TITUS
Lancelot und Ginover I: Prosalancelot
Part No. 131
Previous part

Page: (270) 
Sentence: 1836    Sie wurden zu rate das sie Phariens und sin gesellschafft wolten in gefengniß gehalten umb das, das er sich verschwurn hete das er yn Claudasen in gefengniß selb gelobet hett zu bringen und des nit gethan hett.
Sentence: 1837    »Wir sollen syn gesellen nemen und sollen thun als ob wir sie döten wöllen; hatt sie Claudas dann lieb und hat er truw, so solt es im leyt syn das man sie vor synen augen döt.
Sentence: 1838    So muß er off uns verzyhen und muß uns schwern den friede úmmer me zu halten.
Sentence: 1839    Also blibet unser lant unverurlaget.« Alsus wurden sie allesampt des zu rat das sie wolten thun warten wann das sie uß rytten.
Sentence: 1840    So wolten sie sie vahen und also thun als sie zu rate waren worden.
Sentence: 1841    Da waren ettlich getruw lút under yne die keyn verretery wolten thun.
Sentence: 1842    Die verretery wolten thun die waren all mit dem herren von der Hohen Muren; er was ir heubt.
Sentence: 1843    Sie daten zuhant vierczig ritter sich wapen und zweihundert der besten scarianten die sie hetten, zu dryn porten die an der stat waren, und daten sie fur ygliche port ligen viermal zwenczig under rittern und under knappen.
Sentence: 1844    Phariens gedacht anderthalb wie er syn gesellen bewaren möcht das yn kein argk geschehe, und so sie uß dem thum kemen, das die von der statt darumb nicht enwústen.
Sentence: 1845    Er enwest wie alle lut gemut weren.
Sentence: 1846    Da fand er zuhant ein andern rat wie das er sie in derselben nacht uß wolt laßen und off synselbs huß furen.
Sentence: 1847    Er gedacht, ob er sie dar möcht bringen, das sie da wol sicher mochten syn, wie lang sie wolten.
Sentence: 1848    Er west wol furware das Claudas nicht lang solt beiten, er solt wiedder in das lant komen mit urlage, bliben sie in gefengniß.
Sentence: 1849    Darumb wolt er das schaffen das Claudas sin gefangen wiedder hett ee dann er wiedder keine zu urlagenne, das er forcht, keine er wiedder, das er das lant alles unerte und die hohen lút von dem land alle schlug und finge.
Sentence: 1850    Des nachtes in dem ersten schlaff ging Phariens uß und sin dry gefangen und Lambegus mit yne.
Sentence: 1851    Da sie zu der porten kamen zu Brytanien wert, da wurden sie zuhant bestanden.
Sentence: 1852    Sie werten sich sere, das enhalff alles nicht, sie wurden gewunt und gefangen; man furt sie zuhant wiedder in gefengniß in den thorn.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.