TITUS
Wolfram von Eschenbach, Parzival
Part No. 41
Previous part

Chapter: 41 
41


Verse: 1    gereht ze beiden sîten,
Verse: 2    
küene man solde strîten,

Verse: 3    
verhalden unde dræte.
Verse: 4    
waz er dar ûfe tæte?

Verse: 5    
des muoz ich im vür ellen jehen:
Verse: 6    
er reit in môren mohten sehen,

Verse: 7    
aldâ die lâgen mit ir her,
Verse: 8    
westerhalp dort an dem mer.

Verse: 9    
ein vürste Razalîc hiez.
Verse: 10    
deheinen tac daz nimmer liez

Verse: 11    
der rîcheste von Azagouc
Verse: 12    
(sîn geslehte im des niht louc,

Verse: 13    
von küneges vrühte was sîn art),
Verse: 14    
der huop sich immer dannewart

Verse: 15    
durch tjostieren gein der stat.
Verse: 16    
aldâ tet sîner krefte mat

Verse: 17    
der helt von Anschouwe.
Verse: 18    
daz klagete ein swarziu vrouwe,

Verse: 19    
diu in hete dar gesant,
Verse: 20    
daz in iemen überwant.

Verse: 21    
ein knappe bôt al sunder bete
Verse: 22    
sînem herren Gahmurete

Verse: 23    
ein sper, dem was der schaft ein rôr.
Verse: 24    
mite stach er dem môr

Verse: 25    
hinderz ors ûf den griez:
Verse: 26    
niht langer er in ligen liez,

Verse: 27    
twanc in sicherheit sîn hant.
Verse: 28    
was daz urliuge gelant

Verse: 29    
und im ein grôzer prîs geschehen.
Verse: 30    
Gahmuret begunde sehen




Next part



This text is part of the TITUS edition of Wolfram von Eschenbach, Parzival.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.