir eine   mit strite woldet mich bestan
Verse: 4A     ir iahet daz ir eine   mit strite woldet mich bestan." \   { \ Page of ms. B: 93a   B:_93a }
Verse: 4B     ir iahet daz ir eine   mit strite woldet mich bestan."
Verse: 4C     ir iahet daz ir eine   mit strite woldet mich bestan."



Strophe: 2451   { |X2347 / Strophe of Ms. A: 2284   / Strophe of Ms. B: 2344   / Strophe of Ms. C: 2405   }


Verse: 1     ia ne lovgent iv des niemen   sprach hagen der degen
Verse: 1A     "Ia en livgent iv dez niemen",   sprach Hagen der degen,
Verse: 1B     "Iane lovgent iv des niemen",   sprach Hagen <der> degen,
Verse: 1C     "Iane lovgent iv des niemen",   sprach Hagene der degen,

Verse: 2     ine wellez hie versvchen   mit den starchen slegen
Verse: 2A     "ich enwellez hie versvͦchen   mit den starchen slegen,
Verse: 2B     "ine wellez hie versvchen   mit den starchen slegen,
Verse: 2C     "ine welle ez hie versvͦchen   mit stichen uñ mit slegen,

Verse: 3     ez en si daz mir cebreste   daz nibelunges swert
Verse: 3A     ez si daz mir zebreste   daz Nybelvnge swert.
Verse: 3B     ezen si daz mir cebreste   daz Nibelunges swert.
Verse: 3C     ez ensi daz mir zebreste   daz Nibelunges swert.

Verse: 4     mir ist zorn daz vnser beider   ist ce gisel hie gegert
Verse: 4A     mir ist zorn daz vnser beider   hie ze gisel ist gegert."
Verse: 4B     mir ist zorn daz vnser beider   ist ce gisel hie gegert."
Verse: 4C     mich mvͤt, daz mines herren   vñ min ze gisel ist gegert."



Strophe: 2452   { |X2348 / Strophe of Ms. A: 2285   / Strophe of Ms. B: 2345   / Strophe of Ms. C: 2406   }


Verse: 1     do dieterich gehorte   den grimmen hagenen mvt
Verse: 1A     Do Dietrich gehorte   den grimmen Hagen mvͦt,
Verse: 1B     D2o Dieterich gehorte   den grimmen Hagenen mvt,
Verse: 1C     D2o der reche erhorte   den grimmen Hagenen mvͦt,

Verse: 2     den schilt vil balde zvchte   der snelle degn gvt
Verse: 2A     den shilt vil balde zvchte   der snelle degen gvͦt.
Verse: 2B     den schilt vil balde zvchte   der snelle degn gvt.
Verse: 2C     den schilt vil balde zvchte   der snelle degen gvͦt.

Verse: 3     wi balde gein im hagene   von der stiege spranch
Verse: 3A     wie balde gein im Hagne   von der stiegen spranch!
Verse: 3B     wi balde gein im Hagene   von der stiege spranch!
Verse: 3C     wie balde gein im Hagene   von der stiegen spranch!

Verse: 4     niblvnges swert daz gvte   vil lvt vf dieteriche erchlanch
Verse: 4A     Nybelvnges swer daz gvͦte   vil lvte vf Dietrich erchlanch.
Verse: 4B     Nivlvnges swert daz gvte   vil lvt vf Dieteriche erchlanch.
Verse: 4C     Nibelunges swert daz gvͦte   vil lvͦt vf Dietriche erchlanch.



Strophe: 2453   { |X2349 / Strophe of Ms. A: 2286   / Strophe of Ms. B: 2346   / Strophe of Ms. C: 2407   }


Verse: 1     do wesse wol her dieterich   daz der chvene man
Verse: 1A     Do wesse wol her Dietrich,   daz der chvͤne man
Verse: 1B     Do wesse wol her Dieterich,   daz der chvͤne man
Verse: 1C     Do wesse wol her Dietrich,   daz der chune man

Verse: 2     vil grimmes mvtes waere   schermen im began
Verse: 2A     vil grimmes mvͦtes were.   shirmen im began
Verse: 2B     vil grimmes mvtes wære.   schermen im began
Verse: 2C     vil grimmes mvtes wære.   schermen im began

Verse: 3     der herre von berne   vor angestlichen slegen
Verse: 3A     der herre von Berne   vor angestlichen slegen.
Verse: 3B     der herre von Berne   vor <angeslichen> slegen.
Verse: 3C     der voget von Berne   vor angestlichen slegen.

Verse: 4     wol erchand er hagenen   den vil zierlichen degen
Verse: 4A     vil wol erchant er Hagen,   den vil zierlichen degen.
Verse: 4B     wol erchand er Hagenen   den vil zierlichen degen.
Verse: 4C     wol erchander Hagenen;   er was ein vz erwelter degen.



Strophe: 2454   { |X2350 / Strophe of Ms. A: 2287   / Strophe of Ms. B: 2347   / Strophe of Ms. C: 2408   }


Verse: 1     ovch vorht er balmungen   ein wafen starch genvch
Verse: 1A     oͮch vorht er Balmvnge,   ein wafen starch genvͦch.
Verse: 1B     Ovch vorht er Balmungen,   ein wafen starch genvch.
Verse: 1C     Ovch vorht er Balmungen,   ein wafen starch genvͦc.

Verse: 2     vnder wilen dietrich   mit listen widerslvch
Verse: 2A     vnder wilen Dietrich   mit listen wider slvͦch,
Verse: 2B     vnder wilen Dietrich   mit listen wider slvch,
Verse: 2C     vnder wilen Dietrich   mit listen wider slvͦc,

Verse: 3     vnz daz er hagenen   mit strite doch betwanch
Verse: 3A     vntz daz er Hagen   mit strite doch betwanch.
Verse: 3B     vnz daz er Hagenen   mit strite doch betwanch.
Verse: 3C     vnze daz er Hagenen   mit strite doch betwanch.

Verse: 4     er slvch im eine wunden   div was tief vnde lanch
Verse: 4A     er slvͦg im eine wunden,   div waz tief vñ lanch.
Verse: 4B     er slvch im eine wnden,   div was tief vnde lanch.
Verse: 4C     er slvͦg im eine wnden,   div was tief vñ lanch.



Strophe: 2455   { |X2351 / Strophe of Ms. A: 2288   / Strophe of Ms. B: 2348   / Strophe of Ms. C: 2409   }


Verse: 1     do daht der herre dietrich   dv bist in noeten erwigen
Verse: 1A     Do gedaht der herre Dietrich:   dv bist in not erwigen.
Verse: 1B     D2o daht der herre Dietrich:   dv bist in noͤten erwigen.
Verse: 1C     Do daht der herre Dietrich:   dv bist in not erwigen.

Verse: 2     ich hans lvecel ere   soltv tot vor mir geligen
Verse: 2A     ich hans lvtzel ere   solt dv tot vor mir geligen.
Verse: 2B     ich hans lvͤcel ere,   soltv tot vor mir geligen.
Verse: 2C     ih han es luzzil ere,   soltv nv tot geligen.

Verse: 3     ich wilz sus versvchen   ob ich ertwingen chan
Verse: 3A     ich wil ez sus <versvchen>,   ob ich ertwingen chan
Verse: 3B     ich wilz sus versvchen,   ob ich ertwingen chan
Verse: 3C     ich wil ez svs versvchen,   ob ich ertwingen chan

Verse: 4     dich mir ce einem gisel   daz wart mit sorgen getan
Verse: 4A     dich mir ze einem gisel;   daz wart mit sorgen getan.
Verse: 4B     dich <mir> ce einem gisel;   daz wart mit sorgen getan.
Verse: 4C     dich mir zeinem gisel;   daz wart mit sorgen getan.



Strophe: 2456   { |X2352 / Strophe of Ms. A: 2289   / Strophe of Ms. B: 2349   / Strophe of Ms. C: 2410   }


Verse: 1     den schilt den liez er vallen   sin sterche div was groz
Verse: 1A     Den schilt liez er vallen;   sin sterche div waz groz.
Verse: 1B     Den schilt den liez er vallen;   sin sterche div was groz.
Verse: 1C     Den schilt lie vallen Dietrich;   sin sterche div was groz.

Verse: 2     hagenen von tronege   mit armen er besloz
Verse: 2A     Hagen von Tronge   mit arm er besloz.
Verse: 2B     Hagenen von Tronege   mit armen er besloz.
Verse: 2C     mit beiden sinen armen   er Hagenen vmbesloz.

Verse: 3     des wart do betwungen   von im der chvene man
Verse: 3A     des wart do betwungen   von im der chvͤne man.
Verse: 3B     des wart do betwngen   von im der chvͤne man.
Verse: 3C     do wart von im betwngen   der vil chvͤne man.

Verse: 4     gventher der edele   darvmbe trvoren began
Verse: 4A     Gvnther der edel   darvmbe trovren began.
Verse: 4B     Gvͤnther der edele   dar vmbe trvͦren began.
Verse: 4C     Gunther der vil edele   dar vmbe trvrin began.



Strophe: 2457   { |X2353 / Strophe of Ms. A: 2290   / Strophe of Ms. B: 2350   / Strophe of Ms. C: 2411   }


Verse: 1     hagenen bant dieterich   vnd fvrt in da er vant
Verse: 1A     Hagne bant do Dietrich   vñ fvͦrt in da er vant
Verse: 1B     Hagenen bant Dieterich   vnd fvrt in da er vant
Verse: 1C     H2agenen bant do Dietrich   vñ fvrt in da er vant

Verse: 2     di edeln kveneginne   vnd gab ir bi der hant
Verse: 2A     die edel chvniginne,   vñ gab ir bi der hant
Verse: 2B     di edeln kvͤneginne,   vnd gab ir bi der hant
Verse: 2C     die edeln Chriemh',   vñ gab ir bi der hant

Verse: 3     den chvenesten recken   der ie swert getrvch
Verse: 3A     den chvͤnisten reken   der ie swert getrvͦch.
Verse: 3B     den chvͤnesten recken,   der ie swert getrvch.
Verse: 3C     den chvnisten rechen,   der ie swert getrvͦc.

Verse: 4     nach ir vil starchem leide   do wart si vroelich genvch
Verse: 4A     nach ir vil starchem læide   do wart si vroͤlich genvͦch.
Verse: 4B     nach ir vil starchem leide   do wart si vroͤlich genvch.
Verse: 4C     nach ir vil starchem leide   do wart ir liebe genvͦc.



Strophe: 2458   { |X2354 / Strophe of Ms. A: 2291   / Strophe of Ms. B: 2351   / Strophe of Ms. C: 2412   }


Verse: 1     vor liebe neich dem degene   daz eceln wip
Verse: 1A     Vor liebe naig dem degne   daz vil edel wip.
Verse: 1B     V2or liebe neich dem degene   daz Eceln wip.
Verse: 1C     Vor frevden neich dem rechen   daz Ezeln wip.

Verse: 2     immer si dir saelich   din herce vnd ovch der lip
Verse: 2A     "immer si dir selich   din herze vñ och din lip.
Verse: 2B     "immer si dir sælich   din herce vnd ovch der \ lip.   { \ Page of Ms. B: 413b   A:_413b }
Verse: 2C     "immer si dir sæli   din herce vñ o^ch din lip.

Verse: 3     dv hast mich wol ergezzet   aller miner not
Verse: 3A     dv hast mich wol ergetzet   aller miner not.
Verse: 3B     dv hast mich wol ergezzet   aller miner not.
Verse: 3C     dv hast mich wol ergezzet   nach aller miner not.

Verse: 4     daz sol ich immer dienen   mich en svme danne der tot
Verse: 4A     daz sol ich immer dienen,   mich ensvͦme der tot."
Verse: 4B     daz sol ich immer dienen,   mich ensuͤme danne der tot."
Verse: 4C     ich sol ez immer dienen,   mich enwendes der tot."



Strophe: 2459   { |X2355 / Strophe of Ms. A: 2292   / Strophe of Ms. B: 2352   / Strophe of Ms. C: 2413   }


Verse: 1     do sprach der herre dietrich   ir svlt in lan genesen
Verse: 1A     Do sprach der herre Dietrich:   "ir svlt in lan genesen,
Verse: 1B     Do sprach der herre Dietrich:   "ir svlt in lan genesen,
Verse: 1C     Do sprach der herre Dietrich:   "ir svlt in lan genesen,

Verse: 2     edliv chveneginne   vnd mach daz noch gewesen
Verse: 2A     edeliv chvniginne.   vnd mach daz noch gewesen,
Verse: 2B     edliv chvͤneginne.   vnd mach daz noch gewesen,
Verse: 2C     vil edeliv kvniginne.   ez mac oil wol noch wesen,

Verse: 3     wi wol er ivch ergezzet   daz er iv hat getan
Verse: 3A     wie wol er ivch ergetzet,   daz er iv hat getan.
Verse: 3B     wi wol er ivch ergezzet   daz er iv hat getan.
Verse: 3C     daz ivch sin dienst ergezzet   des er iv hat getan.

Verse: 4     ern sol des niht engelten   daz ir in seht gebvnden stan
Verse: 4A     er sol des niht engelten,   daz ir in gebvnden sehet stan."
Verse: 4B     ern sol des niht engelten,   daz ir in seht gebvnden stan."
Verse: 4C     er sol des niht engelten,   daz \ man in siht gebunden stan."   { \ Page of ms. B: 88r   B:_88r }



Strophe: 2460   { |X2356 / Strophe of Ms. A: 2293   / Strophe of Ms. B: 2353   / Strophe of Ms. C: 2414   }


Verse: 1     do hiez si hagenen fveren   an sin vngemach
Verse: 1A     Do hiez si Hagen fvͤren   an sinen vngemach,
Verse: 1B     Do hiez si Hagenen fvͤren   an sin vngemach,
Verse: 1C     Do hiez si fvren Hagenen   an sin vngemach,

Verse: 2     da er lach beslozen   vnt da niemen sach
Verse: 2A     da er lach beslozen   vñ da in niemen sach.
Verse: 2B     da er lach beslozen   vnt da <niemen> sach.
Verse: 2C     da er lac beslozzen   vñ da in niemen sach.

Verse: 3     gventher der kvenech edele   rveffen do began
Verse: 3A     Gvnther der chvnich edel   rvͤfen do began:
Verse: 3B     Gvͤnther der kvͤnech edele   rvͤffen do began:
Verse: 3C     Gunther der kunec edele   rvfen do began:

Verse: 4     war chom der helt von berne   der hat mir leide getan
Verse: 4A     "war chom der helt von Berne?   der hat mir leide getan."
Verse: 4B     "war chom der helt von Berne?   der hat mir leide getan."
Verse: 4C     "war chom der helt von Berne?   er hat mir leide getan."



Strophe: 2461   { |X2357 / Strophe of Ms. A: 2294   / Strophe of Ms. B: 2354   / Strophe of Ms. C: 2415   }


Verse: 1     do gie im hin engegene   der herre dietrich
Verse: 1A     D2o gie im hin engegene   der herre Dietrich.
Verse: 1B     D2o gie im hin engegene   der herre Dietrich.
Verse: 1C     D2o gie im hin begegene   der herre Dietrich.

Verse: 2     daz gventheres ellen   daz was vil loblich
Verse: 2A     Gvntheres ellen   daz vil lobelich.
Verse: 2B     daz Gvͤntheres ellen   daz was vil loblich.
Verse: 2C     daz Gunthers ellen   daz was so lobelich,

Verse: 3     do ne beit ovch er niht mere   er lief her fver den sal
Verse: 3A     do en bæit och er niht mere;   er lief her fvr den sal.
Verse: 3B     done beit ovch er niht mere;   er lief her fvͤr den sal.
Verse: 3C     ern beite do niht mere,   er lief her fvr den sal.

Verse: 4     von ir beider swerten   huop sich ein groezlicher shal
Verse: 4A     von ir beider swerten   hvͦb sich ein grozlicher schal.
Verse: 4B     von ir beider swerten   huͦp sich ein groͤzlicher shal.
Verse: 4C     von ir beider swerten   hvp sich ein vngefvger schal.



Strophe: 2462   { |X2358 / Strophe of Ms. A: 2295   / Strophe of Ms. B: 2355   / Strophe of Ms. C: 2416   }


Verse: 1     swi vil der herre dietrich   lange was gelobt
Verse: 1A     Swie vil der herre Dietrich   lange was gelobt
Verse: 1B     Swi vil der herre Dietrich   lange was gelobt,
Verse: 1C     Swie vil der herre Dietrich   lange was gelobt,

Verse: 2     gventher was so ser   erzvernet vnd ertobt
Verse: 2A     Gvnther waz so sere   erzvrnet vñ ertobt,
Verse: 2B     Gvͤnther was so sere   erzvͤrnet vnd ertobt,
Verse: 2C     Gunther was so sere   erzvrnet vñ ertobt,

Verse: 3     wand er nach starchem leide   sin herce vient was
Verse: 3A     wan er nach starchem leide   do sint veint was,
Verse: 3B     wand er nach starchem leide   sin hercevient was,
Verse: 3C     wander nach starchen leiden   sin herce vient was,

Verse: 4     man sagt ez noch ce wunder   daz do her dietrich genas
Verse: 4A     man sagt ez noch ze wunder,   daz do her Dietrich genaz.
Verse: 4B     man sagt ez noch ce wnder,   daz do her Dieterich genas.
Verse: 4C     man sagtez noch fvr wnder,   daz do Dietrich ie genas.



Strophe: 2463   { |X2359 / Strophe of Ms. A: 2296   / Strophe of Ms. B: 2356   / Strophe of Ms. C: 2417   }


Verse: 1     ir ellen vnd ir sterche   beider waren groz
Verse: 1A     Ir ellen vñ ir sterche   beide warn groz:
Verse: 1B     Ir ellen vnd ir sterche   beider waren groz.
Verse: 1C     Ir ellen vñ ir sterche   beide warn groz.

Verse: 2     palas vnd tvrne   von den slegen doz
Verse: 2A     palas vñ tvrne   von ir slegen doz, \   { \ Page of Ms. C: 93b  C:_93b }
Verse: 2B     palas vnd tvrne   von den slegen doz,
Verse: 2C     palas vñ tvrne   von den slegen doz,

Verse: 3     do si mit swerten hiwen   vf die helme gvt
Verse: 3A     do si mit den swerten hiwͦen   vf die helm gvͦt.
Verse: 3B     do si mit swerten hiwen   vf die helme gvt.
Verse: 3C     do si mit swerten hewen   vf die helme gvͦt.

Verse: 4     ez het der kvenech gventher   einen herlichen mvt
Verse: 4A     ez het der chvnich Gvnther   einen herlichen mvͦt.
Verse: 4B     ez het der kvͤnech Gvͤnther   einen herlichen mvt.
Verse: 4C     ez het der kunic Gunther   einen herlichen mvͦt.



Strophe: 2464   { |X2360 / Strophe of Ms. A: 2297   / Strophe of Ms. B: 2357   / Strophe of Ms. C: 2418   }


Verse: 1     sit twang in der von berne   sam hagenen e geschach
Verse: 1A     Sit twanch in der von Berne   als Hagene gcschach.
Verse: 1B     S2it twang in der von Berne   sam Hagenen ê geschach.
Verse: 1C     Sit twange in der von Berne   sam Hagenen ê geschach.

Verse: 2     daz plvot man dvrch di ringe   dem helde vliezen sach
Verse: 2A     daz blvͦt man dvrch die ringe   dem helde fliezen sach
Verse: 2B     daz plvͦt man dvrch di ringe   dem helde vliezen sach
Verse: 2C     daz blvͦt man durch die ringe   dem helde vliezen sach

Verse: 3     von einem sharpfen swerte   daz trvch dietrich
Verse: 3A     von æinem starchem swerte,   daz trvͦg her Dietrich.
Verse: 3B     von einem sharpfen swerte,   daz trvch Dietrich.
Verse: 3C     von eime scharpfen swerte,   daz trvͦc her Dietrich.

Verse: 4     do het gewert her gventher   nach mvede lobeliche sich
Verse: 4A     do het gewert her Gvnther   nach mvede loblichen sich.
Verse: 4B     do het gewert her Gvͤnther   nach mvͤde lobeliche sich.
Verse: 4C     doch het gewert Gunther   nach mvde lobeliche sich.



Strophe: 2465   { |X2361 / Strophe of Ms. A: 2298   / Strophe of Ms. B: 2358   / Strophe of Ms. C: 2419   }


Verse: 1     der herre wart gebvnden   von dietriches hant
Verse: 1A     Der herre wart gebvnden   von Dietriches hant,
Verse: 1B     Der herre wart gebvnden   von Dietriches hant,
Verse: 1C     Der herre wart gebunden   von Dietriches hant,

Verse: 2     swi chvenege nine solden   liden solhiv bant
Verse: 2A     swie chvnige niene solten   læiden solhiv bant.
Verse: 2B     swi chvͤnege nine solden   liden solhiv bant.
Verse: 2C     swie kunige niene solden   liden solhiv bant.

Verse: 3     er daht ob er si lieze   den kvenech vnde sinen man
Verse: 3A     er daht ob er si lieze,   den chvnich vñ sinen man,
Verse: 3B     er daht ob er si lieze,   den kvͤnech vnde sinen man,
Verse: 3C     er daht ob er lieze   vngebunden wesen,

Verse: 4     alle di si fvenden   di mvesen tot von in bestan
Verse: 4A     alle die si fvnden,   die mvͦsen tot vor im bestan.
Verse: 4B     alle di si fvͤnden,   di mvͤsen tot von in bestan.
Verse: 4C     daz si zwene inme lande   niemen liezen genesen.



Strophe: 2466   { |X2362 / Strophe of Ms. A: 2299   / Strophe of Ms. B: 2359   / Strophe of Ms. C: 2420   }


Verse: 1     dieterich von berne   der nam in bi der hant
Verse: 1A     Dietrich von Berne   der nam in bi der hant.
Verse: 1B     Dieterich von Berne   der nam in bi der hant.
Verse: 1C     D2er vogt von Berne   der nam in bi der hant.

Verse: 2     do fvrt er in gebunden   da er criemhilde vant
Verse: 2A     do fvͦrt er in gebvnden   da er Chriemhilde vant.
Verse: 2B     do fvrt er in gebunden   da er Criemhilde vant.
Verse: 2C     do brahter in gebunden   da er Chriemh' vant.

Verse: 3     do was mit sinem leide   ir sorgen vil erwant
Verse: 3A     si sprach: "willechomen Gvnther,   ein helt vz Bvrgonde lant."
Verse: 3B     do was mit sinem leide   ir sorgen \ vil erwant.   { \ Page of Ms. B: 414a   A:_414a }
Verse: 3C     do was mit sime leide   ir sorge ein teil benomen.

Verse: 4     si sprach willechom gventher   vzer bvrgonden lant
Verse: 4A     "nv lone iv got, Chriemhilt,   ob mich iwer triwe des ermant."
Verse: 4B     si sprach: "<willechom> Gvͤnther   vzer Bvrgonden lant."
Verse: 4C     si sprach: "chunic Gunther,   sit mir groze willechomen."



Strophe: 2467   { |X2363 / Strophe of Ms. A: 2300   / Strophe of Ms. B: 2360   / Strophe of Ms. C: 2421   }


Verse: 1     er sprach ich sol iv nigen   vil liebiv swester min
Verse: 1A     Er sprach: "ich solde iv nigen,   vil liebiv swester min,
Verse: 1B     E2r sprach: "ich sol iv nigen,   vil liebiv swester min,
Verse: 1C     Er sprach: "ich soltv nigen,   vil edel swester min,

Verse: 2     ob iwer grvezen moehte   genaedechlicher sin
Verse: 2A     ob iwer grvͤzen   genedichlicher mehte sin.
Verse: 2B     ob iwer grvͤzen moͤhte   genædechlicher sin.
Verse: 2C     ob iwer grvͤzen moͤhte   genêdichlicher sin.

Verse: 3     ich weiz ivch kveneginne   so zornech gemvt
Verse: 3A     ich weiz ivch, chvniginne,   so zornich gemvͦt,
Verse: 3B     ich weiz ivch, kvͤneginne,   so zornech gemvt,
Verse: 3C     ich weiz ivch, kvniginne,   so zornic gemvͦt,

Verse: 4     daz ir mich vnde hagenen   vil swache grvezen getvt
Verse: 4A     daz ir mich vnde Hagen   vil swachez grvͤzen getvͦt."
Verse: 4B     daz ir mich vnde Hagenen   vil swache grvͤzen getvt."
Verse: 4C     daz ir mir vñ Hagenen   vil swachez grvzen getvͦt."



Strophe: 2468   { |X2364 / Strophe of Ms. A: 2301   / Strophe of Ms. B: 2361   / Strophe of Ms. C: 2422   }


Verse: 1     do sprach der helt von berne   vil edeles chveneges wip
Verse: 1A     Do sprach der helt von Berne:   "vil edels chvniges wip,
Verse: 1B     Do sprach der helt von Berne:   "vil edeles chvͤneges wip,
Verse: 1C     Do sprach der helt von Berne:   "vil edel kuniges wip,

Verse: 2     ez en wart gisel mere   so guter ritter lip
Verse: 2A     ez enwart nie gisel mere   so gvͦter riter lip,
Verse: 2B     ezen wart gisel mere   so guter ritter lip,
Verse: 2C     ez enwart nie gisel mere   so gvͦter ritter lip,

Verse: 3     als ich vrowe here   iv an in gegebn han
Verse: 3A     als ich iv, vrowe here,   an in gegeben han.
Verse: 3B     als ich, vrowe here,   iv an in gegebn han.
Verse: 3C     als ich iv, frowe here,   an in gegeben han.

Verse: 4     nv svlt ir di ellenden   min vil wol geniezen lan
Verse: 4A     nv svlt ir die ellenden   min vil wol geniezzen lan."
Verse: 4B     nv svlt ir di ellenden   min vil wol geniezen lan."
Verse: 4C     nv svlt ir die ellenden   min vil wol geniezen lan."



Strophe: 2469   { |X2365 / Strophe of Ms. A: 2302   / Strophe of Ms. B: 2362   / Strophe of Ms. C: 2423   }


Verse: 1     si iach si taet iz gerne   do gi her dieterich
Verse: 1A     Si iach si tet ez gerne.   do gie her Dietrich
Verse: 1B     Si iach si tæt iz gerne.   do gi her Dieterich
Verse: 1C     Si iach si tæt iz gerne.   do gie der chune man

Verse: 2     mit weinenden ovgen   von den helden lobelich
Verse: 2A     mit wainenden ovgen   von den helden loblich.
Verse: 2B     mit weinenden ovgen   von den helden lobelich.
Verse: 2C     mit weinenden ovgen   voii in balde dan.

Verse: 3     sit rach sich grimmechlichen   daz eceln wip
Verse: 3A     sit rach sich grimmichliche   daz Ezeln wip.
Verse: 3B     sit rach sich grimmechlichen   daz Eceln wip.
Verse: 3C     si rach sich gremliche,   daz Ezeln wip.

Verse: 4     den vzerwelten degenen   nam si beiden den lip
Verse: 4A     den vz erwelten degnen   nam si beiden den lip.
Verse: 4B     den vz erwelten degenen   nam si beiden den lip.
Verse: 4C     den vz erwelten degenen   nam si beiden den lip.



Strophe: 2470   { |X2366 / Strophe of Ms. A: 2303   / Strophe of Ms. B: 2363   / Strophe of Ms. C: 2424   }


Verse: 1     sie lie si ligen besvnder   dvrch ir vngemach
Verse: 1A     Si lie si svnder ligen   dvrch ir vngemach,
Verse: 1B     S2i lie si ligen besvnder   dvrch ir vngemach,
Verse: 1C     Si lie si ligen svnder   dvrch ir vngemach,

Verse: 2     daz ir sit deweder   den andern ni gesach
Verse: 2A     daz ir seit deweder   den andern nie gesach,
Verse: 2B     daz ir sit deweder   den andern ni gesach,
Verse: 2C     daz ir sit dewedere   den andern níe gesach.

Verse: 3     vnz si ir brvder hovbet   hin fver hagenen trvch
Verse: 3A     vntz si ir brvͦder hovbet   hin fvͦr Hagen trvͦk.
Verse: 3B     vnz si ir brvder hovbet   hin fvͤr Hagenen trvch.
Verse: 3C     swie ez verlobt hete   daz vil edele wip,

Verse: 4     der criemhilde rache   wart an in beiden genvch
Verse: 4A     der Chriemhilten rache   wart an in beiden genvͦch.
Verse: 4B     der Criemhilde rache   wart an in beiden genvch.
Verse: 4C     si daht: ich geriche hivte   mins vil lieben mannes lip.



Strophe: 2471   { |X2367 / Strophe of Ms. A: 2304   / Strophe of Ms. B: 2364   / Strophe of Ms. C: 2425   }


Verse: 1     do gie div chvneginne   da si hagenen sach
Verse: 1A     Do gie <div> chvniginne   daz si Hagen sach.
Verse: 1B     Do gie div chvneginne   da si Hagenen sach.
Verse: 1C     Do gie div kuniginne   da si Hagenen sach.

Verse: 2     wi rehte fientliche   si zv dem helde sprach
Verse: 2A     wie rehte veintliche   si zvͦ dem reken sprach:
Verse: 2B     wi rehte fientliche   si zv dem helde sprach:
Verse: 2C     wie reht erbolgenliche   si zvͦ dem rechen sprach:

Verse: 3     welt ir mir geben wider   daz ir mir habt genomen
Verse: 3A     "welt ir mir geben widere   daz ir mir hapt genomen,
Verse: 3B     "welt ir mir geben wider   daz ir mir habt genomen,
Verse: 3C     "welt ir mir geben widere   daz ir mir habt genomen,

Verse: 4     so mvget ir wol lebende   heim cen bvrgonden chomen
Verse: 4A     so moͤgt ir noch wol lebende   heim zvͦ den Bvrgonden chomen."
Verse: 4B     so mvget ir wol lebende   heim cen Bvrgonden chomen."
Verse: 4C     so mvget ir mit dem lebene   wider zen Burgonden chomen."



Strophe: 2472   { |X2368 / Strophe of Ms. A: 2305   / Strophe of Ms. B: 2365   / Strophe of Ms. C: 2426   }


Verse: 1     do sprach der grimme hagene   div rede ist gar verlorn
Verse: 1A     Do sprach der grimme Hagne:   "div bete ist gar verlorn,
Verse: 1B     Do sprach der grimme Hagene:   "div rede ist gar verlorn,
Verse: 1C     D2o sprach der grimme Hageñ : \   "div rede ist gar verlorn,   { \ Page of ms. B: 88v   B:_88v }

Verse: 2     vil edliv chveneginne   ia han ich des gesworn
Verse: 2A     vil edeliv chvniginne.   ia han ich des gesworn,
Verse: 2B     vil edliv chvͤneginne.   ia han ich des gesworn,
Verse: 2C     vil edeliv kvniginne.   ia han ich des gesworn,

Verse: 3     daz ich den hort iht zeige   di wile daz si leben
Verse: 3A     daz ich den hort iht zeige   die wile daz si leben,
Verse: 3B     daz ich den hort iht zeige   di wile daz si leben,
Verse: 3C     daz ich den hort iht zeige,   die wile deheiner lebe

Verse: 4     deheiner miner herren so   sol ich in niemene geben
Verse: 4A     dehainer miner herren,   so enwirt er nieman gegeben."
Verse: 4B     deheiner miner herren,   so sol ich in niemene geben."
Verse: 4C     der minen edelen herren,   vñ in niemanne gebe."



Strophe: 2473   { Strophe of Ms. C: 2427   }


Verse: 1C     Er wiste wol div mære,   sine liezen in niht genesen.

Verse: 2C     wie mohte ein vntriwe   immer stercher wesen?

Verse: 3C     er vorhte, so si hete   im sinen lip genomen,

Verse: 4C     daz si danne ir brvͦder   lieze heim ze lande chomen.



Strophe: 2474   { |X2369 / Strophe of Ms. A: 2306   / Strophe of Ms. B: 2366   / Strophe of Ms. C: 2428   }


Verse: 1     ich bringez an ein ende   so sprah daz edel wip
Verse: 1A     "Ich bringez an ein ende",   so sprach daz edel wip.
Verse: 1B     "I2ch bringez an ein ende",   so sprah daz edel wip.
Verse: 1C     Ich bringez an ein ende,   gedaht daz edel wip.

Verse: 2     do hiez si ir bruder nemen   sinen vil shonen lip
Verse: 2A     do hiez si ir brvͦder   nemen da den lip.
Verse: 2B     do hiez si ir bruder nemen   sinen vil shonen <lip>.
Verse: 2C     do hiez si ir brvͦder   nemen den lip.

Verse: 3     slvch im ab daz hovbet   bi dem hare si ez trvch
Verse: 3A     man slvͦg im ab daz hovbet;   bi hare si ez trvͦck
Verse: 3B     slvch im ab daz hovbet;   bi dem hare si ez trvch
Verse: 3C     man slvͦg im abe daz hovbet;   bi hare si ez trvͦc

Verse: 4     fver den helt von tronege   do wart im leide genvch
Verse: 4A     fvr den helt von Tronge.   do wart im leide genvͦk.
Verse: 4B     fvͤr den helt von Tronege.   do wart im leide genvch.
Verse: 4C     fvr den helt von Tronege.   do warde im leide genvͦc.



Strophe: 2475   { |X2370 / Strophe of Ms. A: 2307   / Strophe of Ms. B: 2367   / Strophe of Ms. C: 2429   }


Verse: 1     also der vngemvote   sines herren hovbet sach
Verse: 1A     A2lso der vngemvͦte   sines herren hovbet sach,
Verse: 1B     Also der vngemvͦte   sines herren hovbet sah,
Verse: 1C     Also der vngemvͦte   sins herren hovbet sach,

Verse: 2     wider criemhilde   do der recke sprach
Verse: 2A     wider Chriemhilde   do der reke sprach:
Verse: 2B     wider Criemhilde   do der recke sprach:
Verse: 2C     wider Chriemh'   do der reche sprach:

Verse: 3     dv hast iz nach dinem willen   vil gar zeinem ende braht
Verse: 3A     "dv hast ez nach dinem willen   ze einem ende braht,
Verse: 3B     "dv hast iz nach dinem willen   vil gar zeinem ende braht,
Verse: 3C     "dv hast ez zeime ende   nach dime willen braht,

Verse: 4     vnd ist ovch iv ergangen   als ich mir het gedaht
Verse: 4A     vñ ist och reht ergangen   als ich mir het gedaht.
Verse: 4B     vnd ist ovch iv ergangen   als ich mir het gedaht. \   { \ Page of Ms. C: 414b  C:_414b }
Verse: 4C     vñ ist o^ch rehte ergangen   als ich mir hete gedaht.



Strophe: 2476   { |X2371 / Strophe of Ms. A: 2308   / Strophe of Ms. B: 2368   / Strophe of Ms. C: 2430   }


Verse: 1     nv ist von bvrgonden   der edel kvenech tot
Verse: 1A     Nv ist von Bvrgonde   der edel chvnich tot,
Verse: 1B     Nv ist von Bvrgonden   der edel kvͤnech tot,
Verse: 1C     Nv ist von Bvrgonden   der edel kunec tot,

Verse: 2     giselher der ivnge   vnde ovch her gernot
Verse: 2A     Giselher der ivnge   vñ och Gernot.
Verse: 2B     Giselher der ivnge   vnde ovch her Gernot.
Verse: 2C     Giselher vñ Volker,   Danchwart vñ Gernot.

Verse: 3     den shaz den weiz nv niemen   wan got ane min
Verse: 3A     den shatz waz nv nieman   wan got vñ min.
Verse: 3B     den shaz den weiz nv niemen   wan got ane min.
Verse: 3C     den hort den weiz nv niemen   wan got vñ min.

Verse: 4     der sol dich valendinne   immer verborgen sin
Verse: 4A     der sol dich, valentinne,   immer gar verholn sin." \   { \ Page of ms. B: 94a   B:_94a }
Verse: 4B     der sol dich, valendinne,   immer verborgen sin."
Verse: 4C     der sol dich, vælændinne,   immer wol verholn sin."



Strophe: 2477   { |X2372 / Strophe of Ms. A: 2309   / Strophe of Ms. B: 2369   / Strophe of Ms. C: 2431   }


Verse: 1     si sprach so habt ir vebele geltes mich   gewert
Verse: 1A     Si sprach: "so habt ir vbel   geltes mich gewert.
Verse: 1B     S2i sprach: "so habt ir vͤbele   geltes mich gewert.
Verse: 1C     S2i sprach: "so habt ir vbele   geltes mich gewert.

Verse: 2     so wil ich doch behalten   daz sifrides swert
Verse: 2A     so wil ich doch behalten   daz Sifrides swert.
Verse: 2B     so wil ich doch behalten   daz Sifrides swert.
Verse: 2C     so wil doch ich behalten   daz Sivrides swert.

Verse: 3     daz truch min holder vriedel   do ich in ivngest sach
Verse: 3A     daz trvͦg min holder friedel,   do ich in ivngist sach,
Verse: 3B     daz truch min holder vriedel,   do ich in ivngest sach,
Verse: 3C     daz trvͦc min holder vriedel,   do ir im namet den lip

Verse: 4     an dem mir herceleide   von iwern shvlden geschach
Verse: 4A     an dem mir herzen leide   vor allem leide geschach."
Verse: 4B     an dem mir herceleide   von iwern shvlden geschach."
Verse: 4C     mortlich mit vntriwen",   sprach do daz iamerhafte wip.



Strophe: 2478   { |X2373 / Strophe of Ms. A: 2310   / Strophe of Ms. B: 2370   / Strophe of Ms. C: 2432   }


Verse: 1     si zoh iz von der scheiden   daz chvnd er niht erwern
Verse: 1A     Si zoch ez von der scheide;   daz chvnde et niht erwern.
Verse: 1B     Si zoh iz von der scheiden;   daz chvnd er niht erwern.
Verse: 1C     Si zoch ez von der scheiden;   daz enchunder niht gewern.

Verse: 2     do daht si den recken   des libes wol behern
Verse: 2A     do dahte si den rechen   des lebens behern.
Verse: 2B     do daht si den recken   des libes wol behern.
Verse: 2C     do dahte si den rechen   des libes vol behern.

Verse: 3     si hvb im vf daz hovbt   mit dem swerte siz ab slvch
Verse: 3A     si hvͦb ez mit ir handen;   daz hovpt si im abe slvͦch.
Verse: 3B     si hvb im vf daz hovbt;   mit dem swerte siz ab slvch.
Verse: 3C     si hvbez mit ir handen;   daz hovpt si im abe slvͦc.

Verse: 4     daz sach der kvenech ecel   do was im leide genvch
Verse: 4A     daz sach der kvnich Ezel;   do waz im leide genvͦck.
Verse: 4B     daz sach der kvͤnech Ecel;   do was im leide genvch.
Verse: 4C     daz sach der kunic Ezele;   do was im leide genvͦc.



Strophe: 2479   { |X2374 / Strophe of Ms. A: 2311   / Strophe of Ms. B: 2371   / Strophe of Ms. C: 2433   }


Verse: 1     waffen sprach der fverste   wi ist nv tot gelegen
Verse: 1A     "Waffen", sprach der fvrste,   "wie ist nv tot gelegen
Verse: 1B     "Waffen" sprach der fvͤrste.   "wi ist nv tot gelegen
Verse: 1C     "Wafen", sprach der furste,   "wie ist nv tot gelegen

Verse: 2     von eines wibes handen   der allerbeste degen
Verse: 2A     von eines wibes handen   der aller beste degen,
Verse: 2B     von eines wibes handen   der aller beste degen,
Verse: 2C     von eines wibes handen   der aller beste degen,

Verse: 3     der ie chom ce stvrme   oder ie schilt getrvch
Verse: 3A     der ie chom ze stvrme   oder ie schilt getrvͦch!
Verse: 3B     der ie chom ce stvrme   oder ie schilt getrvch!
Verse: 3C     der ie chom ze stvrmen   oder ie schilt getrvͦc!

Verse: 4     swi vient ich im waere   ez ist mir leide genvch
Verse: 4A     swie veint aber ich im were,   ez ist mir leide genvͦk."
Verse: 4B     swi vient ich im wære,   ez ist mir leide genvch."
Verse: 4C     swie vient ich im wære,   ez ist mir leide genvͦc."



Strophe: 2480   { |X2375 / Strophe of Ms. A: 2312   / Strophe of Ms. B: 2372   / Strophe of Ms. C: 2434   }


Verse: 1     do sprach der alte hildebrant   ia genivzet si des niht
Verse: 1A     Do sprach der alte Hildebrant:   "ia genivzet siz niht,
Verse: 1B     D2o sprach der alte Hildebrant:   "ia genivzet si des niht,
Verse: 1C     Do sprach meister Hildebrant:   "iane genivzet si es niht,

Verse: 2     daz si in slahen torste   swaz mir davon gesrhit
Verse: 2A     daz si in slahen toͤrste,   swaz halt mir geschiht.
Verse: 2B     daz si in slahen torste,   swaz mir da von <geschit>.
Verse: 2C     daz si in slahen torste,   swaz halt mir geschiht.

Verse: 3     swi er mich selbe braehte   in angestliche not
Verse: 3A     swie er mich selhen braht   in angestliche not,
Verse: 3B     swi er mich selbe bræhte   in angestliche not,
Verse: 3C     swie er mich selben bræhte   in angestliche not,

Verse: 4     idoh so wil ich recken   des chvenen tronegaeres tot
Verse: 4A     iedoch so wil ich rehen   des chvͤnen Trongers tot."
Verse: 4B     idoh so wil ich recken   des chvͤnen Tronegæres tot."
Verse: 4C     idoch so wil ich rechen   des vil chvnen rechen tot."



Strophe: 2481   { |X2376 / Strophe of Ms. A: 2313   / Strophe of Ms. B: 2373   / Strophe of Ms. C: 2435   }


Verse: 1     hildebrant mit zorne   zv creimhilde spranch
Verse: 1A     Hildebrant der alte   ze Chriemhilde spranch.
Verse: 1B     Hildebrant mit zorne   zv Criemhilde spranch.
Verse: 1C     H2ildebrant mit zorne   zvͦ Chriemh' spranch.

Verse: 2     er slvch der chveneginne   einen swaeren swert swanch
Verse: 2A     er slvͦg der chvniginne   eines swertes swanch.
Verse: 2B     er slvch der chvͤneginne   einen swæren <swert> swanch.
Verse: 2C     er slvͦc der chuniginne   einen grimmen swanch.

Verse: 3     ia tet ir div sorge   von hildebrande we
Verse: 3A     ia tet ir div sorge   von Hildebrande we.
Verse: 3B     ia tet ir div sorge   von Hildebrande we.
Verse: 3C     ia tet ir div sorge   von dem degene we.

Verse: 4     waz mohte si gehelffen   daz si groezlichen shre
Verse: 4A     waz maht si gehelfen   daz si vil grozlichen schrei?
Verse: 4B     waz mohte si gehelffen,   daz si groͤzlichen shre?
Verse: 4C     si mohte lvzzil helfen,   daz si so angestlichen scre.



Strophe: 2482   { |X2377 / Strophe of Ms. A: 2314   / Strophe of Ms. B: 2374   / Strophe of Ms. C: 2436   }


Verse: 1     do was gelenget aller   da der veigen lip
Verse: 1A     Do waz gelegen vber al   da der vaigen lip.
Verse: 1B     Do was gelenget aller   da der veigen lip.
Verse: 1C     Do was gelegen aller   da der veigen lip.

Verse: 2     ze stvcken was gehowen   do daz edele wip
Verse: 2A     ze stvckhen waz gehowen   do daz edel wip.
Verse: 2B     ze stvcken was gehowen   do daz edele wip.
Verse: 2C     ze stvchen lac verhowen   do daz edel wip.

Verse: 3     dieterich vnd ecel   weinen do began
Verse: 3A     Dietrich vñ Ezel   wainen do began;
Verse: 3B     Dieterich vnd Ecel   weinen do began;
Verse: 3C     Ezel vñ Dietrich   weinen do began;

Verse: 4     si chlagten innechliche   beide mage vnd man
Verse: 4A     si chlagten innechliche   beidev mage vñ man.
Verse: 4B     si chlagten innechliche   beide mage vnd man.
Verse: 4C     si chlageten iæmerliche   alle ir mage vñ man.



Strophe: 2483   { |X2378 / Strophe of Ms. A: 2315   / Strophe of Ms. B: 2375   / Strophe of Ms. C: 2437   }


Verse: 1     div vil michel ere   was gelegen tot
Verse: 1A     Div vil michel ere   waz da gelegen tot.
Verse: 1B     D2iv vil michel ere   was gelegen tot.
Verse: 1C     Div vil michel ere   was da gelegen tot.

Verse: 2     di livte heten alle   iamer vnde not
Verse: 2A     die livte heten alle   iamer vnd not.
Verse: 2B     di livte heten alle   iamer vnde not.
Verse: 2C     die lvte heten alle   iamer vñ not.

Verse: 3     mit leide was verendet   des kvenges hohgezit
Verse: 3A     mit leide waz verendet   des kvniges hohzit,
Verse: 3B     mit leide was verendet   des kvͤneges hohgezit,
Verse: 3C     mit leide was verendet   des kuniges hochgecit,

Verse: 4     als ie div liebe leide   zaller ivngeste git
Verse: 4A     als ie div liebe leide   ze aller ivngiste git.
Verse: 4B     als ie div liebe leide   zaller ivngeste git.
Verse: 4C     als ie div liebe leide   an dem ende gerne git.



Strophe: 2484   { |X2379 / Strophe of Ms. A: 2316   / Strophe of Ms. B: 2376   / Strophe of Ms. C: 2438   }


Verse: 1     ine chan iv niht bescheiden   waz sider da geschach
Verse: 1A     Ich enchan iv niht bescheiden   was sider da geschach,
Verse: 1B     Ine chan iv niht bescheiden   waz \ sider da geschach,   { \ Page of Ms. B: 415a   A:_415a }
Verse: 1C     Ine chan ivch niht bescheiden   waz sider da geshach,

Verse: 2     wan ritter vnd vrowen   weinen man da sach
Verse: 2A     wan riter vñ vroͮwen   wainen man da sach,
Verse: 2B     wan ritter vnd vrowen   weinen man da sach,
Verse: 2C     wan christen vñ heiden   weinen man do sach,

Verse: 3     darzv di edeln knehte   ir lieben frivnde tot
Verse: 3A     darzvͦ die edeln chnehte,   ir lieben frivnde tot.
Verse: 3B     dar zv di edeln knehte,   ir lieben frivnde tot.
Verse: 3C     wibe vñ knehte   vñ manige schone meit.
Verse: 4C     die heten nach ir frivnden   div \ aller grozisten leit.   { \ Page of ms. B: 89r   B:_89r }



Strophe: 2485   { Strophe of Ms. C: 2439   }

Cod. Donauesch. (C)


Verse: 1C     Ine sage iv nv niht mere   von der grozen not -

Verse: 2C     die da erslagen waren,   die lazen ligen tot -

Verse: 3C     wie ir dinch an geviengen   sit der Hvnen diet.

Verse: 4     da hat daz maere ein ende   diz ist der nibelunge not
Verse: 4A     hie har daz mer ein ende:   ditze ist der Nybelvnge not.
Verse: 4B     da hat daz mære ein ende:   diz ist der Nibelvnge <not>.
Verse: 4C     hie hat daz mære ein ende:   daz ist der Nibelunge liet.



This text is part of the TITUS edition of Der Nibelunge Not.

Copyright TITUS Project, Frankfurt a/M, 6.5.2019. No parts of this document may be republished in any form without prior permission by the copyright holder.