TITUS
Physiologus: Wiener Prosa
Part No. 29
Previous part

Chapter: 27   Link to Physiol1 Link to Physiol3
Item: 157v 
Paragraph: 1     Ein vogil heizit Fenix, des pilide habet unser trehtin. wante er chut in dem evangelio: "Ich habe gewalt minen lip ze lazzine unte ave ze nemine. ander niemen nemag mir in genemen". umbe disiu wort waren ime die Juden erbolgen.
Paragraph: 2     Von disme vogile zellit Phisiologus: Er ist in eineme lante heizit India. so er finf hundert jar alt wirt, so vert er in einen walt heizit Libanus unte fullit sine fedrach beidiu der bimentone, die in dem walde sint. er machet Item: 158r  ime mit dem bimenten ein nest unt samenet ein michel teil durres holzes, legit daz dar unter unt fert uf zuo der sunnen, nimit daz fiur unt inbrennet daz holz. so sliuffit er selbe in daz nest unt virbrinnet darinne. daz tuot er allez in dem Merzin.
Paragraph: 3     Darnach wirdit er ze ascun, so wirdit er in deme eristen tage zi eineme wurme. An dem anderen tage wirdit er zeinem vogile. An dem dritten tage so wirdit er als er e was.
Paragraph: 4     Dirre vogil bizeichinit Christ, des fedrach sint vol mit dem suozzen stanche niuwere unt alter ewo. er ist wol gelerit unt ist meister in himilriche. want er wol biwarit unt uobit niuwe unt alt ewa.

   
Paragraph: V1     über 1 Raum für ein Bild W.; Ich: mit Initiale W.; zelazîne W.
Paragraph: V2     Er: mit Initiale W.
Paragraph: V3     Andem: beide Male mit Initiale W.; alsor ê W.
Paragraph: V4     bizeichinit (!) W.; lat.: Sic erit omnis scriba doctus in regno coelorum, qui profert de thesauro suo nova et vetera Lauchert



This text is part of the TITUS edition of Physiologus: Wiener Prosa.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.