TITUS
Lancelot und Ginover I: Prosalancelot
Part No. 129
Previous part

Page: (266) 
Sentence: 1811    So mir got helff«, sprach er, »nu ist mirs nicht leyt al hant mir diße gedient, und weren sie noch zu eim mal koniges kint, sither das ich yn geglichen mag mit edelkeit oder mit wirdikeit.« Mit dem das Lancelot so wißlieb sprach und so herlich, stal er der frauwen so ir hercz, das sie yn so lieb gewann das sie yn von ir nicht ließ ryten als dick als er gewon was und wuhs ir myrine von tag zu tag.
Sentence: 1812    Und were das nicht gewesen das sie sin ere und sin besserung so gern gesehen hette, so geschah ir so leyt nye als ir das was das er so sere wuhs und so manlich wart.
Sentence: 1813    Sie sah wol, fúre er also fúr sich, das er schier ritter múst werden, sie wölt oder enwölt, und wann er ritter were, so wúst sie wol das er wurd nach abenturen ryten von land zu lande.
Sentence: 1814    So ducht sie das sie yne verlorn hett wann das sie yne nicht alle tag sah.
Sentence: 1815    Darzu kunde sie dheynen radt finden wie sie syn enberen möcht, sie sehe yn doch des tages zu eynem mal, herzu stunt aller ir gedanck.
Sentence: 1816    Und reyt also gedencken biß in ir herberge, und das sie synen zweyn nefen viel mer eren solt thun dann sie yn ye gethan hett, und solt sie vil deste lieber han durch synen willen, wann sie wol wúste das Lancelot nicht lang mit ir solt syn, das sie doch syn neven by ir hett an syner statt.
Sentence: 1817    Alsus gedachte sie das sie sich Lancelotes allerbast getrösten mocht.
Sentence: 1818    - Nu laßen wir diße rede von Lanceloten und von syner frauwen, biß wir aber daroff komen, und sprechen furwert von Leoncen und von Lambeguse wie sie gefúren.
Sentence: 1819    Alhie spricht das buch das der herre von Paerne und Lambegus, Phariens nefe, kamen rytend so ferre das sie die rifier von Terrache waren zu tal eynen ferren weg.
Sentence: 1820    Leonces von Paerne begund zu fragen Lambegusen, were das schön kint were das Lyonel nefe hett geheißen.
Sentence: 1821    »Ich enkenne syn nicht, werlichen, das ist mir leyt.« »Werlich«, sprach Leonces von Paerne, »er wúrt ein wise man und ein stolczer, soll er leben; ich gehort nye kint von solchem alter also hochlich gesprochen und also wißlich als es gesprochen hatt.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.