TITUS
Wolfram von Eschenbach, Parzival
Part No. 368
Previous part

Chapter: 368 
368


Verse: 1    Lippaôt der vürste al vaste bat.
Verse: 2    
"herre, durch got die rede lât"

Verse: 3    
sus sprach des künec Lôtes sun.
Verse: 4    
"durch iuwer zuht sult ir daz tuon

Verse: 5    
und lât mich triuwe niht enbern.
Verse: 6    
eins dinges wil ich iuch gewern:

Verse: 7    
ich sage iu hînte dirre naht,
Verse: 8    
wes ich mich drumme hân bedâht."

Verse: 9    
Lippaôt im dancte und vuor zehant.
Verse: 10    
an dem hove er sîne tohter vant

Verse: 11    
und des burcgrâven tohterlîn.
Verse: 12    
diu zwei diu snalten vingerlîn.

Verse: 13    
sprach er Obilôte zuo:
Verse: 14    
"tohter, wannen kumstû?"

Verse: 15    
"vater, ich var nider her.
Verse: 16    
ich getrûwe im wol, daz er michs gewer:

Verse: 17    
ich wil den vremden ritter biten
Verse: 18    
dienstes nâch lônes siten."

Verse: 19    
"tohter, dir geklaget,
Verse: 20    
er enhât mir ane noch abe gesaget.

Verse: 21    
kum mîner bete anz ende nâch."
Verse: 22    
der megede was zem gaste gâch.

Verse: 23    
si in die kemenâten gienc,
Verse: 24    
Gâwân spranc ûf. er si emphienc,

Verse: 25    
zuo der süezen er saz.
Verse: 26    
er dancte ir daz si niht vergaz

Verse: 27    
sîn man im missebôt.
Verse: 28    
er sprach: "geleit ie ritter nôt

Verse: 29    
durch ein sus wênec vrouwelîn,
Verse: 30    
solde ich durch iuch inne sîn."




Next part



This text is part of the TITUS edition of Wolfram von Eschenbach, Parzival.

Copyright TITUS Project, Frankfurt a/M, 12.9.2008. No parts of this document may be republished in any form without prior permission by the copyright holder.