TITUS
Lancelot und Ginover I: Prosalancelot
Part No. 98
Previous part

Page: (204) 
Sentence: 1349    In all wise bedacht sich Phariens und was unmutig umb manch sach.
Sentence: 1350    
Claudas sprach zu Phariens was er wolt mit den luten allen die er mit im sehe kumen.
Sentence: 1351    
»Sie sint alle myn man und myn lut«, sprach er, »die mit uch koment.
Sentence: 1352    
Wedder súchent ir gut oder argk, das saget mir, wann ich wedder vor uch noch vor yn keyn angst hett; ich gab uch alles das ir woltet, wedders myn ere oder myn schande were, durch uwere liebe»Herre Claudas, das ist ware das ir uns gelobtet unser zwen herren wiedderzugeben«, sprach Phariens, »des enhant ir nit gethan!
Sentence: 1353    
Ir hant uns zwen wind gegeben mit einr silberin ketten.
Sentence: 1354    
Englaubent ir mirs nicht, seent hien beyde hund, sie sint uns unwertClaudas besah sie, und wundert yn fast sere was es wesen möcht.
Sentence: 1355    
Er kam so sere von imselber das er in langer wile ein wort nicht kunt gesprochen.
Sentence: 1356    
Da er da gesprechen mocht, da sprach er:
Sentence: 1357    
»Ach leyder, das waren die zwen winde die die jungfrauw huͦt am morgen bracht gefurt da ich saß und .
Sentence: 1358    
Nu weiß ich wol das sie mit yren listen die kint hatt hinweg gefurt.
Sentence: 1359    
Ich weiß aber nicht ob sie mirs zu gut oder zu argk dethe; wann so viel weiß ich wol das sie mich in groß arbeyt hatt brachtDa gedacht Phariens das er war gesprochen hett.
Sentence: 1360    
»Lieber frunt«, sprach Claudas, »nu enwenet des nicht das ich sie erdotet hab oder in gefengniß, darumb wil ich thun alles das man mir mit rechtem urteil erteilet.
Sentence: 1361    
Das enwil ich auch nymant zu lieb thun dann uch, her Phatiens, wann ich uch so getruw funden han in so großer note.
Sentence: 1362    
Da von sprechent auch selbe wie ich mich da von entschuldigen möge; das wil ich gern thun durch uwer mynne zu behalten, wann ich nye dheynen ritter gesah werlich dem ich als wol getruwete als ich uch thun.
Sentence: 1363    
Mynes libes und mynes gutes solt ir ummer geweltig syn von diesem tag furwert als lang als wir leben!
Sentence: 1364    
Sagent mir was irselb wollent was ich herumb thun, das ir mirs deste baß gleubet!
Sentence: 1365    
Wolt ir, ich thuns uchselber mit myner truw.

Next part



This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.