TITUS
Physiologus: Wiener Prosa
Part No. 16
Previous part

Chapter: 14   Link to Physiol1 Link to Physiol3
Paragraph: 1     Ein tier heizit Dorcon, Steingeiz, von deme zellit Phisiologus: <S>iu minnet hohe berge, in den teleren weidenot si, die uf den bergen sint. Ez ist ein tiure tier unde bewarot sich vile wole.
Paragraph: 2     Da Item: 145v  si uf den bergen get unt die liute in deme tale gesihet, so bechennet si wole, ob si jagire sint.
Paragraph: 3     Also tuot unser trehtin, der haltende Christ, er minnet hohe berge, daz sint ware patriarche unt prophete unt apostoli unt andere heiligen.
Paragraph: 4     Unser trehtin ist diu Caprea, diu in der heiligen christenheit weidenot mit den werchen. dei heilige liute tuont, als er selbe in dem evangelio chut: "ich hungerote, ir gabit mir zezzenne".
Paragraph: 5     <D>iu telir die in den bergen sint, die bezeichenent die christenheit, diu in mislichen stetin ist. Daz diu Caprea so heiteriu ougen habet, daz si die jagere so verre sehen mach, daz bezeichinet unseren trehtin, also diu scrift chut: "er ist got aller gewizzide" unt ist ave sus gescriben: "Unser trehtin ist Item: 146r  hoch unde sihet vile verre hohiu und nideriu."
Paragraph: 6     Der wise rihtare sihit die gescephide ane die er zuo sinem bilide gescuof unde rihtet unde bescirmet si vile gewarliche vor des tiefales striche.
Paragraph: 7     Er heizit unsich die berga zuo diu suochen, daz wir von ubilen gedanchen gemerret newerden. er meinet die heiligen scrift, da megin wir ane sehen waz unsereme scephare an uns liche oder misseliche. (8) Also diu Caprea den jagire verriste gesihit. also sach unser trehtin der haltende Christ Judam der in verchoufte unte sprach sus zuo sinen jungeren: "iuwer einer verchoufet mich" und sprach sus: "Juda mit einime chusse so gist du hine des menniskin sun."

   
Paragraph: V1     iu: davor Lücke für Initiale W.; Ez: mit Initiale W.; ein tiure tier: verderbte Lesart der Dicta Chrys.: preciosum animal statt perspicuum Lauchert
Paragraph: V4     christenheite (!) W.; zezenne W.
Paragraph: V5     iu: davor Lücke für Initiale W.; bezechenent W.; Daz: mit Initiale W.; Vnser: mit Initiale W.
Paragraph: V6     strikche W.
Paragraph: V7     da (!) megin W.
Paragraph: V8     uer\choufet (!) W.; chosse W.



Next part


This text is part of the TITUS edition of Physiologus: Wiener Prosa.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.