TITUS
Physiologus: Wiener Prosa
Part No. 28
Previous part

Chapter: 26   Link to Physiol1 Link to Physiol3
Paragraph: 1     Ein vogil heizit Caradrius in dem buoche Deutronomio, da ist gescriben daz man in ezzen nescule.
Paragraph: 2     <D>annan zellet Phisiologus unt chut daz er aller wiz si. Sin mist der von ime vert der Item: 156v  ist ze den tunchelen ougen vile guot.
Paragraph: 3     Mit disme vogiIe mach man bechennen, ob der sieche man irsterben oder gnesen scol. Ob er sterben scol, so cheret sich der Caradrius von ime.
Paragraph: 4     Ob er ave gnesen scol, so cheret sich der vogel zuo deme manne unt tuot sinen snabel uber des mannes munt unt nimit des mannes unchraft an sich. sa vert er uf zuo der sunnen unte liuterit sich da, so ist der man sa genesen.
Paragraph: 5     Sus sprach Christ von ime selbeme: "Der chunich der dirre werlt furste ist, der nevant ane mir nieht."
Paragraph: 6     Der tiufal nevant in Christo nieht, want er nesuntote noch unchust newas Item: 157r  ime nieht.
Paragraph: 7     Er chom zuo deme siechen liute der Judono, do cherte er sich von in unte cherte sich zuo unseren vorderen. er nam unsere unchraft unte unsere sunte an sich unte fuor an daz chriuce.
Paragraph: 8     Dar nach fuor er ze himele unte leitte die menniskeit in ellenttuom. Er chom zuo sinen eiginen, sin inphiengen in nieht. Die ave in enphiengen, den gehiez er, daz si gotes chint waren. 9) Den daz umpillich dunche, daz man Christen zuo den tieren zelle, zuo Lewen unt ze Trachin unte ze Aran unt zuo anderen tieren, die wizzen daz so man guotiu dinch meinet, so bezeichenent si Christ, so siu ubeliu dinch unt starchiu meinent, so bezeichenent si den tiufal.

   
Paragraph: V2     annan: davor Lücke für Initiale W.; Ein (mit Initiale) mist W., verb. von Lauchert
Paragraph: V3     Ober: mit Initiale W.
Paragraph: V4     so vert Maßmann
Paragraph: V5     Der: mit Initiale W.; ane (!) W.
Paragraph: V8     Er: mit Initiale W.; Die: mit Initiale W.; lat. ascendens in altum, captivam duxit captivitatem, dedit dona hominibus (Eph. 4,8) Lauchert
Paragraph: V9     zetrakchin W.; wizen W.; bezeichenent (!) W.



Next part


This text is part of the TITUS edition of Physiologus: Wiener Prosa.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.