TITUS
Lancelot und Ginover I: Prosalancelot
Part No. 132
Previous part

Page: (272) 
Sentence: 1853    Alsus ist Lambegus und sin öhem Phariens wiedder in gefengniß und die dry ritter die Claudas zu gisel hett gegeben.
Sentence: 1854    Phariens was sere zu ungemach das yn sin lút so vil ungeniachs taten mit unrecht.
Sentence: 1855    - Nu mußen wir ein wil furbas sprechen von konig Claudas wie er gefure.
Sentence: 1856    Hie spricht das buch das dem konig Claudas nit vergessen ist des großen schadens und des großen lasters das im die von Gaune gethan hant, das sie im synen sune zu dot hant geschlagen, da von im sin hercz noch unfro und leidig was.
Sentence: 1857    Er gedacht wie er sich sterblichen gerechen mocht.
Sentence: 1858    Er hett alles sin here gesamelt und bereit sich also das er in den vier wochen die statt wolt beligen.
Sentence: 1859    Diß horten die sagen die wiedder Phariene dhein verretery hetten gethan mit dem herren von der Hohen Muren, und wurden fast sere erfert.
Sentence: 1860    Sie wústen wol, kein Claudas wiedder in das lant, das sie alle ertótet und geunert wurden, und sprachen das das lant zu recht geunert solt sin und verlorn, wann sie allsamen meyneidig wern worden wiedder Phariene und yn verraten hetten.
Sentence: 1861    Sie wurden des zu rate das sie wolten zu dem thurn ryten und wolten Pharienen ußlaßen und sin gefangen.
Sentence: 1862    Sie ritten zuhant zu dem thorn und gebarten als ob sie Pharien sere haßseten.
Sentence: 1863    Die des thornes huten die getruweten yn wol und ließen sie off on wiedderrede, wann sie darumb nicht wusten das sie sich ußgescheiden hetten von den andern.
Sentence: 1864    Sie ließen Pharienen zuhant uß und vielen im fur die füß, und baten yn das er yne gnedig were und dem lande allem, wann Claudas keine uber sie mit eim kreftigen here.
Sentence: 1865    »Nymant mag uns fried gewinnen«, sprachen sie, »ir enthúnd es dann.
Sentence: 1866    Durch got, sint uns genedig und wißent das furware das hie dheyn man fur uch stett der des volgen wolt das uch diß verretery wart gethan.
Sentence: 1867    Wir wollen uch die in uwern gewalt geben die uch diß gethan hant, off das das ir uns deste baß glaubent.« »Wolt ir das thun«, sprach Phariens, »so hettent ir mich wol geweret.« »Sie entfliehent uns dann uß dem lande, wir gebens uch.« »Das wil ich thun«, sprach Phariens.
Sentence: 1868    »Sent hien myn truw«, sprach er, »das ich uch mit myner hant wil helffen das ir fried gewinnent mit Claudas.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.