TITUS
Lancelot und Ginover I: Prosalancelot
Part No. 130
Previous part

Page: (268) 
Sentence: 1822    Die frauw, die also kint zúhet, sie mag es wol ere haben; were sie auch nit wiser dann ein ander frauw, unser zwen herren weren auch nicht zu ir komen.
Sentence: 1823    So mir gott helff«, sprach er, »ich wene auch wol das er recht hett da er unsern jungherren nefe hieß.
Sentence: 1824    Ich wene wol das sie geswister kint synt und gebruder kint, ich wil auch wol wenen das es ware sy.« »Wie were das«, sprach Lambegus, »von wes halben mocht er syn nefe syn?
Sentence: 1825    Min herre der konig Bohort hett keynen bruder dann alleyn den konig Ban von Bonewig, und myn frauw die koniginn Evaine enhett nit men schwestern dann die koniginn Alenen von Bonewig.« »Nu wißent furware«, sprach Leonces, »das es des kónig Banes sun von Bonewig was, es wart nye kint dem vatter als glich als dasselb kint ist dem konig Ban von Bonewig da er jung man was.« »Warumb sprecht ir das?« sprach Lambegus, »man weiß wol furware das des konig Bans kint dot ist vor menigem tage:
Sentence: 1826    an demselben tag da der vatter starb wart das kint ertrencket, so gicht man.
Sentence: 1827    Ich ensprich es nit darumb; wer er sy, er wúrt sicherlich ein byderman!« »Wißt ir wol das er dot ist?« sprach Leonces.
Sentence: 1828    »Furware enweiß ich es nicht«, sprach er, »wann die lut sprechen also.« »Nu wißent wol furware«, sprach er, »das er des konig Banes kint was, also werlich als das got lebet:
Sentence: 1829    er gebaret nemlich mit dem lib und mit dem gespreche als syn vatter thet; und dete er des nicht, so seget mirs myn hercz wol.« Des wundert sieh Lambegus sere.
Sentence: 1830    Und kamen zuhant rytend zu Gaune fur den thurn, den die von der stat nacht und tag behuten, das Phariens nicht daruß enkerne noch die andern gefangen die mit irn waren.
Sentence: 1831    Lambegus und sin geselle sageten allen den von dem lande wie sie die kinde funden hetten.
Sentence: 1832    Da wurden alle die in der statt als fro das sie nicht fröer möchten gesin.
Sentence: 1833    Die höhsten von dem land gingen zu den die des thurnes huten und hießen sie abegeen.
Sentence: 1834    Phariens wonde guten fried han und bereit sich als er des nehsten tages die gefangen wolt wiedder zu Claudasen senden, und wolt sieselb zu im geleyten.
Sentence: 1835    Alsus wolt Phariens thun, und die von dem lande gedachten alles ein anders, Sie forchten, und kein Phariens uß und sin gesellschafft, das er und Claudas wiedder off sie solten urlogen.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.