TITUS
Lancelot und Ginover I: Prosalancelot
Part No. 133
Previous part

Page: (274) 
Sentence: 1869    Enwil er mir auch keynen fried geben, ich wil uch helffen so ich allerbest kan und mag!« Sie wurden allesampt fast fro das yn Phariens so wol gelobet hett, wann sie allesampt wonden das er Claudasen lieber hett dann sie.
Sentence: 1870    Anderthalben sahent die die wiedder Pharien verretery gethan hetten das sie geuneret waren, und suchten gnad an yn.
Sentence: 1871    Und Phariens vergab yne, wann yn die getruwen barune darumb batten.
Sentence: 1872    Da bewarnten sie ir stat und bereiten sich also obs yn not geschehe das sie sich werten.
Sentence: 1873    Claudas kam fur die stat und belag sie mit here.
Sentence: 1874    Phariens ging zu rate und nam mit im die höhsten von dem lande und die von der stat, und sagte yn das er uß wolt ryten zu Claudasen und wolt versuchen ob er keynen friede an yn kund finden oder keyn gnad.
Sentence: 1875    Sie sprachen das Claudas schalckecht were; sie forchten sere das ern fing oder erslúg.
Sentence: 1876    »Des enwene ich nicht«, sprach er, »das er die untruw mir erzeuge, ich han so getruwelich mit im gethan; man sagt dick me ubels von einem menschen dann an im sy.
Sentence: 1877    Nochdann wil ich das ir off den heiligen schwerent, ir sint nu die mechtigsten von dem lande, ob mich Claudas dot schlecht, das ir die dry dot schlahent, wann ir wol macht hant, die in uwer gefengniß sint und mit mir gefangen lagen.« Also schwuren sie allesampt off den heiligen als er vorsprach.
Sentence: 1878    Phariens deth sich wapen und saß off ein herlich roß und reyt uß alleyn durch Claudas here.
Sentence: 1879    Die besten von Claudas luten bekanten yn wol by synen wapen und waren sin sere fro, und erten yne sere all die besten.
Sentence: 1880    So lang reyt er das er kam zu Claudas pavilune.
Sentence: 1881    Er der synen helm abe und stunt von sym roß und ging vor yne.
Sentence: 1882    Da yn Claudas sah, da sprang er off und greift yn allumb und was syn fast fro.
Sentence: 1883    Er kust yn an synen munt und deth wol die glich das er im lieb was.
Sentence: 1884    »Herre«, sprach Phariens, »ich wil wol das irs wißent das ich uch nicht gern enküße, ee dann ich wiße ob ich recht habe oder unrecht.« »Warumb sprechent ir das?« sprach Claudas.
Sentence: 1885    »Das thun ich darumb«, sprach er, »wann ir diße statt beseßsen hant, da ich menigen magk inn han und menigen frunt und ein und ander die allesampt in myner behútniß waren und in mym geleid.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.