TITUS
Lancelot und Ginover I: Prosalancelot
Part No. 55
Previous part

Page: (118) 
Sentence: 719    »Wie«, sprach syn meyster, »habent ir uwer pfert hinweg gegeben man enfund under dem hymmel keins das uch als wol keine - und myner frauwen wilpret on ir urlob und one den mynen?« und trauwet im sere.
Sentence: 720    Da sprach das kint:
Sentence: 721    »Meister, nu enzurnent nit sere!
Sentence: 722    Auch sint diße wind beßer dann der pferd zwey.
Sentence: 723    Und hett ichs noch zu geben, ich gab es umb zwen alsus gethan winde.« Da sprach der meister:
Sentence: 724    »Ir arnet es, samir all heiligen!
Sentence: 725    Ich sol uch geben ein wurtzeichen, das ir nymer me so groß affenheit beget, uch ensol es gedencken ee ir von mir koment!« und hub sin fust off und schlug yn an synen hals das er vor syn fuß nyder sturczt.
Sentence: 726    Und das kint stunt wiedder off, so das er wedder enweynt noch schrey, und sprach das im noch die wind lieber wern dann zwey als gute pferd.
Sentence: 727    Da der meister hort das er wiedder synen willen sprach, da schlug er den ein wint off die syten, das er sich off die fuß schmuckt und gab einen micheln schrey.
Sentence: 728    Da wart das kint sere zornig und zugt synen bogen von sym hals und greift yn mit beyden henden und drat zu im.
Sentence: 729    Da syn meister das sah, er wonde vn begriffen zwuschen syne arme.
Sentence: 730    Und das kint was behende und sprang enneben ab und schlug synen meister mit dem bogen off syn heubt ein michel wunde biß off das beyn, also das sin bog enzwev brach, und ergreiff vn mit sim hare und warff yn nyder off die erde.
Sentence: 731    Da er synen bogen gebrochen sah, da wart im hart zorne, und schwur das ers arnete das er im synen bogen gebrochen hett, und slug yn anderwerb mit dem stucke das im in der hant was bliben als lang, das im in der haut nicht als vil beleib das er einen schlag me da mit kunde geschlagen; so gar hett ern zurschlagen.
Sentence: 732    Die andern, die mit im waren, beschutten yn so sie meist mochten, und er zoh uß syn geschucz und wolt sie alle da mit erschießen.
Sentence: 733    Und sie flohen allesampt von im in den busch.
Sentence: 734    Da greiff er syns meysters pfert und revt heinwert und furt sin winde an syner haut, und synen bracken nam er off syn pfert fur sich und kam rytende in ein tal und fand weidende, als yn ducht, wol zwenczig reher an eim huffen.
Sentence: 735    Er schlug sin hant off syn achseln und wonde synen bogen ergriffen.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.